كنت فكر قبل مامر بتجربة الهجرة والغربة أنو الإنسان إذا سافر بحن وبيفقد وبيشتاق للناس يلي بحبن(أهلوا وناسوا وأحبابوا وأصحابوا....) فقط بدون مايحن ويشتاق للمكان يلي ولد فيه...وعاش فيه...
اكتشفت بعد التجربة أنو هالفكرة غلط بغلط لأن بالرغم من وجود الأهل معي إلا أنني مشتاق كتير للمكان يلي ولدت وعشت فيه.....
‏........
هامش:
كلو حايرجع انشالله الوطن الكبير والوطن الصغير.

كنت فكر قبل مامر بتجربة الهجرة والغربة أنو الإنسان إذا سافر بحن وبيفقد وبيشتاق للناس يلي بحبن(أهلوا وناسوا وأحبابوا وأصحابوا....) فقط بدون مايحن ويشتاق للمكان يلي ولد فيه...وعاش فيه...
اكتشفت بعد التجربة أنو هالفكرة غلط بغلط لأن بالرغم من وجود الأهل معي إلا أنني مشتاق كتير للمكان يلي ولدت وعشت فيه.....
........
هامش:
كلو حايرجع انشالله الوطن الكبير والوطن الصغير.

ياجماعة والله العقل زينة للبني آدم ونعمة لحتى يفكر فيه ويحلل ويركب ويستنتج ويستنبط ليصل للحقائق اليقينية الصحيحة البعيدة عن أي مؤثرات (داخلية/خارجية/شخصية).
بس الفكرة ما هون الفكرة إذا هاد البني آدم ماعندو عقل كيف بدنا نركبلو عقل ليفكر!!!
أو إذا هاد البني آدم جمد عقلو وحجم تفكيرو ومابقى يقتنع إلا بأمثالو...أظن هدول عبارة عن جسد إنسان يحتوي على عقل حيوان،يعني باختصار(بالجسد إنسان وبالعقل حيوان).

فكرة لاتموت حتى يجيك الموت من أكتر الأفكار إيجابية يلي بتحارب اليأس و الإحباط و الأفكار السلبية....
هالفكرة لازم تكون عند الانسان حتمية و من المسلمات و الأمور البديهية...لأن أذا كل واحد حايموت قبل مايجيه الموت...مات الأمل وانعدم التفاؤل بالخير وانفنت البشرية.
‏................
هامش:
أنا من الناس يلي ماحموت حتى يجيني الموت...وماحأستسلم للإحباط ولا للأفكار الإنهزامية.
متفائل حتى آخر نفس وحتى آخر دمعة.

فكرة المزاجية من أكتر الأفكار يلي بتنزع الشخصية البشرية وبتشوها وبتخليها تبان مشتتة و ردية.
و بقصد بالمزاجين (متقلبي المزاج و الشخصية) يلي هلأ بتشوفن فرحانين بعد أتورة زعلانين، وبعد أتورة متفائلين والأتورة يلي بعدها يأسانين،حزانانين،ضايعين، وشوي بكون معك وشوي تانية ضدك.
هدول الناس كارثة عنفسن وعالبشرية.وطور من الناس يلي بحب بعد عنن وأتجنبن قدر الإمكان.
.................
هامش:
ذكرى م و ب
ح/ب/دار العيلة.
أحلى شمسات وشجرات^_^.

أي شي عظيم بصير بيبدا بفكرة...وهالفكرة هي بتطور وبتطور وبتكبر وبتكبر وبينشغل وبينتعب عليها لحتى تصير هاد الشي العظيم وتصير الفكرة واقع ملموس ومحسوس.
إذا كان عندك فكرة عظيمة لعمل شي عظيم وإرادة قوية وإخلاص في العمل والنية و تصميم بإذن واحد أحد حاتتحول فكرتك العظيمة لواقع عظيم...
‏.............
هامش:
الإنسان قادر على فعل المستحيل بإذنه تعالى لازم يحاول و يحاول ولو فشل مايستسلم للفشل أبدا....يالله.

موضوعك حلو وكل يوم بيحلى أكتر

صرلي زمان ماقرأت أفكارات وابداعاتك

بانتظار جديدك

استودعك الله

إذا كان عندك فكرة عظيمة لعمل شي عظيم وإرادة قوية وإخلاص في العمل والنية و تصميم بإذن واحد أحد

----------------------------------------------

هااد الشي بتوقع انو صعب , بسبب الملهيات الكثيرة التي اصبحت تغزونا كل يوم

فهذا يؤدي الى تزعزع الفكرة العظيمة و بالتالي عدم تحقيقها(( بنجاح ))

فكرة مابعرف من اكتر الأفكار يلي بكرهها وبكره أسمعها....لك ياجماعة أنا بنجلط من واحد وقت بتسألو على شي وبقلك مابعرف وهوي لازم يكون بيعرف لأن اذا ماكان بيعرف فبكون بيعرف بس هوي مابدو يعرف ...أو عم يهرب أنو يعرف .....أو خايف انو يعرف....يعني قصة هالأشخاص قصة والعلقة معن علقة وسخة!!!

هااد الشي بتوقع انو صعب , بسبب الملهيات الكثيرة التي اصبحت تغزونا كل يوم

فهذا يؤدي الى تزعزع الفكرة العظيمة و بالتالي عدم تحقيقها(( بنجاح ))
the lord
مافي شي مستحيل بس الأعمل على هوي ايمانك بقدراتك ومعرفتك بإمكانياتك
وعلى فكرة
البحر الهادئ لا يصنع بحارا عظيما