التجربة فكرة كبيرة كتير وبتلعب دور مهم بحياتنا بتحديد أفكارنا و مبادئنا وتوجهاتنا تجاه قضية من قضايا الحياة يلي بعيشها بني الإنسان...
بجوز التجربة تترك أثر سلبي وبجوز تترك أثر إيجابي
بجوز تقتلنا وبجوز تحيينا
بجوز تحبطنا وبجوز تفرحنا و حتمالاتها كتيرة كتير.....
واستفادتنا من التجربة أو عدم الاستفادة منها (العبرة) بيتوقف عطبيعة وطور المجرب....
و بالنهاية يلي متأكد منو وحاقلكن ياه أنو أي شخص دخل التجربة حايطلع بنتيجة إذا مانجلط من وراها وحط راسو ومات.
‏^_^.
‏...........
هامش:
مشكورة هبة عفكرة الأرق.
بنصحك لتفادي الأرق ماتاخدي حب منوم وبأنك تستبدلي وقت تجي تنامي بالتالي: تحاولي تسترخي وتشيلي من راسك كل الأفكار يلي مدايقتك ومحتلة تفكيرك وتستبدليها بأفكار جميلة أنت بتحبيها،فكري بشي بتحبيه.
أنا وقت أجي نام بفكر بشي بريحني...وخدي عقصص حلوة وخيالية بعيشها قبل مانام هههه.
تحياتي للجميع.

شو مشان كل المواضيع الي شاركت فيها عدد الموجودين 2

ا اعضاء و 1 زائر

ياعمو روح نام الله يرضى عليك

صار عندي فضول هههههههههه

عجبتني حط راسو ومات

التجارب يا بتنجح يا بتفشل وبالحالتين بدنا نتقبل النتيجة ونتأقلم معها

اصلا بهالايام التجارب صارت مغامرة

 لانو ماعدنا زغار وكل ما كبرنا تكبر النتائج سواء سلبية او ايجابية

وخدي عقصص حلوة وخيالية بعيشها قبل مانام هههه.

شي حلو بس المشكلة راسي يابس يابس متنك الله يعزك

يا اما بنام مرتاحة كتير يا اما بنام طب

حل وسط مافي

انشالله هيك الله يهديني وكبر عقلي شوي ع كم شغلة لأنو تعبت كتير

يمكن هي موضة يمكن صفة

والله مابعرف ياترى بحسد صحابها ولا بذمهن

اكتر صفة بتكرهني بالبني آدم هي برودة اعصابو

وبنفس الوقت بمر أحيانا بمواقف بتمنى فيها لو دمي جليد

او تلج وبطنش بس مابقدر الا واتدايق

والله الحياة مليانة تناقضات ومافيك تجزم بشي

السلام عليكم :

( حلو الموضوع , وحلوة فكرة الموضوع , شفت بعض الأفكار بالموضوع وعجبتني )

رح أحكي أنا فكرة , دائماً تاعبة بالي ..

فكرة (( الإعلام العربي فاشــــــــــــــــــــــــــــل , وبجدارة ... شو رأيكن ..؟؟؟؟ ))

إذا بنلاحظ شاشاتنا العربية الموقرة , شو بتعرض ....؟؟؟

بنشوف أنها ما بتعرض إلا : المسلسلات , والبرامج الساقطة :من البرامج الفنية إلى

برامج المسابقات الفاشلة , ناهيك عن المواد الإعلانية ( الدعايات ) التي تُعرض ليل نهار

ويشاهدها الصغار والكبار , ولازم ما ننسى الأغاني الساقطة المفسدة للأجيال

ناهيك عن الكذب والتشبيح الإعلامي ...

أما الأفلام الكرتونية التي تُعرض على شاشاتنا الموقرة فهي إما ( أكشن ) مغامرات

أو كوميديا ليضحك الأطفال وهو ما يهمهم , أو قتالية وعنيفة متل ( زورو - بات مان )

أو كرة قدم ( الكابتن ماجد ) , أو حكايات خيالية بعيدة كل البعد عن الواقع ...

إعلامنا العربي : (( شــــــــــــــــــــــــــــــــــي ببكي ))

يعني طول نهارهن ما بيعرضوا إلا كل شي فاسد , ما في شي اسمو برنامج علمي

برنامج وثائقي , برنامج عن العلماء , لقاء مع عالم , لقاء مع شخص ناجح ومهم بالمجتمع

لأ أأأأأأأأ  : قنواتنا ما بتعرض لقاءات إلا مع فنان , يا مطرب , يا ممثل ..أو إذا بدكن لاعب

كرة قدم ..

وهدول هنن يلي للأسف صاروا القدوة لبعض فئات المجتمع ...

-تسليط الضوء على العلم وأهمية التعلم ... أو على قضايا اجتماعية بتهمنا ك : عرب ومسلمين

هاد شي ما في منو ..

لك أفلام الكرتون تبع الأطفال ثلاث أرباعها مستورد .. وما في منو فائدة تُذكر

يا ريت يجيبوا شي أفلام كرتون علمية بتفش القلب , لك حتى لو في نادراً ما تنعرض على

شـــــــــــاشاتنا ...

شاشاتنا العربية كرهتني شي اسموا تلفزيون , لأني وأنا عم قلب بين القنوات ما بلاقي شي بيفش القلب

كلووووووووووووو يا مسلسلات , يا أغاني , يا دعايات ,

وكم قناة إخبارية ... والقنوات الوثائقية متل ( أبو ظبي , الجزيرة الوثائقية )

برامجهن حلوووووة , بس هات على جمهور عربي يتابع القنوات

يعني شاشاتنا عم تعرض ما يطلبه الجمهور , وجمهورنا العربي هاد يلي بدو إياه : مسلسلات ,

أغاني , ضحك ومسخرة , تسلاية .. وتضييع وقت ..

مضت سنين وسنين وإعلامنا العربي على هالموال , واللي زاد الطين بلة : زيادة عدد القنوات الفاشلة

التي تسير على خُطى نظيراتها السابقة وتقوم بتقليدها في ( الإسلوب , البرامج المعروضة ,

المسلسلات , الدعايات , الاهتمامات , وكل شي )

وهيك صارت كل قنواتنا الإعلامية تقريباً بتشبه بعضها ...

خلص بيكفي لهون .....   وتوتة ..... توتـــــــــــــة

ماااااااا خلصت الحتوتة .....

فكرة الخصوصية فكرة عظيمة كتير ولازم نحترمها.
شي غريب لما بتنبه شخص بأنو مايمس خصوصيتك وبصر على التطفل وإيذائك والغريب أكتر أنو إذا دافعت ورديت الناس بتهاجمك وبتعتبرك أناني ومغرور (ياسبحان الله)...
لأ ومطلوب منك حتى ماتزعج يلي اعتدى على خصوصيتك أنك تبسلو أيدو ورجلو وتترجاه ترجي ليتركك بحالك ويبعد عنك!!
فعلا هزلت وفعلا لاإنصاف ولاعدالة في هكذا مجتمع.
عجيب أمر هالبشر يلي لازم ترضيها عحسابك الخاص وماتجرحلها شعورها وأنت شعورك حدو الجهنم غريب!!

إذا بدك تفش خلقك بتحط قدامك فروج بروستد أو فروجين حسب الرغبة ووسع المعدة مع بطاطا ومايونيز وبتاكلن وبعدها بتجيب كيلو بزر ميال مالح  أو بمية ليرة أو بخمسين حسب الجيبي(شقد معك مصاري يعني)وبتقعد بتقصصن ولاتنسى المي الباردة لأن الملح بعطش.
ولاتنسى الكوكتيل(موز وحليب) كمان لفشة الخلق أيد بأيد.
‏..............
هامش:
تعبى التخت قشر بزر شو بدها تعمل أمي فيني مابعرف

إذا بدك تفش خلقك بتحط قدامك فروج بروستد أو فروجين حسب الرغبة ووسع المعدة مع بطاطا ومايونيز وبتاكلن وبعدها بتجيب كيلو بزر ميال مالح  أو بمية ليرة أو بخمسين حسب الجيبي(شقد معك مصاري يعني)وبتقعد بتقصصن ولاتنسى المي الباردة لأن الملح بعطش.
ولاتنسى الكوكتيل(موز وحليب) كمان لفشة الخلق أيد بأيد.
..............
هامش:
تعبى التخت قشر بزر شو بدها تعمل أمي فيني مابعرف

الحنان برأي هوي يليي بتبحث عنو البشرية بنسب مختلفة طيلة حياتها ويابتلاقيه ويااما مابتلاقييه، لهيك هوي مصدر لكل المصادر وعامل مهم في تكوين شخصية الانسان.
=====================================
هامش:

بعد انقطاع كبير عن هذا الموضوع، حبيت ضيف هالفكرة، ولاتآخذيني ياصفحات ولا تآخذني ياموضوع بس الله وكيلك مخي ماعم يفضى يفكرلك بالأفكار وكل وقتو بفكر بالشغل*_*، اعذرني، وانشالله بطل عليك على طول وبزود صفحاتك بالأفكار.

تحياتي واحترامي للجميع