يا الله تعبت وأنا عم اقرأ

ما شاء الله عليك يا بلال أفكارك كتير


أنا كان راسي انفجر من كتر هالأفكار  :)

الشوق....آه من الشوق وعذاب الشوق...الشوق حالة إنسانية...مالها مثيل...هوي يلي بعرفنا شقد منحب الناس يلي منشتقلن....الشوق هوي صلة الوصل بين قلوب الناس ومحبتهن لبعضن...عقد مابكون الشوق قوي على قد مابكون حبك للطرف الآخر كبير وقوي....
الشوق...بعبر عن مدى حاجتك وفقدك لإنسان...........
مشتاق كتير لأهلي...لناسي....لأحبابي....لبيتي...لكتبي.....مشتاق لكلشي بحبو.
الشوق أكل مني شقفة....
.....................................................................................................................
ذكرى/ش/م/ح/

اللسان هاد العضو يلي بيحتويه جسم الإنسان،صحيح حجموا صغير بس فعلو كبير،بشعل حروب وبينها،وببعد قلوب وبقربها،وأحيانا بكون سبب مقتلنا وأحيانا سبب محيانا،لهيك بيحضرني بيت شعر بقول:
أحفظ لسانك أيها الإنسان
ليلدغنك أنه ثعبان...
كم في المقابر من قتيل لسانه...
كانت تهاب لقائه الشجعان...

من أصعب الأفكار يلي بتخطر عالبال وخاصة إذا أجا ببالنا احتمال موت شخص منحبو لأن الفراق صعب وخاصة إذا كان أبدي و كان هالشخص قريب منك كتير وغالي...أنا بعتبر الموت أصعب فصول الحياة وآخر فصول المسرحية وبداية الحياة الأبدية....
‏.........
هامش:
يمكن بهالأيام صار الموت كتير عادي وأمنية بيتمناها الإنسان وصار أرخص شي تعا عبي بالجملة وشيل كنك بتلحق تشيل؟!

       
            من أصعب الأفكار يلي بتخطر عالبال وخاصة إذا أجا ببالنا
احتمال موت شخص منحبو لأن الفراق صعب وخاصة إذا كان أبدي و كان هالشخص قريب
منك كتير وغالي...أنا بعتبر الموت أصعب فصول الحياة وآخر فصول المسرحية
وبداية الحياة الأبدية....

هو الموت فراق والفراق صعب

بس اكتر شي بيوجع بالدنيا هو المرض

خصوصي اذا انسان غالي عليك كتير بتشوفو يتوجع قدامك وماتقدر تعملو شي

ولا حتى تقدر تطلع بعيونو

يمكن الي بيموت بيعطيك نهاية وبيقلك هون وبس بس المرض لأ

من زمان مافتت عالموضوع لما اجيت فوت طالعتولي الموت ههههه حرام عليكون

مافي أحلى من لمة رمضان لما تجتمع الناس عالسفرة وسايد بينها التفاهم والرحمة والوئام هاد بشكل خاص، وبشكل عام مافي أحلى من الجمعة عالأكل وجرب حط سفرة لحالك وشوف بتحس للأكل طعمة متل إذا كان في لمة؟
أكيد لأ هاد بنظري طبعا أنتو رأيكن شو؟^_^.
‏...........
هامش:
قال النبي صلى الله عليه وسلم:
(خير الطعام ما اجتمعت عليه الأيدي).
‏
مبارك لمن بلغ رمضان فرج الله علينا فيه ونصرنا إنه ولي ذلك والقادر عليه.

أصعب مرض بمر فيه الواحد لما ينصاب بالحيرة ويصير محتار وحيران وماعرفان شو بدو يعمل وشومابدو يعمل بصير ضايع وأحيانا يمكن يطق مخو الواحد ويجن أو ينجلط ويموت من التفكير والضغط النفسي والهم يمكن علاجو أنك تاخد قرار وترسى عبر وتعرف طريقك و ماتخلي الخيارات مفتوحة وكتيرة والموج ياخدك ويجيبك.
‏...............
هامش:
أحسن شي قوم أسبح بس خايف أشرب مي وأفطر هههه!
لسا كام سنة وخالصين إذا ضلينا عايشين!

مريت بالحيرة لفترة يمكن مو كتير كبيرة تقريبا شهر

بس مر كأنو عشرين سنة

كرهت حالي فيها والحمدلله الي خلصت هالفترة

 لما تاخد قرار بشي لا ترجع تطلع لورا بالمرة

شو ما كان خلص انت مشيت

الله لا يحير حدا

موفقين وخلي الفكرة الجاي عن الأرق لانو ابشع مرض بالدنيا

مزال أنت اقترحتي فكرة الأرق فأنت لازم تكتبي عنها ^_^.
ناطر أنا والزوار نقرا فكرتك حول الأرق، فكرة جيدة لازم نسلط الضوء عليها ونعرف شو حلها.

طيب رح احكي عن الأرق شوي وابد بفكرة جديدة نتناقش فيها كلنا

الأرق .. مممممممم ... الي بعرفو انو الو نوعين

ارق ناتج عن اسباب جسدية : تعب جسدي

ارق ناتج عن أسباب نفسية : تفكير زايد

وبالحالتين قاتولي والله لا يبلى حدا

والله لهلأ مالقيتلو دوا غير حبوب المنوم مع الأسف

لأنو اذا مني وعلي نام لحالي صعب كتير الا اذا كنت تعبانة كتير بالنهار

ومعبية نهاري بأكتر من نشاط لدرجة اذا حطيت راسي عالمخدة

ما بفضى عد للواحد وبغفى دغري



الفكرة التانية لما تكون تعرف شخص بيكره يشوفك بمكان ولسبب ما تعرفو

ولما يشوفك تحكي بيحاول قدر الامكان انو يتجاهلك وبيبعد الناس عنك ليحسسك انو انت ولاشي

وبالصدفة تكتشف انو هالانسان بيكنلك حنية قد الدنيا وانت عندو غير كل الناس

مابعرف لازم الواحد يندم ولا بيفرح

 شو قصة هالناس

يا اما انا صايرة ما بستوعب يا اما الدنيا كلها فايتة بالحيط

شكرا عالموضوع بلال والله حاسستو فشة خلق اكتر من طرح افكار