أبو صدام

أخي أشكرك جزيلاً على ردك

ولقد ظنوا لأني دعيتك لحضور البحث بأني أعرفك و بأني مندسة معك؟!!

سامحهم الله

أإذا قلت كلمة الحق فبدؤوا بالأقوال علينا بأني أعرفك و .. و .. و ..

بجد يا حيف

ليك أبو صدام  في شخص عنا بالكلية بتدفعلوا مصاري بس مبلغ كبير و بيمشي حالك بتنجح

و ربي شاهد ع كلامي و إني ما عم كذب و اذا بدك وكنت سنة أولى مستعد يطوي صفحتك كلها و يحطك سنة رابعة

طبعا هالحكي بجامعتنا عنا يعني بالآداب بجامعة دمشق

و بالأخير انا طالبة متلي متلكم

و تحياتي للجميع

عزيزتي وزيرة الثقافة

انا ما قلت عن حدا مندس لاحسبك معو ومو هاد كان القصد وما قلت انو بتعرفو بعض

كل القصة انو انا اتفاجئت بطريقة الردود ومنطقها

عذرا اذا زعجتك

تحياتي

3- تحويل طلاب الموازي لطلاب عاديين بعد قضاء المدة المقررة لهم بالجامعة إن لم يتخرجوا
مثلا الأدب العربي أربع سنوات بعد أربع سنوات من تسجيل الطالب بالجامعة ولو كان سنة تانية يتحول تلقائيا لطالب عادي ويعفى من رسوم الموازي المحرقة
والسبب( عم انشوف كيف الجامعة عم تتفن بترسيب طلاب الموازي لحتى تكسب أكثر منهم مصاري وكل ذنبهم إنو نقصهم درجة عن أصدقائهم فصارت لعنه عليهم وكل سنة لازم يدفعوا مبالغ طائلة لوزير التعليم العالي غياث بركات

أنا معك بكل حرف كتبته وشو ممكن نعمل نحنا جاهزين

  ********* 

خادم رسول الله

يا عيني عليك 100% معك
بس ما بظن فيه مؤوسسة بالدولة بتقدر اتحاكم واحد فاسد مثل هذا الوزير الذي دمر العلم وطلابه بسوريا وكاد أن يشعل فتنة وحتى مجلس الشعب يلي لازم يكونوا هم من يدير الدولة- وهذا موجود بدستورنا-ما شفناهم رفعوا الثقة عن أي وزير أو استجوبوا أي وزير أو طلبو مقاضات أي وزير !!!! رغم إنو فيه وزراء علنا أعلنوا فسادهم وخالفو قسمهم يلي أقسموه وقت استلمو مناصبهم ومنهم غياث بركات كان هدفه إشعال فتنة طائفية بالبلد لكنه لم ينجح ولن ينجح إن شاء الله

سعيد جدا بردودك التي تدل على ثقافتك و بعد نظرك أخي الكريم
وفقك الله

جورجي

بسيطة أختي العزيزة الناس كلها صايرة عم تضايقنا ما وقفت ع زملاءنا بالمنتدى

و بالفعل بظن انو هاد اخر زمن

تحياتي لكم

#gorge#

بالبداية آسف للتأخر بالرد لأنني  لست ببلدي ولست على جهازي يعني صعب جدا اشبك كل دقيقة انترنت
وتانيا عندي مليون محاضرة وتراكم كبير بالمحاضرات لأن قسمنا دوما فيه تحدي بين الدكاترة بعدد المحاضرات وكثافتها وكمان تحدي مين بقدر يعطي نسبة نجاح أقل لحتى يكون هو الدكتور أو الدكتورة المدللـه لدى الإدارة والوزارة لأن بتعرفي الأدب العربي مع الأدب الإنكليزية بساوي ثلاث أرباع كلية الآداب أو أكثر ودوما السوط* قصدي الضوء مسلط عليهم
تفسير لمن لا يتقن العربية *(سوط ضمن السياق السابق يعني القرارات الظالمة الموجهة ضد طلاب هذين القسمين فهي أشد وقعا من ضربة السوط )

بالنسبة لردك بالمشاركة 43
جورجي تقول:

با النسبة لمفردات خيانة أوخنوع أومطالبة كلها ما بتحمل با الحالة العادية أي ابعاد غير واضحة

لكن توقيت الموضوع وطريقة طرحو ما كانت مناسبة لما انطرح

عكل الاحوال حاليا كسوريا وبعد ما بينت الامور  وكل واحد حدد موقفو منها صرنا بمرحلة الشغل

مو بس كأفراد حتى التوجه الرسمي صار (خبرني بمطالبك وشو اللي شايفو اخطاء)  وفي استجابة كبيرة كلنا شايفينها

انشالله ما منرجع نعيش احداث الفترة الماضية وبا العكس بتخلينا نقوى ونطور حالنا

ولكون الموضوع عن الجامعة انا بضيف طلب  انو يكون في اهتمام بنوعية الطالب مو بس بكمية الطلاب بجامعاتنا

ونشوف قرارات بتكرس التطبيق العملي للاختصاص اثناء الفترة الجامعية وتخفيف الابحاث النظرية

تحياتي



           
أبو صدام :
متى برأيك الوقت المناسب حددي لنا وقت مناسبة وساعة مناسبة لحتى انحط طلباتنا البسيطة المشروعة ويمكن ننحجب خلف الشمس بسببها بس كله بهون فدا الوطن وزملائنا الطلاب
آمين يا رب إن شاء الله ما بنرجع انعيشها وبنعيش أحسن منها وشفتي كيف إنو هذا أنسب وقت للمطالب وما راح انلاقي وقت انسب منه
وكلنا مع طلبك هذا لأن العلمات عم تحرم أقسام من ناس موهبين لها وعم ترمي بثقلها على أقسام لطلاب ما لهم علاقة بالقسم سوى إنو علاماته بتخوله للدخول
وأكبر مثال الهندسة  المعلوماتية يعني عن جد بصراحة عم فكر اكتب مرثية بهذه الكلية
فشو الضرر إنو انحاول انكون مثل الدول المتقدمة ونعمل اختبار قدرات لكل قسم وبناءا على الإختبار ومعدل كامل سنوات الدراسة السابقة يتم اختيار الطلاب للأقسام بس يمكن إذا عملو هيك ينفتح باب جديد للواسطة والرشاوي ضمن مؤوسسة التعليم فهم بريحو و بتركوا الوضع مثل ما هو .

جورجي المشاركة الجارحة رقم 59
كأنو طلعتو بتعرفو بعض غير من خلال هذا الموضوع!!!

أبو صدام
لأ بس زيادة على معلوماتك أنا كنت عضو جديد وما بقدر رد على الرسائل الواردة إلى أن أصبح عضو مشارك
وأختنا مثلها مثل كثير من أخوتنا وأخواتنا بالأدب العربي بدعونا لمشاهدة نقاش حلقة بحثهم لحتى نكسب خبرة من خلال نقاشهم ولحتى انشارك معهم بالمناقشة وطبعا هذا أمر عادي بالأدب العربي وكل ما كان حضور الطلاب أكبر للمناقشة كل ما أخذ الطالب المناقش دفعة معنوية أكبر وشجاعة أمام دكتوره
وطبعا مو ضروري كون أعرف كل الطلاب يلي بتحضر نقاشي وبتناقشني ولو اتلقيت دعوة منهم
فإذا بقسمكم جورجي ما فيه حلقات بحث فأكيد راح تستغربي من هذا الأمر
ونحن بالأدب العربي أرواحنا متآلفة وكلنا أخوة وإمنا لغتنا العربية*يعني إذا أنا عندي استفسار أو حدا غيري بسأل أي طالب أو طالبة ضمن قسمنا وطبعا بتم الجواب وكأنهم إخوة
تفسير لمن لا يتقن العربية *(أمنا العربية يعني مو اسم امي عربية لأ يعني نحن ضمن القسم بنشعر إنو كلنا إخوة ويد وحده وكلنا بنساعد بعض ويلي جمعنا دراستنا ومحبتنا للغة العربية فأصبحت كأم للجميع
وأكبر دليل مرئي توافق الكثير من طلاب العربية على مطالبنا هذه وكمان الأخت أول مرة بشوفها دعتني احضر مناقشة حلقة بحثها وهذا أمر عادي بالأدب العربي وأنا إن شاء الله أنا سأدعوها وأدعو الكثير لمناقشة حلقة بحثي إن اسعفني الوقت وعدت قبل انتهاء موعد النقاش)


جورجي المشاركة الجارحة رقم 59
ابو صدام ردودك ما تحتاج تعقيب أختى 100% معك ومقدرا وقوفك العادل

وعاذرك والله وكل شخص ضميره ما يزال حي راح يعذرك ويثلج قلبه من ردك يلي كان أقوى وأحق من السيف الصارم !!!


جورجي

سيف شو وصارم شو

أبو صدام:
آسف لأن ما قدّرت إنو فيه ناس ما راح تستوعب كلامي
تفسير( السيف الصارم من أقوى وأحد أنواع السيوف وإذا ضرب أي شيء بقطعه نصفين يعني بفصل بينهم وكذلك الأمر بكل كلام أختنا وزيرة الثقافة فلقد استطاعت فصل الحق عن الباطل والإدعاءات الكاذبة ضمن هذا الموضوع فكانت ردودها عندما نزل بين جميع الردود كضربة السيف الصارم ففصلت الذي يفصل بين الحق والباطل لذلك أقرب تشبيه لردودها هذا التشبيه )
وطبعا ما بقصد من كلمة باطل إلا الردود التي اتهمت بالإندساس والخيانة ومدري شو من الكلام الفاضي
وباقي الردود ووجهات النظر والآراء ضمن الموضوع على العين والراس* ولو كانت موجه ضدنا فتبقى رأيا
تفسير(على العين والراس يعني مو كاتبينها على عيني وعلى راسي لأ يعني القصد إنو العين والراس شي عالي ومرتفع من الجسم فتقديرا لأصحاب هذه الآراء وضعت ردودهم معنويا على عيني وراسي تقديرا وليس خوفا)

جورجي المشاركة الجارحة رقم 59
ولووووووووو يا ساتر شو صار معك

أبو صدام:
ماصار شي بس استغربت إنو فيه عنا طالبة بسوريا بتملك وعي وثقافة وجرأت أختنا واستطاعتها التمييز بين الحق والباطل -مع احترامنا للجميع- فحريا بي أن أفتخر لأني سوري وعم افتخر إنو عنا سورية هيك ^_^

جورجي المشاركة الجارحة رقم 59

برجع بأيدك انت كمان انو جامعة دمشق عم تخرج عباقرة


أبو صدام:

لا تعليق فقط ضحكة



  جورجي المشاركة الجارحة رقم 59
ابو صدام وكلنا بالأدب العربي بنحب وبنحترم قائد هذا الوطن



رح ضيف نقطة  انو من بداية موضوعك عم تتكلم باسم غيرك بتمنى تقيّم نفسك وتحكي عن نفسك وتترك الحديث نيابة عن الجامعة وطلاب الجامعة

أبو صدام:
هدي أعصابك شوي
أنا ما عم احكي عن غيري وقلت لك سابقا نحن بالأدب العربي يد واحده والمطالب هي مو أنا حطيتها يلي حطها طلاب كثير بجامعة دمشق ودرعا ولو إنو راح يطلع طالب ما يعجبه طلب منها بس أكيد مافي طالب علم بسوريا وهو سوري ضمن التعليم العالي  إلا وراح يلاقي أكثر من طلب مفيد ورائع للعلم ولسوريا وأولهم إنتي وأنا وغيرنا
وأنا  طلب تأييدكم ورأيكم وما حكيت باسمك أو باسم غيرك
وشكرا لوجهة نظرك الشخصية

جورجي المشاركة الجارحة رقم 59
شو ها النقاش وشو ها الحوار وشو هاالطريقة فعلا وقفتني بحيرة من امري

أبو صدام:
ليش لتحتاري وأنا ما بقصدك بكلامي بقصد الردود المهاجمة للمطالب وطبعا المطالب ما راح تتحق إلا لحتى يجي وزير تعليم عالي ورئيس للجامعة وإدارة بتحب سوريا وطلاب العلم بسوريا وبظن يمكن السما أقرب لنا بس لا تحرمونا من آمالنا يلي ممكن اتصير حقيقة إذا شاء الله


جورجي المشاركة الجارحة رقم 59

ارييل شارون حطوه با الترتيب الاول وعطوه جائزة نوبل للسلام  بعد ما اباد
شعب كامل هي التقييمات والتصنيفات اللي عم تحكي فيها وبمواقعها اذا مافي
امكانية تحطها هون ابعتلي ياها تحت الهوا ايميل او رسالة عاجلة وانشالله ما
بتكون تقييمات طلابية متل تقييمك

مافي ولا مشاركة هون دافعت  عن وزير ولا عن حدا مخلوع لا تخلط الاوراق ببعضها

أبو صدام:
أنا ما جبت جائزة نوبل للسلام ولا قلت إنو عطو الجامعة الفلانية جائزة نوبل للسلام ولاجبت سيرة شارون فما بعرف من وين جبتي هذا القياس
أما بترتيب الجامعة فيه عدة أمور بيأخذوها والترتيب ضمن مخطط علمي وإداركي شامل ومقيم وموّثق وبعدها بحطو مركز الجامعة
بالنسبة للترتيب
هذا رابط أحصى ترتيب الجامعات العربية عالميا لحد الرتبة 5000
[url]http://www.al-mishkat.com/top5000.htm
واستغربت صرت بالمركز خمس آلاف على العالم وما طلع معي جامعة سورية!!!! فهل رأيك نسيو اسم جامعاتنا أو هذا مخطط ومؤوامرة تهدد أمن البلد !!!!!
وراح اكتب موضوع شامل وموثق عن الترتيب وراح ارسل لك رابطه إن شاء الله


جورجي المشاركة الجارحة رقم 59
ليش عم تحكي عن اللادقية وشبيحتها وانت با السعودية  وكلامك هاد خارج الموضوع اطرحو بمكانو لنجاوبك

أبو صدام:
عفوا نسيت هل اللاذقية محافطة سورية ولا مو محافظة سورية لازم ادرس جفرافيا منيح لحتى اعرف!!!!!
وطبعا أنا خارج البلد بس يكفي إنو قلبي بالبد مثلي مثل عشرين مليون خارج البلد يكفي إنو سوري ولا خلص يلي بضطر السافر بتتبرى منه سوريا ومعاد له دخل فيها!!!!!!؟؟؟؟؟
وطبعا خروجي عن الموضوع بسببكم أنتم يلي خرجتوا عن الموضوع وردي كان لشي خارج الموضوع^_^
فرجائا لا تلخبطي الأمور ببعضها


جورجي المشاركة الجارحة رقم 59
اذا كان هاد هوي علم المجاز اللي عم تطالبنا ندرسو لنفهم عليك فهنيئا لك به
خليه الك وبدل ما ندرسو لنفهم عليك انت اكتب بلغة بسيطة  لحتى يفهمها عامة
الشعب المثقف وغير المثقف!!!



أبو صدام:
مو أنا عم طالبك تدرسيه هذا علم واجب نعرفه لحتى بس نقرأ قرآن يلي هو عز لغتنا  نقدر نستوعب شو ونفهم شو عم نقرأ.
وهي لغة بسيطة وعامية ومكسرة بس يعني الإنسان ما بلاقي لتعابيره أبلغ من اللغة الفصحى فبضطر استخدام مصطلحات بليغة وواضحة وما ظنيت تنفهم بغير معناها المجازي!!!!




جورجي المشاركة الجارحة رقم 59
ابو صدام ومشان الفرع انتي يمكن فرعكم سهل بغمضة عين بنتهي

بس نحن جربي اطلعي على محاضراتنا على الأقل فراح تطلبي عشر سنين مو تمانة

وعلاوة على ذلك رشوة وفساد وظلم





ولما ما طال العنب قال بعدو حصرم




أبو صدام:
ههههااااااااي
 نسينا شو طعمة العنب بالأدب العربي وملينا منه لأن صرنا فوق دالية العنب فيعني صعبة الواحد ينحني جدا لياكل عنب
 وصار دور النخلة ^_*
وتركنا العنب للناس يلي عم تتسلق لطوله
(لست مضطرا للتفسير لمن لم يفهم المعنى لأن السياق سياق بلاغي )




جورجي المشاركة الجارحة رقم 59
ابو صدام  شاكرا ومقدرا مرورك الرائع القريب من المنصف 





وهل انت ميزان قياس إنصاف لتقيّم كل رد هنا هل هو منصف أو نصف منصف ولتقيم كل فرع دراسي هو غمضة عين أو لا؟؟

أبو صدام:
لأ مو ميزان بس رأي شخصي وإذا بتزعلي من وجهة النظر فحقك علينا
وطبعا مو مهم نوع العلم بالنهاية أغلبنا العلامات هي يلي اختارت تخصصه
بس يعني شيء واضح وجلي أمامنا وكل فرع له صعوبته وتختلف الصعوبات والعقبات
وأنا وقت قلت يمكن ويمكن تحتمل جوابين يعني نعم سهل أو لا صعب
فأنا قدّرت كلامك ورجحت اتكون دراستك سهلة لأن عنا بالأدب العربي والإنكليزي من أحلامنا وآمالنا نتخرج بأربع سنوات أو خمسة حتى ولا تقولي عم احكي عن غيري اسألي وبتتأكدي

جورجي المشاركة الجارحة رقم 59

عجبا للغتك العربية

أبو صدام:
شكرا لرأيك  المذوق ^_*

جورجي المشاركة الجارحة رقم 59
ابو صدام  عم تحكي عن الواجبات أنا قايم بواجباتي وأكثر وزيادة لأن هذا
وطنا بس للأسف هل وطننا قام بجزء من واجباته تجاهنا كطبقة مثقفة؟؟؟؟؟؟؟



قسما بلله انا باسف جدا واسفت جدا بعد ما قرات كلامك اليوم

أبو صدام:
ليش لتأسفي أنتي بنت وطريقك بالعلم سهل يعني بتتخرجي من هون بتتوظفي أو بتتزوجي هي حياتك وأكيد مافي عقبات بطريقك إن شاء الله
بس نحن الشباب أول ما انخلص إذا تركونا انخلص ورانا عسكرية وبعد العسكرية بكون عمرنا 28 إذا كنا وحوش بالدراسة وما بدنا ماجستير ودكتوراه  وطبعا إذا فكرنا ندرس ماجستير ودكتوراه وخلفهم عسكرية راح يكون عمرنا 32 وزيادة مثلا بنخلص عسكرية وبنبدأ تكوين حياتنا من الصفر ويمكن نوصل 35 و40 وما انكون شكلنا أسرة  فهل تم إنصافنا كطبقة مثقفة !!!؟؟؟؟
و لا حدا يزعل من كلمة الحق




جورجي المشاركة الجارحة رقم 59
هون كلنا متفقين الحمدلله

الحمدلله اتفقنا بشي



جورجي المشاركة الجارحة رقم 59
اخي الكريم مبدأ الاصلاح ما حدا وقف وقال انا ضدو  لانو حاجة دائمة وكنت بتمنى ترد عكل مشاركة بوقتها مو تنطر هاد الوقت اللي

اتحقق فيه العديد من مطالبك بهاد الموضوع وصار عدد المشاركات 45 

حضرتك عم تفوت الامور ببعضها عم تقّيم كل شي و عم توقف كمندوب مرة عن
الطلاب ومرة عن كل طالب مظلوم او انظلم او رح ينظلم ومرة عن المثقفين

يعني ما بعرف ما كنت رح عقب على هاد الموضوع كونو منتهي

بس ها الاسلوب وها النظرة للامور .......



شكرا

أبو صدام:
أختنا الكريمة مو بإيدي ما في كمبيوتر ومافي انترنت وفيه كميات كبيرة دراسة و كان بودي يكون ردي فورا خلف كل مشاركة وناقش صاحبها بس الأمور قوية و ما قدرنا انكون أقوى منها هذه المرة

بالنسبة للتقيم الموضوع باسمي ومن حقي عقب ورد وقيم ضمن حدود الأدب والأخلاق وببقى رأيي شخصي

بالنسبة لمندوب هذا رأيك وفهمك للموضوع ونحن نحترم وجهات النظر
بس كأني شايفك انتي يلي اخذتي دور جميع المختلفين معي بوجهة النظر!!!!

انتي حرة وأنا ما اعطيتك أمر اتعقبي
فرجاءا لا تضربي من نية ورجاءا لا تنهي موضوع قبل ما صاحبه يرد ذوقا على المشاركات
وإذا تقصدي منتهي بالنسبة لك فأنتي حرة وما أجمل الحرية


وعذرا إن خرجت شوي بالتعليق أو كان تعليقي فيه ريحة قصوة
بس طبعا كلنا هون أخوة نحترم بعضنا وأكيد راح يكون فيه اختلاف بوجهات النظر وهذا شي عادي فمو معقولة اسحب السيف وقلك اقبلي برأيي ولا انتي كمان راح تعملي هيك ولا غيرنا

وعفوا

وأهلا وسهلا
وحياكي

طارق الشرع

معك بكل حرف كتبته
وفعلا ذووووق

ومن أجل المشادات فهذا أمر عادي نبقى عرب سورين وإخوة وأكيد ما حدا بزعل من اختلاف وجهات النظر وأولهم أنا يلي كانت ردود  موجه لشخصي ومشككة بحبي لوطنا الحبيب سوريا والسبب إني طلبت شي مشروع وبسيط من أجل رقي طلاب العلم والعلم بسوريا ولم أكن أعرف أن هناك من سيضرب أخماس بأسداس ويبتعد بعيدا جدا جدا عن الموضوع وكأنه الفساد بمؤوسسة التعليم العالي عاجبه.....

شاكرا ومقدرا مشاركتك البناءة التي تجلعل آمالنا قريبة من الواقع
وأهلا وسهلا

اسيل

شكرااا جزيلا
وأكيد هي المطالب بتمس الصميم وبتزيل الظلام الدامس عن جامعتنا إن وجدنا إذن صاغية تساعد بإزالة الظلام الذي نشره الوزير المخلوع وأتباعه عن الجامعة وترتقي بالقوانين القديمة البائده التي كانت مواكبة لذاك القرن الذاهب

والمطلوب بس اتساعدينا بضم أصوات لأصواتنا من أبناء جامعات سورية وخاصة جامعة دمشق فلعلها تصل للشخص المناسب ويكون محب لسوريا ولطلاب العلم بسوريا وإذا كان فعلا محب فراح ينفذها بدون منة أو عقبة وسيساعدنا على الارتقاء بالعلم وطلابه بسوريا

وأهلا وسهلا أختنا
حياك الله

#gorge#


هنا التوثيق الرسمي للترتيب والإحصائية واحكمي بنفسك أعلى عليين جامعتنا ولا بالدرك الأسفل
73 عربيا قبلنا جامعات لبنان والأردن وفلسطين والسودان وغيرهم فيعني بتحز بالنفس مع احترامنا وتقديرنا لهي الدول
5900 عالميا يا زينها من منارة وجامعات افريقيا يلي إذا شافو الشمس أو القمر أو النار بفكروها  إلاههم !!!!!!
وكله بفضل وزير التعليم العالي وجهود رئيس الجامعة والعميد ورؤوساء الأقسام

https://www.jamaa.net/post566083.html#post566083