السلام عليكم :
وأخيرا نجحت بالبلكوريا بدورة 2011 واخترت بعد تفكير طويل ادخل فروع الهندسة لوجود الرياضيات وأكثر المواد فيها فهمية
بس محتااااااااااار جدا بين هندسة الالكترونيات و الاتصالات وهندسة الحواسيب والأتمتة والهندسة الطبية
وليس لدي صورة واضحة عن هذه الفروع
وأريد أن أعرف كيف رتبها بالمفاضلة علما أن مجموعي 231


فأرجو أن ترشدوني إلى ميزات هذه الفروع وهل يوجد فرص عمل جيدة لها في المستقبل وعن دراستها هل هي صعبة أم سهلة وايضا كيييييييف رتبها حسب الأولوية بالمفاضلة ؟

أنا عضو جديد بس اعتبروني وكأني أخوكم الصغير    ولا تبخلوا بالنصيحة 


ولكم كل الشكر

السلام عليكم و رحمة الله و بركاته

 

أخي الكريم أهلاً و سهلاً بك في ملتقى طلاب جامعة دمشق

أخي لا أستطيع أن أفيدك إلا بهذا الكتاب

الكتاب الجامعي الشامل..دليلك إلى اختصاصك

تحيتي لك أخي الكريم

 

أخوك

*السوري*

أول شي ميروك

ثاني شي ماشاء الله بيطلعك أعلى

"معلوماتية مثلاً"

يمكن احسن شي هوي هندسة الحواسيب

                                                                                                                                                                                                                                                                         
لك 231 و بدك تفوت همك !!!!!!!!!!!!!!
اذا ما طلعلك طب اسنان او صيدلة ف اكيد يطلعلك معلوماتية (و المعلوماتية كلها رياضيات)
وبلالك الهمك نصيحة

السلام عليكم

ادخل إلى هه الروابط علك تجد ضالتك أخي الكريم

http://www.jamaa.net/art269655.html?&highlight=%C3%C8%DC%E6+%CD%E3%DC%DC%D2%C9


http://www.jamaa.net/art269645.html?&highlight=%C3%C8%DC%E6+%CD%E3%DC%DC%D2%C9



http://www.jamaa.net/art269749.html


و إذا كنت تريد التخرج بسهولة فعليك بالطبية 

ألف مبروك وأهلا وسهلا فيك

البيت بيتك

 

أنا عم ادرس (حاسبات بتشرين = الحواسيب بدمشق) وعنجد فرع رااائع وكتير حلو

خصوصا إذا كنت بتحب البرمجة والكهرباء (التكنلوجيا)

الله يوفقك يارب

اول شي الف مبروك
231 ومتردد وبدك تفوت حواسيب او طبية معقول انت ؟؟؟؟؟؟؟؟؟؟؟؟؟؟؟؟؟    
انا كمان دورة 2011 بس ماجبت ادك اقل بكتييييير بس نصيحة فوت معلوماتية او طب اسنان او صيدلة(اذا بتحب الكيميا)
بالنسبة للمعلوماتية اذا دخلت ع الموقع الخاص تبعها رح تلاقي شرح وكمان في الدليل الجامعي اللي الاخزان بالمنتدى عاملينو شكرا كتير الهن في شرح كتيييير ومفصل
اما متل مو معروف اذا بتحب الرياضيات فوت مدنية او اذا بتحب التفكير وتشغيل المخ فوت مكانيك او كهربا ولاتكون بصيم متل الشباب بالطب(بكل الكليات في بصم بس مو متل الفروع الطبية صح؟)
ونصيحة تانية صلي استخارة هلأ مافي تسجيل لبعد العيد كل يوم صلي وشو شو الله بيسرلك
بتمنى ماكون علكت كتير واستطعت انو قدم ولو جزء بسيط في شوية فائدة
ومرة تانية الف مبروك واهلا وسهلا فيك بيناتنا (ولو اني كمان انا جديد)
مافي داعي تتردد ها دير بالك التردد مو منيح تردد بالرياضيات والنتيجة انو زفتت
وموفق

شكرا لجميع الأعضاء
أنا محتار على الرغبة الثانية وليس على الرغبة الأولى
في الأولى : معلوماتية
بس متردد على الثانية
وأنا لا أحب الحفظ لذلك لغيت طب الأسنان والصيدلة

أرجو إذا كان بين الأعضاء طالب حواسيب أو الكترون أو طبية أن يتوسع لي في شرح هذه الفروع ولكم كل الشكر

سلام عليكم

اذا كنت حسمت امرك وقررت بعد المعلوماتية الهمك فنصيحتي الحواسيب ثم الالكترون ثم الطبية هاي من ناحية العلم من ناحية الصعوبة والسهولة فالحواسيب والالكترون صعبين بالدراسة اما الطبية فسهلة نوعاَ ما والله اعلم وفي فرع حلو ومستقبلو حلو طبعا مو بالهمك هو هندسة البترول بجامعة حمص او اللاذقية يُنصح فيو
موفق للاحسن ولا تنسى الاستخارة