مواد السنة الأولى للحواسيب والأتمتة 05-09-2009 08:29 PM
السلام عليكم
أهلاً وسهلاً بك أخي الكريم
بالنسبة لمواد السنة الأولى:
بالسنة الأولى سبعة مواد الفصل الأول وسبعة الفصل الثاني
الفصل الأول:
1- مدخل إلى الحاسوب : تتعلم فيها على الوورد والأكسل والخوارزميات ...... عفكرة هاي المادة سهلة
2- تحليل 1: مادة بدها دراسة بس يلي يتابع الدكتور ويحل كل الوظائف ويشارك رح تكون سهلة ويجيب فيها معدل
3- فيزياء1: تأخد من الكتاب كله قسم العدسات والمرايا وما يتعلق بها من حوادث التداخل والإنعراج وهي مادة أيضا بدها متابعة وينجاب فيها معدل
4-إنكليزي1: أسهل من هيك مافي إذا كانت لغتك ماشي حالها ومابدها متابعة كتير
5-جبر خطي : مادة حلوة ولكن كثيفة وامتحانها يجي طويل ما تلحق تحل اذا ما كنت باصمها .. وبس بدها متابعة وشوية شغل مع الدكتور وهي تاخذ فيها المصفوفات وغيرها..
6-ورشات : مادة عملية بحتة يعني ما فيها نظري وحلوة كتير وممتعة للي يشتغل فيها وكل شي بثمنه
7-ثقافة: قومية متل يلي بالبكالوريا وفيها معلومات اخذناها بمراحل سابقة ... بدها بس حفظ جيد
مواد الفصل الثاني:
1- أسس الهندسة الكهربائية: ولها ثلاثة أجزاء : المكثفات - التيار المستمر -المغنا طيسية .... صعبة شوي بس بالمتابعة والمثابرة وحل أسئلة الدورات تصبح عادية
2-تحليل2: أسهل من التحليل1 بس بدها شوية دراسة ومتابعة
3-برمجة 1: هاي مادة بدها جهد عقلي للتفكير في حل البرامج ... وتأخذ فيها لغة البرمجة ++C وبدها شغل بالبيت وحل كل البرامج يلي تأخذها بالمحاضرة
4-فيزياء2: مادة تعتبرها الطلاب صعبة وهي ما بدها غير متابعة المادة وحل الوظائف والتردد المستمر عالدكتور
5-ميكانيك هندسي: مادة ربما تجدها صعبة ولكن بالمتابعة تصبح سهلة وفيها متعة
6-إنكليزي2: تقريباً متل الإنكليزي1 وسهلة
7-عربي: أحلى مادة و أسهل مادة وأغلب الأشياء يلي فيها أخذناها بمراحل سابقة
المهم المتابعة بكل المواد والمثابرة وحل الوظائف و التردد على الدكتور ... خلي الدكتور يمل منك
ولا تمل انت ابداً ولا تخلي محاضرة تفوتك ولا وظيفة تمر بدون ما تحلها أو تحاول أقل شي
اللهم نشكوا إليك ضعف قوتنا وقلة حيلتنا وهواننا على الناس أنت رب المستضعفين وأنت ربنا إلى من تكلنا إلى عدو يتجهمنا أم إلى قريب ملكته أمرنا إن لم يكن في ذلك غضب علينا فلا نبالي لكن عافيتك هي أوسع لنا نعوذ بنور وجهك الذي أشرقت له الظلمات وصلح له أمر الدنيا والآخرة أن يحل علينا غضبك لك العتبى حتى ترضى ولا حول ولا قوة إلا بك
أنت غير مسجل لدينا.. يمكنك التسجيل الآن.
|