السلام عليكم ورحمة الله


أنا يا يا شباب عم أدرس حاليا باللاذقية حاسبات وتحكم آلي

ومعي مادتين يا 3 ما رفعتن

وبصراحة ملاقي الدراسة باللاذقية سهلة وعلى هوى ما بسمع إنو الدراسة بجامعة دمشق أصعب بكتير ونصحني أحد خريجي الحواسيب من دمشق إنو إذا مرتاح باللاذقية ما في داعي أنقل عالشام

وإنو المحصلة آخر شي نفس الشي هون وهون

بس انا بصراحة حابب أنقل ... !!!      ليش؟؟      لشوفكن .. 

فحبيت استشيركن  وإسألكن
شو رأيكن ؟؟؟؟؟ بالموضوع كلو ؟؟ وأنقل ولا ما أنقل ؟؟؟؟


وشكرا كتييييير

السلام عليكم  أنا مقيم في اللاذقية ولي أصدقاء ودكاترة في جامعة تشرين  وحسب ما شفت وسمعت  أن في جامعة تشرين هناك ظلم كبير من ناحية الصحيح وغيره وأنت اذا كنت قادرا على المتابعة في جامعة دمشق وعندك الاصرار والعزيمة فاعلم أن الصعوبة لن تقف في طريقك وبدي قلك شغلة : عندما تحب مادة وتفهمها تماما ستدرك لوحدك سهولتها ونفس الشي بالنسبة للجامعة , ونصيحة : اذا كنت قادرا على العيش في الشام فجامعة دمشق خير لك من جامعة تشرين ( باجماع طلاب اللاذقية)          

الله يجزيك ألف خير  أخي

مشان هيك منورة اللاذقية  :)

مشان حبي للمواد

أنا عندي حب كبييير لهاالفرع ومعجب كتير فيه خصوصا بالبرمجة والحمد لله ماشي فيها منيح

بس المشكلة إنو طريقة إعطاء الدكاترة مو منطقية بالمرة (مو كلن طبعا)

يعني بيحكو معنا وبيشرحولنا  متل كأنن عم يراجعو المنهاج مع دكاااااترة ما بيهمن أبدا فهمنا ولا ما فهمنا بس بدن نكتب بالإمتحان !!!! الله يعين

سؤال صغير بس : عحسب معرفتكن بيحتاج الواحد لواسطة لحتى ينقل ؟؟؟

لأني سمعت إنو اللي ما معو واسطة ما بيمشي حالو      بالمرة

الله يسلمك أخي وأنا بكرة طالع عالشام ورح تابع موضوعك وبوافيك بالخبر عبر المنتدى يعني إما الخميس أو الاثنين  بردلك خبر          

الله يخليك ويجزيك ألف ألف خير

عنجد ما بعرف شلون أشكرك

وأنا عم استنى

السلامة عليكم

انا طالبة هندسة حواسيب بجامعه دمشق

مشان النصيحة بصراحة ما بنصح حدا ينقل عجامعه دمشق بهالفرع بالذات

ما حدا نقل من اي محافظة للشام الا و قال يا ريتني ما نقلت

و هاد الحكي بسبب المواد و الدكاترة و التصحيح و العملي ( من كل النواحي!! )

انا ما جربت بغير محافظات بس عمنقل الشي اللي سمعتو عن الطلاب اللي نقلوا

و الله يوفقك بكل حال

وعليكم السلام ورحمة الله وبركاته

أنا بنصحك متل ماقال الأخ آبو بهجت(آميرال) اذا كنت مصمم وبتقدر تنقل فلا تتردد لانه الصعوبة موجودة وين ماكان وبتضل جامعة دمشق غير

بس كمان متل ماقالت Angel43 حسب احتكاكي بزملائي يلي نقلوا اي يمكن في تشدد اكتر من غير محافظات  بس عكل هنن مشي حالهم ونقلوا وهلق متلهم متلنا

 بس بأول فترة رح تلاقي صعوبة بمواد يلي بيحملوك ياها ادارياً  بسبب التعارض مع مواد تانية بس اذا بتقدر تنسق مافي مانع يعني الهمة عليك

حسب ماأذكر السنة الماضية تم قبول جميع الطلاب يلي مقدمين طلب نقل عجامعة دمشق يعني مافي واسطة من هالناحية

أسفة طولت بس لأقدر فيدك

ان شاء الله بالتوفيق

وعليكم السلام ورحمة الله

انا طالب حواسيب قسم تحكم جامعة دمشق وصراحة القسم صعب او سهل فهو صعب وكمان بعدو كفرع ما نضج منيح بعدها المواد شوي فايته بالحيط بالنسبة لقسمنا سمعت عن حلب انها جيدة بس اللاذقية ما بعرف وكنصيحة بكل الأحوال تبقى شهادة جامعة دمشق نوعا ما افضل من اللاذقية واذا ضل عليك الرابعة والخامسة فاانقل وتوكل عالله ولا تنسى الاستخارة بكل الاحوال

موفق

طيب الواحد لو كان عم يدرس هندسة تحكم الي واتمتة صناعية بحلب بيقدر ينقل عالشام ؟؟؟؟؟؟؟؟؟