حســناء

اقتباس

أخيراً عادت الحياة للمقهى

الحياة موجودة بالمقهى بفضل الأقلام المميزة 

اقتباس

فكرت أنو لح تسكروا .........مع أنو والله حاولت خلي مفتوح وشغال

ما لح يتسكر  ما دام مشاركات أمثالكم موجودة بإذن الله  .... والله يعطيكي ألف عافية شفت مشاركاتك كتير مشرفة وبترسم ملامح لشخصية قيادية مميزة ...

اقتباس

الظاهر انو ما نّور الا بصحابو

هلء النور و المصابيح  من عندكون أما الكهربا من وين ههههههه

اقتباس

كيف طلعت بالمادة ان شاء الله بدنا ناكل الحلوان عن قريب .....؟؟؟

أول شي كانت  على شفا حفرة لأن ما درست أكتر من 5 ساعات نتيجة ظروف

بس بعد ما لطشت فكرة آخر مسألة من رفيقي    صار في أمل    إن شاء الله

و أحلى حلوان لعيونكون بس تطلع ... اطلبوا واتمنوا


تحيتي بعطر فرنسي 

المهندسة ميمو

اقتباس

السلام عليكم

و عليكـــ,,,ـــم الســـ,,,ـــلام و الإكـــ,,,ـــرام

اقتباس

أنا ميمو طالبة حديثة بكلية الهندسة وزميلة جديدة إلكم بهالملتقى الطلابي الرائع فبتمنى منكم تقبلوتني بيناتكم

أهـــلا و سهـــلا  و مية مرحبا منورة الهمك والمنتدى  نحنا هون و بالكلية أسرة واحدة أخوة و زملاء و أصدقاء  وطبعا منتقلبك أخت عزيزة و غالية بيننا

اقتباس

هلأ سنة أولى هندسة سيارات والآليات الثقيلة وبصراحة مو عرفانة شي عن هالفرع

كتير حلو  نعم الإختيار  .... أختي الكريمة أغلب الطلاب بالسنة الأولى بيكون في عندن هي الرهبة و مو عرفانين شي هاد شي طبيعي ورح بيزول من أول يوم دوام بالكلية

البرنامج نزل وفيكي تبلشي دوام من يوم الأحد الجاية 26 الشهر الجاري

أختي الكريمة ...

كتير رح تحبي الكليو تستمتعي فيا

و بدا همة ومتابعة خصوصا المذاكرات كتير مهمين بشان يريحوكي وقت الدراسة  و الإمتحانات

وكليتنا الها نكهة خاصة كتير حلوة رح بدوقيها  بعدين   

رح بعطيكي لمحة سريعة عن اختصاصك

أول سنة بتدرسوا أغلب المواد علوم أساسية  مادتين رياضيات مادتين فيزيا ثقافة عربي وصفية  مادتين انكليزي رسم  حركة  كيميا وصفية  و كلا مواد سهلة كتير

بالسنة التانية بتبلشو تدرسو مبادئ علم الميكانيك  تحريك علم مواد بالإضافة لمادتين رياضيات حلوين و برمجة  ممتعة  وعلم مواد و ترمو و طرائق تصنيع  مقاومة مواد

بالسنة التالتة بتبشلو تفوتوا بالإختصاص

ميكانيك سائل قيادة كهربائية أليات تصميم أليات قياسات

واختصاصكون كتير مرغوب وطلوب خصوصا بعد ما صار عنا كتير مصانع بالعمل ومجالاتو كتير واسعة يعني وين ما  رمى حالو مهندس المكانيك بيجي واقف البركة ههههههه


إن شاء الله بالتوفيق

تحيتي

  شكرا كتير ياسيد الكلمات ع المعلومات اللي عطيتني ياها من اول ما عرفت نتيجتي فتحت ع المنتدى وعجبني فيه الروح الأخوية الموجودة بيناتكم  وحببني بالمنتدى وجودك وروحك الطيبة وعنجد من خلال مشاراكاتك السابقة حببتني كتير بالجامعة مو مصدقة ايمت يصير بكرا  بس سؤال صحيح بفرعي ما في بنات؟ واسفة ع الزعاج وشششششششششششششششششكككككرا                                                                                         

اول شي مبروك  علينا وعليكم انشاء المقهى   (ان تصل متأخر خير من ان لا تصل ابدا)  وتاني شي كل عام وانتو بخير بمناسبة بدء العام الدراسي الجديد وان شا الله  يكون هالعام خير عالجميع والكل يترفع للسنة اللي بعدها بدون ما يحمل ولا مادة  وبحب بارك للمهندسة ميمو بالنجاح وبقلها الف الف الف مبروك ومشان سؤالك
   

اقتباس

صحيح بفرعي ما في بنات؟

لاء      مو صحيح في بنات يعني السنة الماضية كانو 3  وهي السنة باين زادو شوي يعني صارو شي 5 يمكن  والسنة يلي قبل الماضية كانو 2 يعني سنة ورا سنة بيصير قسمنا متل الحقوق والآداب   ,وما بنقول غير الحمد لله على هالنعمة يعني القسم كلو شباب تقريبا     يعني كلنا بنتفق مع بعض والكل بيعرفو بعضهن لدرجة انو الدكتور بياخد التفقد من اي طالب او طالبين

واخيرا بتمنالك التوفيق والنجاح

اقتباس

والله يعطيكي ألف عافية شفت مشاركاتك كتير مشرفة وبترسم ملامح لشخصية قيادية مميزة ...

الله يعافيك ويجبر بخاطرك.....بس بصراحة وبدون مجاملات قيادة منتدى الهمك ما بتلبق لغيرك وبشهادة الجميع
ومتل ما حكيت مشروع مهندسة الهمكية فرطوا بغيابك .......
فلا بقى تغيب متل هيك غيبات..........

اقتباس

بس بعد ما لطشت فكرة آخر مسألة من رفيقي صار في أمل إن شاء الله

مالك غير الدعاء ......."الدعاء يغير القدر "....ونحنا أكيد لح ندعيلك

اقتباس

أول شي كانت على شفا حفرة لأن ما درست أكتر من 5 ساعات نتيجة ظروف

عسى خير يارب ...
اذا كانت هي الظروف لحظات سعادة فالله يديمها عليك ....
وان كانت لحظات أسى فتذكر أن الله ما احزنك الا ليفرحك و ما ابتلاك إلا لانه يحبك.

اقتباس

و أحلى حلوان لعيونكون بس تطلع ... اطلبوا واتمنوا

ما بتقصر سيد الكلمات ........ان شاء يارب تطلع ..بس مو مشان الحلوان
لا  ..أكيد مشان تخلص منها .....


أختي ان شاء الله ألف مبروك وعقبال ما نشوفك مهندسة  ناجحة يا رب  ....
وكمان اهلا وسهلا فيك في المنتدى نورت ..........

حابة قلك انو الكلية كتير حلوة وبتججن ..........وصدقيني أغلب طلابها بحبوها كتير
صح بشتكوا منها وبقولوا صعبة بس كتير ممتعة وبتصور أنها أحلى كلية بجامعة دمشق ................
في فكرة بدك تحطيها ببالك أنو الكلية تبعنا بدها دراسة وتعب من الاول ومتل ما قال سيد الكلمات وخصوصاً المذاكرات .........فانتبهي ولا توقعي بأخطاء اللي قبلك.
مرة تانية نورت وان شاء الله موفقة .........
     

اقتباس

وتاني شي كل عام وانتو بخير بمناسبة بدء العام الدراسي الجديد وان شا الله يكون هالعام خير عالجميع والكل يترفع للسنة اللي بعدها بدون ما يحمل ولا مادة

أخي وأنت بخير .......والله يسمع منك وتتحقق دعواتك ........

                      ...........حسناء...........

amgubx                                                                                                                                  شكرا كتير ع المعلومات اللي فدتني فيها والله يبارك بعمرك وتصير احسن مهندس  بالدني                                                                                                                                      حسناء الامورة                                                                                                                                   ان شاء الله ألف مبروك وعقبال ما نشوفك مهندسة ناجحة يا رب ....
وكمان اهلا وسهلا فيك في المنتدى نورت ..........
الله يبارك بعمرك  والله يسمع منك والنتدى منور بوجودك

المهندسة ميمو


مساك عطر

هاد واجبنا اختي الكريمة  ....

ونحنا بإنتظار مواضيعك ومشاركاتك الحلوة


في بنات بالفرع بس مو بكم كبير بشان هيك رح بتكونوا عملة نادرة ههههههه

و النادر دائما ثمين ومميز   

دمتي بخير

اقتباس

amgubx شكرا كتير ع المعلومات اللي فدتني فيها والله يبارك بعمرك

لا شكر على واجب هاد واجبنا والله يبارك بعمرك وباعمار كل اعضاء المنتدى

اقتباس

وتصير احسن مهندس بالدني

آآآآآآآآمين (بحطكن مساعدين عندي وقتها   ) بس والله بدها شغل كتير وتعب مشان هيك يلا مابدي ياها يعني حرام في عالم  كتار حابين يصيروا  احسن مهندس او مهندسة بالدنيا مشان هيك مابدي اخربها عليهم  (يلي ما يطول العنب حامض عنه يقول )
واخيرا ان شا الله نكون كلياتنا خريجي وخريجات كلية الهمك  اكثر المهندسين نجاحا على مستوى العالم كله
آآآآآآمين

amgubx

اقتباس

اول شي مبروك علينا وعليكم انشاء المقهى

الله يسلمك ويبارك فيك وبإنتظار أن تدلو  لنا ابداعاتك

اقتباس

(ان تصل متأخر خير من ان لا تصل ابدا)

    .... لساتنا بالبداية صديقي

اقتباس

و تاني شي كل عام وانتو بخير بمناسبة بدء العام الدراسي الجديد

و انتا بخير وتعود عليها من السالمين إن شاء الله

اقتباس

وان شا الله يكون هالعام خير عالجميع والكل يترفع للسنة اللي بعدها بدون ما يحمل ولا مادة

الله يسمع منك و من تمك لباب السما





تحيتي

رح احكيلكن عن أول يوم دوام  طبعا رحت بكير ع الجامعة خايفة يروح عليي شي محاضرة  قعدت استنى بلكي يجي هالدكتور وما كان يجي هالدكتور  بس عنجد كنت مصدومة بالجامعة كتير والله ماكنت متوقعتها هيك عنجد انو ابدا مو مخدمة وكتير كتير الجامعة تعيسة  انا بتوقع انو هالجامعة اتعس جامعة مو بس بدمشق بتوقع بالعالم كلوكأنوا ضيعة ضايعة  بس بتحس انو طلابها كتير طيوبين والحمد لله هالسنة 7بنات