يا شباب نعقيب صغير
تأكد الأن خبر اقالة رئيسة تحرير جريدة تشرين من منصبها ويللي شاف المقابلة على الجزيرة مبارح بيعرف سبب الأقالة
لا تعليق

يعني ليش أقالوا رئيسة تحرير صحيفة تشرين، مع إنها ما نكرت قصة الملثمين بس حملت الأمن مسؤولية وجود هؤلاء، وبآخر المقابلة بكيت ، لأنو كتير صار ميت عالم من بيت المسالمة بدرعا...

أخت ريم إذا عم تسألي لوين رايحين أنا بعطيكي رأيي...  أول شي موضوع الفتنة الطائفية اللي عم يحاول البعض يحكي عنو لازم نستبعده كلياً، لأنو الشعب السوري صرلوا عايش مع بعض مئات السنين وبالتعدد الطائفي والعرقي الموجود ولم يحدث حرب أهلية، ودائماً كان الخلاف يتم بين النظام الحاكم من جهة وإحدى الطوائف أو العرقيات من جهة... وهذا ما حصل في الخمسينات أيام الشيشكلي...

لكن الفوضى التي تعم البلد الآن يتحمل مسؤوليتها من يحكم البلد... فليس من المعقول أن تظهر فجأة هذه الأسلحة والقناصات دون علم أحد، وبالتالي هذا ينفي عن سورية صفة بلد الأمان التي صرعونا فيها...

هناك من ستتضرر مصالحه من رفع قانون الطوارئ وكف أيدي الأجهزة الأمنية، وهؤلاء نفسهم من يعبثون بأمن البلد ويحاولون أن يوهمونا أن البلد تعيش حالة عدم أمان لكي يبقى لهم شغل وسطوة وكي لا يصبحوا موظفين مفقودي السلطات والهيبة...

البلد اللله حاميها لا الأمن ولا حدا غيرو ، شعبنا يا جماعة شعب راقي، واذا في حدا عم يكسر أو يطبش فهدول قلة... والبستان اللي فيه زهور من كل الألوان أحلى من البستان اللي زهراتو من لون واحد...

ولا حدا يخاف رجاءً ويقول لوين رايحين... ولسه بخوفونا من المثال الليبي والعراقي... كأنو الشباب بيعرفوا يتنبأوا ، لأ نحنا سورية مو العراق... ونحنا سورية مو ليبيا... فأصلاً اللي عم يصير بليبيا هلأ سببه القذافي وعائلته ... لأنو ما بدو حدا يطلع يقلو إنت غلطان...

بالنهاية الشعب أبقى من أي حدا، وأرضنا موجودة هون ، والدولة عنا عملت علاقة عدائية بين الأمن والمواطن... وبهيك حالة أكيد المواطن أبقى من أي جهاز أو أي قوة...

المطلوب بهالمرحلة قرارات جريئة وتنازل السلطة عن حقوق الناس ليس انتقاصاً ، بل أن تلبية المطالب والحقوق هو ما يعطي السلطة والدولة مناعتها.. ويجب البدء بحوار وطني شامل، يقوم به كافة الفئات الاجتماعية والدينية والسياسية ، ويضم المعارضة الوطنية... للخروج من الأزمة الحالية (سياسياً) لأني لا أرى مشكلة اجتماعية.

وحاجتنا دم يعني الناس اللي عم تستشهد كل يوم والتاني والله حرام يبقى الوضع هيك ولازم إعطاء الناس حقوقها..

موضوع الانتهاء من الازمة واااااااااااااااااضح و هو ان يلتزم كل منا بعمله و دراسته و لعبته و بيته كي لا تكبر الازمة و يُعرف الصالح من الطالح .........

 

 

 

 

 

واضحة .... لك القصة م بدها كتير ..... يعني سيدنا الرسول محمد عليه الصلاة و السلام قال ان يلتزم كل منا بيته عند حدوث الفتنة .....

لاحول ولاقوة إلا بالله

الله يفرج ياحماعة

والله كلنا نريد خير هذا البلد

إعذروني

لاأستطيع البوح أكثر

كل الشكر لصاحب الموضوع ولردوده  الصادقة والتي تنم عن حبه الكبير لوطننا سورية


وطبعا بحب زيد شي بسيط بالإضافة على الإصلاحات بموؤسسة التعليم

https://www.jamaa.net/art273151.html

إنو يلاقو لنا حل لأزمتنا مع إسرائيل يا يخلونا انحاربها وندعسها ونرتاح أو يعملوا سلام معها
لأن بصراحة دمرت شعبنا وإقتصادنا الحرب الباردة ورفعت ثروات بعض الأشخاص للسماء بحجة أغلب ميزانية البلد عم اتروح للتسلح والطيران الإسرائيلي حلق فوق سوريا ولعبوا شوي ورجعوا وما اتأطلق عليهم رصاصة
فيعني هذا مو حل
ونحن كطلاب جامعة عم انفكر بالعسكرية ليل ونهار بعد سنوات الدراسة الطويلة
وكلنا بنفدي وطنا بأرواحنا بس لشي نحرق سنة ونص من عمرنا على الفاضي خلص عملوا حرب وبنهب لدعس إسرائيل وبنرجع الجولان  أو أعملوا سلام عادل ومافي حل تالت
بس مستحيل يتم اختيار أحد الحلين لأن فيه ناس كثير مكيفة ومبسوطة على الحرب الباردة وعم يتحدوا مين بجمع ثروة أكبر فإذا انتهت مشكلة إسرائيل انتهت كل أزمات سورية ومعاد يلاقو حدا يلزقوا فيه بلاويهم أو يلاقو طريق مربح ومقنع أكثر من هذا لسرقة أموال وخيرات سورية........

اقتباس

أخت remie صدقيني أن هذا المخطط مختلق ولا أصل له ويمكن عم تحكو أنتو هيك لأني بعيدين عن هذه الأحداث يا أختي الأمن والله الأمن هم الذين يطلقون النار لا أحد آخر

مين قال غير هالحكي  ....

أنا إيمتا قلت أنو الأمن(الله ينتقم منهن ) مو مورطين باللي عم يصير

بس كانت النقطة اللي عم لمحلها

أنو نفكر بشوية وعي شو ما كان الهدف  لحتى نقدر نحقق اللي بدنا بطريقة صحيحة


و أنو تكون سوريا  و أنو نحنا شعب واحد  هي الأولية

بعدين بتجي الأمور التانية


سلام

كلامك مزبوط أبو صدام والله يجزيك الخير

يعني انو عم بقولو انو ثلاثة أرباع الميزانية للجيش وكل اللي راحو عالجيش ما شافو أسلحة الا من العصر الحجري طب وين عم تروح الميزانية  

أختي Remie بارك الله فيكي ويبدو أنني أسأت فهمك
على كل وجهة نظرك مقبوله وشكرا

ما شاء الله أخي أبو الدرداء يعني لم تترك شيئا لأتكلم فيه
طبعا كلامك صحيح 100100
بارك الله فيه وجزاك عنا كل خير

وأقول كما قال أحد شباب مصر
*******
احترموا الثورة واحترموا شهداء الوطن العربي

أنا بشوف إنو يلي عم يصير حرب إعلامية و لازم نفوز حتى تبقى سوريا كما عهدناها لأنني أحب قائد الوطن الذي يكفي كما قال السيد الرئيس بشار الأسد الله ....سوريا ....شعبي و بس ذلك قول لم يسبقه إليه أحد  و بالنسبة للإصلاحات فليست القصة لمسة نبي و ليست كن فيكن  خلينا واعيين ونحافظ على وطن العوبة لأنني كما أرى و يرى الناس  لن تركع أمة يقودها الأسد و الله يحميك يا أسد يا رافع راسنا شامخ متل قاسيون