يتصفح هذا الموضوع ( 26 ) زائر بينهم ( 16 ) عضو


         

وزيرة الثقافة; الرسم_بالكلمات; ....{SalaM}....; monaf24; محمود1984; BlackTulip; pride; Bnt Al $ham; S I F AL ESLAM; Saprina; ph.dima; ريـما; لسه الدنيا بخير; <جواد>; faten87; alllllllllla;

         


ماشاء الله  العشرة الباقية وينهن؟

سأعيد مشاركتي بعد أن أخفيت بدون سبب

...........................


السلام عليكم .......

ماحدا بيرضى بأي اعتداء لا ع الشيخ الرفاعي ولا أي حدا من شيوخنا
بس معقول كل اللي صار ولهلأ ما حدا شاف الفتنة ؟؟؟

الشيخ البوطي والشيخ حسون بينشتمو بأبشع الكلام واليوم الشيخ الرفاعي بينضرب ولسا ما شفتو الفتنة ؟؟!! حسبي الله ونعم الوكيل !!

انا مسدقة اللي صار بالجامع بس في مبالغة كبيرة ومن الطرفين عم تزيد الأزمة وتشعلها

لك معقول حدا عاقل بيتصور انو كم متظاهر سلمي (وحطو مية خط تحت سلمي ) رح يطلع بإيدهن يسقطو نظام بحالو ؟؟؟ لكن لشو العلقة مع الأمن ؟؟ حدا يفهمني شو الهدف؟؟
لا حدا يقلي متل مصر !! مصر قصة تانية تماما واقل اختلاف بقدر جيبو انو الجيش كان الو الدور الاكبر ......

بس عنا بالبلد هالفورة كلها ما بتجيب إلا مصايب اكبر .. هاد بيضرب من هون التاني بدو يرد .. أي دين بيبرر هالشي؟؟؟

ياريت تشوفو هالفيديو

فيه شباب من خيرة شباب الشام عم تحاجر الامن .. طيب في قوات أمن بالدنيا كلها رح تضل واقفة عم تتفرج ؟؟؟ (( هلأ بيطلع واحد بيقلي هدول محبوسين بالجامع ودفاع عن النفس وما بعرف شو )) طيب كيف بتفسرلي انو كل جوامع الشام ما قرب عليها الامن إلا هاد حصرااااا؟؟

انا واهلي أحيينا الليلة بجامع بنص الشام (مع العلم انو الشيخ حكيو كتير بيشبه حكي الشيخ الرفاعي ) بس ما حدا قرب علينا واطلعنا ع بيوتنا طبيعي ..

انا مستحيل حط الحق على المصليين .. بس كمان ما بدي حطو عالأمن
الطرفين مسؤولين والمطلوب ما يصير هيك تصادمات يكونوا فيها الطرفين خسرانين


على فكرة .... المسجد بيت الله وهو لكل الناس مو مسجد الشيخ الرفاعي
تعليقا على عنوان الموضوع بس ...

آختلاف الأراء

في موضوع سلمية

الثورة والإعلام

لها أبواب أخرى

الحديث هنا

عن تجاوز أمني

حدث في أحد بيوت الله

وفي ليلة مقدسة

في الشهر الفضيل

بغض النظر

عن مواقفك

وبعيدا عن مصطلحات

( مندس أو منحبكجي)

يكفيك أن تنطق كلمة حق

وتدين هذا التجاوز أو تبرره بأدلتك
لابعواطفك

كما لا أحد في سوريا كافة

يستطيع أن يضمن ردة فعل

متظاهر يرهب ويقابل بعنف

ويطلق الرصاص عليه

أن يقف ويقبل حذاء زيد من الناس
راجيا له ألا يقتله كما تقتل

الخنافس

أرجو ألايتلكم أحد منكم

بلغة العاطفة

يجب أن

أن نتفهم مواقف الأخرين

ونحكم العقل

أنا في أول رد لي

لم أصدق ماقرأت بصراحة

وتوقعت حكمة أكبر

من قوات أمننا

فهم أخي وأخوك عمي وعمك

وأبي وأبيك هم منا ونحن منهم

لكن ماهي الإساعات حتى

وصلت المقاطع والحديث

المسجل من وسط المسجد

حتى إيقنت بصدق الخبر

لا حول ولا قوة الا بالله العلي العظيم
اللهم انصر الاسلام والمسلمين يارب

الله يعافي كل مجروح ويفك اسر كل معتقل وترحم شهدائنا يا الله

اللهم ااامييين

إلى الرسم بالكلمات ..

عم تخبرني عن السوريين واهل الشام وعن حبهن للموت وكأني غريبة عنهن
يا أخي والله بعرف ما حدا عندو شك بهالشي .. بس من كلامك ما عندك مشكلة يموت الشعب كلو بحرب مع الأمن .. المهم يكون عبر عن رأيه وحريتو وكرامتو .. بس هاد الشي مو منطقي ولا عقلاني وما بحل مشكلة

نبــرر لأنظمة ديكتاتورية أن تقتل أبناءها في السجون وتحت التعذيب وبشكل يومي
ومنها من إرتكب مجـــازر مدويـــة دخلت التاريخ بعشرات الآلاف من الشهداء
وإستخدم خلالها الدبابات والأسلحة الثقيلة والمروحيات و و
فلا يخرج كل حاكم إلا وفي سجله آلاف الشهداء من بني شعبه


ولكــن
نعيــبُ ونلـوم الشــعوب عندما تنتفض وتقدم الشهداء في سبيل حريتها وإنهاء ذاك الألم


سبحان الله !!!

وأيضاً
نبرر لأنظمة تستخدم الرصاص الحي والمطاطي وقنابل الغاز والهروات و و و
طبعاً هذا غير إجراءات الدرجة الثانية والتي تشمل الدبابات والأسلحة الثقيلة وغيرها
وكل ذلك بشكل موجه للقتل والإيذاء المبرح


ولكــن
نعيبُ على بريطانيا أن تستخدم سيارات الإطفاء وتصادم الشرطة مع شباب لندن دون  أي قتيل


ويستمر مسلسل
يقولون مالا يعقلون
ويطالبون بمالا يطبقون


!!!