مرحبا
هي اول مشاركة الي بهالمنتدى وانشالله لاقي تجاوب ما لقيتو بالككلية نفسها
اول اشي اعذروني لاني ما رح اقدر رتب افكاري بطريقة واضحة بس انا رح احكي يلي عندي
احنا فتنا فرع كويس شو ماكان الاختصاص وجبنا علامات حلوة وانشالله بنصير احلى مهندسين وهدا كلو لمصلحتنا ومستقبلنا اكيد
بس كمان في اشي اسمو حياتنا يا عالم
يعني حصرا بالكلية يالله لما سلم عحدا بيكون ردو كيف موادك
لما اجي اتعرف عحدا بيقلي كم مادة معك وهالمادة صعبة وهي سهلة
طيب احنا بجامعة صح؟
ما بعرف ممكن كمان يكون الغلط مني ومو من الجامعة؟
صدقا مش عارف شو يلي صاير بكليتنا
يعني معقول ما حدا بيعرف حدا ؟
معقول ما في رفقات ؟
كعقول الواحد يحس اول ما يفوت عالكلية باحساس غريب عجيب وما يصدق ايمت يطلع منها؟
انا هيك بصراحة لاني ما لقيت يلي يشدني عكليتي
يعني بحضر محاضراتي وفورا برا الكلية؟
طيب ليش؟
ليشششششششششششششش
احنا ما بدنا لا نكون صايعين ولا فلتانين
احنا بدنا ندرس وبدنا كمان نعيش
بدنا نحس
بدنا نشغل اشيا تانية مع عقلنا مش بس عقلنا
في شي اسمو احساس
في شي اسمو صداقة
في اشي اسمو والله كتيييييييييير

موضوعي ما رح يخلص بس هدا يلي قدرت اكتبو وجد جد عذروني لو كان الموضوع برايكون سخيييف
سلام

سجل أنا همكـــــي                  أنا عقل بلا جســدي
أعيش بفرع كل مـن                  فيه يعانون من العقد

اقتباس

في شي اسمو صداقة

أنا أعتذر هذه الكلمة محذوفة من قاموس كل الكليات..
يعني مو عنكون و بس..
بدك تطول بالك و تتعود ..


..........                ...............

the-different


عزيزي بدك تصبر شوي وتعذر العالم

لأنو كليتنا دوامها صعب وطويل والطالب مابيعرف كيف بدو يدير أمورو 

من جهة دوامو طويل ويادوب يبدأ الفصل وتبدأ المذاكرات وحلقات البحث تنهال عليه

لهيك شي طبيعي تكون نفسيتو مختلفة عن نفسية الطلاب بالكليات الثانية والحديث الدائم الو المواد

بسبب الضغط النفسي الهائل يلي يتعرضلوا


بس لازم تكون روحك مرحة وحلوة وأكيد رح تلاقي أصدقاء مناسبين لالك


وبكليتنا في صداقات كتيييير حلوة


بتمنالك التوفيق بمشوارك داخل كلية الهمك


(فخر الجامعات السورية)

مسا الخير :هونها بتهون
هلق انت طالب جديد ولسا ما تعودت على جو الكلية وعلى الضغط الدائم معك معك بتتعود وبس لتتعود ما بقى فيك تعيش بلا هالضغط وعلى فكرة أحلى الأيام يلي لح تقضيها بالكلية لح بتكون هي الأيام يلي ما فيك تتنفس فيها وبكره بتشوف ومشان الصداقات أصلا لن تكسب أصدقاء الا من وراء هالضغط  وعل فكرة بالكلية لح بتكون صداقات مع أشخاص أكتر ما بتتوقع
وأسفة لأني جبتلكم الضغط من كتر ما ذكرت كلمة الضغط

رح قلك شي ما بتوقع انو كلامك صح كليا
يعني قصدي الضغط حلو والواحد حلو يدرس ويشوف حالو عم يانجز
بس الصداقات بتجي مش بالضغط وبس
خلص يعني لما يخف الضغط بتروح كل العلاقات هي؟؟؟؟
اشي تاني انا صح اكيد رح اتعود عالجو هدا بس بطريقة تعجبني انا وبشي انا رح اعملو عشان احب الكلية وجوها

أولا شكرا على صراحتك ورأيك الوضح
ثانيا أن ما قصدت رفقات مصلحة لكن المعاناة المشتركة بتوطد هي الصداقة لما لأ
أخيرا اذا ما بدك تتعود غير على كيفك ومزاجك فوالله ما لح تتعود جربنا قبلك واضطرينا نتعود على الجو  مو على كيفنا وانما على كيف الدكاترة والجامعة والضغط الخ الخ

كيفك؟
اسمعي انا كمان ما قصدت رفقات مصلحة بهداك المعنى يعني
بس المهم بدي احكي شي
يعني اذا الواحد دايما رضخ للامر الواقع ما حيكون الو شخصيتو
تاني شي
انا ما قلت اني ما حفوت بجو الضغط والدراسة لاني انا يلي اخترت هي الهندسة وكنت عارف انها حلوة وصعبة كتييير
بس لازم لازم لازم يلي بدياه يصير
باذن الله
انت اي سنة؟
وشو اختصاصك؟؟؟؟؟؟؟؟؟؟؟

مسا الخير عند الضغط على اسمي silina تفتح صفحتي الشخصية وعندها فيك تعرف أنا أي سنة

تعي  لهون يا انسة
طيف انا طالب جديد؟؟؟؟
انتي هيك قلتي
لا انا مش طالب جديد
بس الصراحة اني جديد والله
بس كيف عرفتي؟

وبالنهاية من الموؤسف اني ما حشوف الرد الا لبعد يومين بتعرفي يعني عنا انا وانتي حت امتحان ب26 الشهر
يلا موفقة يا رب