السلام عليكم اخواتي
الحديث بهيك موضوع كتير متشعب وطويل بس اكيد الحق والصواب مبين وواضح وضوح الشمس وما في بنت الا وبتعرف وبتحس احساس داخلي حتى لو ماكانت على علم وفقه باصول اللباس الشرعي
انو لبسا صح ومحتشم او لا
بعدين فعلا الشباب زودوها بقصة البناطلين القصيرة والبوكسرات الطالعة يعني انعمينا من هالمناظر بصراحة
يعني اذا البنت لبست لبس مو محتشم وفي جمال بمنظرها واغراء
وين الحلاوة والاغراء ببوكسر مبين ؟؟؟؟؟!!!!!!!!غير القرف والمنظر والمبتذل جدا

اما بالنسبة لمسالة القناعة بالحجاب وغير القناعة فأنا بعتبر انو كلو حكي وحجج لعدم لبس الحجاب
يعني انا ما بقول لاقتنع بالصلاة والصيام بصلي وبصوم
هاد الحكي نفسو نفس البنت الي بتقول بدي اقتنع بالحجاب لاتحجب
الحجاب فريضة على كل مسلمة ونحنا بننفذ الامر سواء اقتنعنا او لا  واكيد القناعة والحكمة منو معروفة ولا تخفى على كل صاحب فطرة سليمة


وبالنهاية الله يهدينا جميعا ويصلحنا

ويعطيك العافية اخي زيزو 

موضوع حلو ويستحق النقاش .... مشكورين عطرح الموضوع ...

أولا مواصفات الحجاب معروفة وواضحة للكل بس للأسف هلأ بتطلع وحدة حجاب وجينز

وكنزات ديقة هاد غير المكياج والعطر ... هاد اسمو حجاب ؟؟؟

البنات بقناعتون مع الأسف انو محتشمين انو كنزة مغطيي الورك معناتا هيي محتشمة

بس للأسف صارت بالفترة الأخيرة البنت المحجبة عم تثير الإغراء اكتر من غيرا

يعني ستايل البنات المحجبات عم يلفت انتباهنا اكتر من غيرون يعني فكرة الحجاب ما

تلفتي انتباه وما تغري حدا وطول ما انو عم بصير العكس بعتقد الحجاب من هاد النوع

باطل والله أعلم سواء انتي رضيانة عنو او لاء الفكرة بيلي حولك

أما بالنسبة لفكرة الشباب للابسين بناطلين ديقة وخصر واطي ... انتو عم تسموون

شباب بس بالواقع هنن ابعد ما يكونو عن الشباب مجرد شواذ عم تقلد الغرب شوفو

اصولن وفصولن بتعرفو شو هنن ومارح زيد لأن مانظرون جدا مقرفة ...


ويعطيكن العافية جميعا ... سلااااااااااام

مع ان وطننا العربي تعرض على مر العصور للتدخل والاحتلال والاغتصاب و التحرش و الاستخفاف والاستهزاء والاستنكار

مع هذا كلله يفاجئني اننا لم نتوقف يوما ً عن التدخل بتفاصيل حياة الآخرين
لم نتوقف عن احتلال خزانة ملابسهم و مراياهم وتسريحة شعرهم و قهوة الصباح لديهم
لم نتوانى عن اغتصاب حرياتهم وأفكارهم وآرائهم وعن التحرش بكل خطوة على طريق منازلهم ومنازل غيرهم
لم نتعلم عدم الاستخفاف بقدراتهم و بأهمية استقلال شخصيتهم واستنكار دموع عيونهم ودقات قلوبهم


كما انه :" كل من نظر الى امرأة لكي يشتهيها فقد زنى بها في قلبه "

وكل من رأى " بطة رجل " ولم يستطع ان يمسك اعصابه فالمشكلة فيه

          السلام عليكم
اولا : شكرا على هل الموضوع ... لانو عنجد البنات ما عاد استحوا

تانيا : مالح طول بالحكي ...الملخص لباس المرأة الاسلامي يتمتع بصفتين لا يشف ولا يصف
يعني المهم ساتر سواء مانطو او مو مانطو (بس اكيد مو بنطلون )رغم انو انا لابسة مانطو وبشوف انو هيك احسن واستر ...
لانو الحمد لله بالسوق ما في ملابس تحقق هي الصفات

مرحبااا بصراحة الموضوع شدني وبكاني كرمال هيك رح كون صريحة لأبعد الحدود رح أحكي كل شي عندي بالعادة ما بحكيه وقولوا عني اللي بدكن ياه أنا ما رح جمل صورتي وسامحوني اذا أنا وعم أحكي طلعت عن الموضوع بس تعبت بدي قول كل شي
أنا ببساطة بنت محجبة بعمره ما حدا من أهلي قلي تحجبي فتحجبت لحالي بالثانوي كنت عم أعمل دورة صيفية للبكالوريا وهربت من المعهد بحصة انكليزي واشتريت حجابات لأنو بصراحة ماما ما رضيت تنزل معي المهم تحجبت وما حدا بالعيلة قلي مبروك الا أختي مع اني كنت بحاجة شوية تشجيع بس أقنعت حالي انو ربي يرضى عني أهم شي وعمره ما حدا يقلي شي في شغلات لازم نساويها ولو عارضنا الكون كله
أساسا رغم انو أهلي وعيلتي ماما وخالاتي يعني محجبات وبيصلوا وبيعملو كل شي وأخلاقون منيحة كتير بس يعني بصراحة بعمره ما حدا نصحني أقرا كتاب ديني مثلا (الا خالتي لما كنت صغيرة) أنا قريانة روايات ععدد شعر راسي بقرا كتير كتير بعمره ما حدا قلي اقري شي أفيد ورغم انو أهلي كلون متعلمين كانوا معتبريني مثقفة كتير لأني بقرا روايات (رغم انو مو كلها كانت مناسبة لعمري) ما بدي لوم حدا بابا توفى وعمري تسع سنين وبالنتيجة أمي صابها حزن شديد شديد بأهم سنين عمري من ال9 لل 13وأكيد ما بلومها هيي عمري كله وقلبي كله والشي الوحيد اللي خلاني أنجح وأتفوق لما زعلها بتسود الدنيا بوشي المهم هي عطيتكون لمحة عن ثقافتي الدينية....حلوة؟؟؟؟؟؟؟؟ تخيلو بالحادي عشر حتى قريت لعمرو خالد فتغيرت حياتي التهمت كتبه التهام وعشت معها أحلى أيام حياتي وتغير كل شي وتحجبت متل ما سبق وحكيت مو بس تحجبت تغيرت كتير أشيا فيي
المهم أنا بلبس سبووووور يعني جينز وكنزة طويلة وعريضة وأكيد ما بتجلي يعني مو شفافة انتو عم تحكو حكي غريب بصراحة ما كنت مفكرة انو الشب بيلاقي بنت محجبة حجاب مو زابط مغرية اكتر من المو محجبة والله صرت أبكي طيب أنا هيك بلبس شو حجابي مغري يعني؟؟أنا طالبة عمارة ودوامي من الصبح للمسا وبصراحة بحتاج اواعي مريحة تخليني أعرف أرسم أكتر مما بفكر بالاغراء أنا ما برتاح غير بالجينز وما برتاح أبدا بالتنانير وببساطة ما فيي ألبس مانطو بلاقيه صعب كتير أنا مو ضده بحيي أي بنت بتلبس مانطو راكز و عن اقتناع
قبل ما ايا شب يقول شهوتي وعم تغروني شي مرة فكر يحس ما أصعب الشغلة خدوا موجة الشوب مثلا بتلاقي الشباب لابسين تيشيرتات عريضة ومرتاحين حدا منكون انتو الشباب فكر يطلع بالشوب بكم طويل وكنزة طويلة؟عنجد حدا جرب يفكر أديش الحجاب بيشوب؟؟؟؟بيشوب الأدانين والرقبة والأواعي اللي بتشوب الجسم؟؟أنا أقل وحدة بالعالم بتطلع من البيت ما عندي مشوار الا الجامعة من يومين طلعتلنا مادة ما حدا من رفقاتي جبلي ياها الكل طنش نزلت بالحمى بموجة الشوب واكتشفت صعوبة الشوب مع الحجاب (وكسيرة جانبية لقيت الجامعة مسكرة بكيت وترجيت الموظف يشفلي علامتي لأني صايمة وهلكانة ما بدي أرجع عالفاضي قلي مو شغلتي قاعدين عم يدخنوا برمضان بتعرفو شو عملت؟قلتله الله يلعنك ومشيت بدكن تقولو عني وقحة قولو) المهم رجعت عم أبكي من الحراقي والله العظيم الحجاب صعب كتير بس ما عم اشكي أنا بحبه كتير ومستعدة أتحمل وما أحكي مقابل رضا ربي بس انتو الشباب خفوا علينا شوي شو هالاتهامات؟؟جربو موقفنا قبل ما تحكوا
عجبني كتير موقف نبيل المهندس الحقيقة انسان وعنده إحساس وأنا بوجهله اكبر تحية بالكون
حسوا فينا والله تعبنا
وبالنهاية إنما لكل امرئ ما نوى
سلام وسامحوني عالإطالة

بالنهاية:

الحجاب شرط لازم غير كافي

والحجاب حجاب الأخلاق بالمقام الأول







(ربنا لا تجعلنا فتنة للذين كفروا)

تحياتي
   
 

لفت انتباهي أنه يوجد كثيرون من الناس يطالبون بالاحتشام كنوع من الالتزام الديني أي لو أن الدين لم يطلب ذلك فلا ضير على كل من سعى لاتباع الامور الحرفية للدين بهدف ان يكون أكثر اسلامية لا ضير في ذلك و لكن الاهم من ذلك هو أن يكون الانسان هو منبع ذاتي للخير و العقل بغض النظر إن طلب منه هذا رب العباد أم لم يطلب.

بما يخص الحشمة:

ان الإنسان المحترم العاقل ( ذكر كان أم أنثى) بعلم جيداً بأن الحشمة من محاسن الأخلاق و العكس صحيح أي اللبس الفاضح من سوء الخلق و لا يوجد شخص عاقل يحب التعري.
و إني أذكر بقصة أدم و حواء و هي قصةموجودة لدى جميع الاديان السماوية و ليس فقط الاسلام بأن أول شيء اكتشفة أدم لدى أكله من شجرة المعرفة أنه عاري و خجل من نفسه فستر نفسه من هذه الاسطورة التي تعبر عن الطبيعة في الوعي الجمعي للبشرية بأن سترة الجسد هي من دواعي العقل.

للباس هدفان: الهدف الأول ستر الجسد و الهدف الثاني هو واجهة الإنسان في مقابلة الأخرين أي أنك ستعطي الفكرة الأولى عن شخصيتك للإنسان الذي يراك لاول مرة من خلال ملابسك و هندامك. ( فعندما تزور أي بلد أجنبي لاول مرة فأول شيء ستشاهده هو المطار و عندما تستحسن المطار ستقول إن هذا البلد حضاري و إن رأيت مطار سيء فستعلم بأنك في بلد همجي).

إن كانت المرأة مسلمة أو غير مسلمة محجبة أم غير محجبة إن لباسها يعبر عن شخصيتها فاللباس الفاضح أو الضيق يعبر بأن هذه المرأة ترى نفسها من خلال مؤخرتها و ليس من خلال رأسها أو إنسانيتها الأنثوية و المرأة غير المحتشمة و الحشمة هي مفهوم أكبر ( لباس و كلام و مشية و سلوكيات) هي إمرأة بنظر لها الرجل الشرقي ( الحامل لمعاني الرجولة في نفسه) بأنها امرأة سخيفة و يكون نظرة سلبية عنها و المرأة التي تحب أن تظهر جمالها و تستخدم إغرائها هي إمرأة غير محترمة و إن كانت عاقلة لأظهرت إحترام نفسها لنفسها و بعرفت بأن أحترامها يكمن في اظهار ادبها من خلال سلوكياتها السليمة

و كذلك الأمر بالنسبة للشباب فعندما تشاهد شب ( و لن أتكلم عن الخصر واطي) فاتح صدره مثلا فإنك يجب أن تعلم بأنه فاقد لقيم الرجولة و إنه يعوض ذلك من خلال رؤيته لرجولته في ذكورته.

إذا مهما كان الانسان يرى بأن لباسه محتشم أم لا المعايير معروفة فلا يخدع أحد نفسه و لا يقول أحد بأن كل الناس لابسة هيك فأنا محتشم مو مشكلة يعني

يقول على ابن ابي طالب ( لا تقيسو الحق بالرجال و إنما قيسوا الرجال بالحق) أي أن إذا فلان فعل كذا لا يعني هذا بأن فعله صحيح و علي فعل مثله بل يجب أن نقيم فعله على أساس الحق.

السلام عليكم و رحمة الله و بركاته
بدي أبدي أحترامي لجميع الآراء
وسمحولي شارككن برأي
أنا بقول "حرية شخصية"
فكروا فيها