اقتباس قالت لولو

انا عندي سؤال ...

البنت عندها مشاعر و ممكن تنجذب للشب ولا لأ؟؟

اذا وافقنا مبدئيا نحنا البنات على اللبس المحتشم 100%  باعتبارنا السبب يلي عم

يحرف الشباب ....

شو ممكن يعمل الشب بالمقابل حتى ما يجذب البنات وما يكون السبب باثارة مشاعرهن ..


أول الشي يا عيني لا البنات و لا مليون بنت منها محتشمة سبب انو يحرف الشباب

اللي بدو ينحرف بتكون نفسه ضعيفة سواء كان شب أو بنت
اللي بتلبس منيح لنفسها و اللي بتزلط كمان لنفسها

تاني الشي سواء كان شب و لا بنت الانسان اللي بتتحكم فيه مشاعره هوي انسان بمرتبة أقل من مرتبة الحيوان الانسان لازم يشغل عقله مو مشاعره ( من اتبع هواه)

و أنو المرأة عاطفية مو يعني معذورة  و إذا كانت المرأة صاحبة مشاعر جياشة و غير قادرة على ضبط مشاعرها بهداك الوقت تقغد ببيتها و يضبها ابوها او زوجها أو تروح تتزوج  و بلالها العلم او الشغل لانو الاخلاق مفضلة على العلم.

هون المشكلة انو لما بتفكر المرأة انها معطاة العذر كون الناس تراعي انها مخلوق عاطفي بحب ذكرها انو هي مسؤولة عن تصرفاتها امام الله و الناس

بتصور انو نحنا هون لنقاش هادف نحط فيه النقاط على الحروف مو لحتى نعطي اعذار لسلوكيات قبحة أسباب الانحراف معرفة مالها غير سبب واحد سوء التربية و قلة الاخلاق

البنت المرباية ذات العقل الناضح ممكن تعجب ( و أقول تعجب و لا أقول تحب انتبهوا لأنه البنت المرباية لا تتيح مجال للحب غير لزوجها )  بشخصية شب بوعيه باخلاقه بعمله بتحصيله العلمي ....الخ و حتى لو أعجبت لا يمكن أن تدلق نفسها عليه أو تهزر معه أو تلمحله لانها من المفترض أن تحترم نفسها.

بس البنت السخيفة هي يلي بدور على شب حلو  أو  صاحب عضلات صاحب نكتة بايحة ( يعني شبيه بمهند  هههه) الفاشل الصايع و بدور عليه معظم الوقت للتسلى

يعني المفترض البنت تكون أقدر على ضبط نفسها من الشب بحسب طبيعة الأنثى

ما هي هون المشكلة انو بنات هالايام ما بيميزوا بين الشب البايخ و السخيف و الشب الكويس

فليقولوا عن حجابى لا و ربى لن أبالى

فليقولوا عن حجابى أنه يفنى شبابى

و ليغالوا فى عتابى إن للدين إنتسابى

لا و ربى لن أبالى همتى مثل الجبال

أى معنىً للجمال إن غدا سهل المنال

اقتباس  قالت لولو:

حلو هالحكي ... لهون بدي وصل


طالما اللي عندو أخلاق ما بينحرف ... ليش لاحقين البنات على كل حركة وعملتوهن

سبب ضياع الشباب و انحراف المجتمع

نحنا مو لاحقين حدا لا شباب و لا بنات نحنا عم نقول رأينا باللي عم نشوفوا

أما ليش بنخصص المرأة بالكلام فلأهميتها بالمجتمع ( أمك ثم أمك ثم أمك ثم أبوك) 

هذا لانو المرأة هي مدرسة إن أعددتها أعددت شعبا طيب الأعراق و العكس صحيح و إن أفلتها أعددت شعب الخنازير  فتأثير المرأة على فلات المجتمع لا يكمن في إغراء المرأة للرجل و بالتالي حرفه لا بل يكمن بأنه عندما ستتزوج كيف ستربي أطفالها ففاقد الشيء لا يعطيه فستربي الشباب و البنات على الانحراف الاخلاقي

هل فهمتي؟

فتصوري الفرق بين المرأة الأم صانعة الرجال و بين المرأة في مجلة البلي بوي كأداة جنسية كما يقول صاحب المجلة أمريكي الجنسية.

تكوين المرأة و سلوكياتها ليست مسؤولية المرأة فقط و إنما مسؤولية الرجال أيضاً

و الحشمة هي من الأخلاق الحميدة

الشيء الحلو  بالموضوع انو كل واحد عم يقول رأيه و أنا داخل هون لشوف طلابي كيف بفكروا و شوف طريقة تفكير هذه الاجيال بأمور الحياة

و إذا واحد قال هل فهمتي فمعناها لا يعلم آداب الحوار

على كل موفقة لولو و شكرا على تهذيبك و سعة صدرك لكلامي الغليظ  و على فكرة يمكن درسك بكلية الهندسة المدنية بالسنة التانية

و كون هذا المكان عم ناقش فيه اللباس و أنا عم ناقش اللباس بشكل عام مو بس لباس المتحجبات.

أحب أن ألفت نظر الجميع إلى بروز ظاهرة غريبة جديدة في الجامعة و هي حضور الطلاب إلى المحاضرات و الإمتحانات بالشورتات و البنات مبقى خبو شي شي شورت و بنتاكور و مشلح شي بخجل الصراحة كأنو رايحين على البحر أنا لو كنت محل وزير التعليم العالي لكنت فرضت اللباس الموحد على الطلاب لانو على الاقل يحترموا أساتذتهم و جامعتهم هي جامعة مو شط البحر برة الجامعة يلبسو شو ما بدهم

يعني معقولة طالب سنة رابعة بكلية الهندسة المدنية جاي على الامتحان بالشورت بس حكيت معه و عملته فرجة قدام زملائه
و الانكى من هيك في حدو وحدة جاية بالشورت كمان بس هي بنت ما فينا نحكي معها شي لانو اذا حكيناها و بهدلناها بقولوا عم تتحشر فيها

بس بهدل الشب عسى و لعلى غيرو يتربى و لو كان عليي كنت طالعتوا برة قاعة الامتحان منشان يتربى يجي بالشورت على الجامعة

والله معك كل الحق يا اخ احمد يعني شباب الجامعات زودوها شوي بلبس الشورت او الخصر واطي زيادة عن اللزوم بس يمكن بجامعة دمشق في حشمة اكتر من الجامعة يلي بدرس فيها انا بجامعة القلمون الخاصة الله لا يورجيك على هيك مناظر يعني شي بخلي الدم يغلي بعروئك يعني الشباب كاشفين اجزاء من اجسامهن شي مقرف ومقزز عنجد ياريت يعملو لباس موحد يليق بمكانة الجامعات ويريحونا من هيك شوفات

شكرا أخي زيزو

رح الفت النظر لشي صار معي

مرة كان معي أستاذ أجنبي من النمسا و استقبلته بكلية الهندسة المدنية بجامعة دمشق و كانت الدنيا صيف فشاف المناظر فقلي يعني كيف بقولوا عنكم انو بتغطوا المرأة و بتمنعوها من انها تتعلم
بس كمان كفى و قلي بس ليش كمان البنات جايات على الجامعة ولابسات هيك في بجنب الكلية بار يعني
قلتلو ليش السؤال
قالي لانو بالنمسا البنت لما بتروح على الشغل او الجامعة ما بتحط مكياج و بترفع شعرها و بتلبس هيك
لما الوحدة بتعمل هيك يا بتكون رايحة على شي بار أو سهرة أو مواعدة صاحبها أو بتكون ما عندها شغل رايحة دبر حالها

فجاوبته لا نحنا ما عنا بارات بس عنا البنات بحبو يكونوا دوما انيقين

مرحبا جميعا أما بعد