حريتك الشخصية تنتهي عندما تبدأ حرية الاخرين هي حرة ببيتها تلبس شو ما بدها بس مو بالشارع

لو كان هيك مفهوم الحرية الشخصية لصرنا بالغابة

هلق اكيد مو حرية شخصية فمثلا عم يمنعوا النقاب بالجامعة لاسباب واهية

هلق اللي بدها تطلع بالمكرو و اللي بدو يتحرك المفترض يكون لابس لباس مريح بحيث شو ما تحرك ما يبين منو شي هذا بمنطق العقل و احيانا كتير باستغرب بالبنات اللي بتلبس كنزة قصيرة و قال بس طخي لتطلع بالمكرو بتبلش تشدشد بكنزتها بضهرها هذا كلو خفة عقل بتصوري لانو لو كانت هالبنت بدها تستر جسدها صحيح كانت بالاصل ما لبست هيك و هذا مكمن النفاق بالموضوع

نحن كشباب لازم نغض الطرف مثلا اذا وحدة وقعت و بين شي مثلا مو نغض الطرف بوحدة متقصدة تبين مؤخرتها

على كل في كتير ناس بتتغنى بالغرب و الممارسات الغربية و انا رح اضرب مثل بالشركات الغربية مع اني ما بجب اضرب مثل عن الغرب لاني ما باعتبره صاحب حضارة و لا باعتبره قدوة بس الناس هيك بدها

في كتير شركات غربية بيمنعوا اللبس الفاضح لمؤظفاتهم و بيفرضوا عليهم اليونيفورم

بقى المسألة ليست حرية شخصية و إنما مسألة شخصية البنت و ذوقها و تربيتها

أنا برأيي حرية شخصية ونحن مالازم نحكم عالمظاهر وبس لأنو ما منعرف البيئة يلي عايشة فيها البنت

في كتير بنات بيتمنو يتحجبو بس ما بيقدرو

وبس بدي وضح شغلة للشباب:

أنتو كتيييييييييييير بتكونو غلطانين اذا بتفكرو أنو البنات بيلبسو ضيق أو قصير بس كرمال تطلعو

بدي قول أنو الشباب عنا مفكرين حالن مركز الكون وكل البنات بيعملو بكون كرمالن وهادا غلط لأنو نص البنات المحجبين بكون حجابهن وراثة عن أمن وستن

ونص البنات المومحجبين كمان هيك يعني عادات وتقاليد

أنا بالنسبة ألي بلبس مشان حالي وبس وما بهمني اذا فلان اتطلع ولا ما اتطلع

وبدي قول كمان أنو الحجاب ما بقييم البنت اذا كانت منيحة او لأ

يعني مو كل محجبة فيها خير ومو كل مووحجبة ما فيها خير

شكرا لجميع الأعضاء على االمواضيع والمشاركات المثيرة للاهتمام.بس في أشياء قد ما حكينا حولها بتبقى على حالها.ومنها اللباس يعني الصبية صارت تشوف انو معيار الجمال والانوثة هي الاثارة (اسف على التعبير ) وطبعا" مو كل البنات ؛بس فئة محدودة نسبيا" لأنو الأفكار المسممة من الغرب هيك صارت تجينا .
وخلينا ساكتين شوي لأنو الموضوع حساس

دمتم بود  

نحن دايماهيك منحب نسكت ليش ما بعرف؟؟؟؟؟؟

بس يلا خلينا ساكتين لنشوف لأيمتا

بكل الأحوال الموضوع عنجد شخصي وبيرجع لقناعات كل واحد فينا.

هلق أكيد اللبس بيتبع للبيئة يس نحنا طبيعة مجتمعنا شرقي ما في بيئة بتقبل التزليط من كافة المذاهب و الاطياف  بس هي الافكار دخيلة فيكم ترجعوا لكم سنة لورا ما كنتو بتشوفوا اللي عم ينشاف هلق بكل سوريا و أكيد اللبس منو حرية شخصية متفلتة على الاخير وين لكن دور الضوابط الاجتماعية و الاخلاقية
كمان مني عم احكي عن الحجاب او غير الحجاب عم احكي عن الحشمة أو غير الحشمة
كمان كل بنت بتزلط أكيد هي قصدها تقول تعو شوفوني لانو شايفة قيمتها بمؤخرتها مو بانسانيتها لانو لو كان الانسان عاقل ما بشوف حالو بشي الله وهبله ياه بشوف حالو بشي هوي صنعه و لو كانت عاقلة لكانت احتشمت و شكرت الله على تعمته مع انو الجمال هوي اكيد مو جمال القفى ( هذا رد على يلي بحب الجمال قال خلو الجمال يبان قال مع احترامي الك )
و كمان أكيد بينحكم على المظهر بالمقولة التالية ( مو كل محتشمة منيحة بس أكيد كل مزلطة منها منيحة بالمفهوم الشرقي يعني زوجة و أطفال و منزل و الخ ....) يعني الحشمة شرط لازم بس غير كافي بس غير المحتشم فأكيد سيئ الاخلاق مو بس بنت بنت و شب أنا شخصيا لايمكن أطلع بالشارع و فاتح صدري ما بقبلها على حالي بحس حالي سخيف اذا بعمل هيك و البنت اللي دالقة صدرها بحسها سخيفة كمان و ما خرج الواحد يقلها مرحبى كمان بنظر اليها نظرة دونية كائنا من كانت.

و أكيد اذا بلبس محتشم محدا بيقدر يقول عني غير محترم بس إذا بلبس هذا الجنز أبو خصر واطي و بيين قفاي فأكيد في كتير ناس حتى لو ضحكت بوشي بدها تقول عني مني متربى شو الله جابرني كشف عن قفاي غير خفة العقل و هي هي مشكلة هالاجيال مفكريين حالهم عايشين لحالهم مو بمجتمع يعني هيي بتلبس لحالها اما شو يقولوا الناس عليها ما بهمها

لو كان في بالراس حكمة كان الانسان اتبع مقولة كول على كيفك و البس على  كيف الاخرين

لك يا عمي رؤساء دول لما بزوروا دول براعوا لباس الدول التانية ما شفتو كيف مثلا وزير خارجية قطر لما بروح على الامم المتحدة بيلبس بدلة و لما بكون ببلده بيلبس غلابية و عقال

اي سلوك بدو عقل و لباس الانسان بعبر عن عقله و فكره و بيعطي النظرة المبدأية عن قيمته الانسانية و نظرته لنفسه و ذوقه

ronia

انا عندي سؤال ...

البنت عندها مشاعر و ممكن تنجذب للشب ولا لأ؟؟

اذا وافقنا مبدئيا نحنا البنات على اللبس المحتشم 100%  باعتبارنا السبب يلي عم

يحرف الشباب ....

شو ممكن يعمل الشب بالمقابل حتى ما يجذب البنات وما يكون السبب باثارة مشاعرهن ..