ياريت ابو صدام يرد  شخصيا



وبالنسبة لوزيرة الثقافة أنت قلت:

و انا قدمت شكوى اتخيلوا انا بنت قمت فيها لوحدي لرئيس جامعة دمشق؟!!





و عندي أرقام هواتف المرتشين و اسمائهم و هم ليسول قلة بل كثرة و أسماء معروفة جدا؟!!





و لدي تسجيلات صوتية؟!! بس لا حدا يقول ها انا مطبقتها عندي ياها من قبل الازمة هي ؟!!





و سمعها ناس كتير و طار كم دكتور بسببها










انا شايف صوتك مسموع  !!!!!!!!!!!!!

بدون اعتصامات ومظاهرات



بس يمكن ارتفع سقف مطالبك!!!!!




وطني واعي


هذه التسمية ليست لي بل للوطن يلي هو وطني ووطنك



يعني اذا ماعجبك وصف الوطن واهل الوطن بالواعي فلا اعرف بم ساجيبك

وطني واعي

طبعا زميلي كل ما كان الفساد اكتر كل ما بيرتفع سقف مطالبنااااااا

اي لسع في دكاترة صاروا عمداء كلية و لسع مكانهم ؟!!!

لقد أسمعت لو ناديت حياً

                            لكن .............

لا حياة لمن تنادي

اقتباس
(يلي عم يعمل وطنيات علينا لا يعمل؟!!)
تكرمي ما منعمل

(و يا ريت ماا حدا يقلي اني عم جاوب بعصبية )
لا ابدا جوابك واقعي وهادي

(انا عايشة بهالبلد و مواطنة عادية و طالبة جامعة وكتار بيعرفوني شخصيا )
اهلا وسهلا

(لماذا هذا الهجوم منكم على ابو صدام ؟!! بصراحة انا لا أعرفه الا من خلال هذا الموضوع قرأته من البداية)

حط موضوع وحطينا راينا عالموضوع

(و انا كنت قد وضعت موضوع حملة جماعية)
بعدني ما شفتو رح دور عليه

(بقا ليش عم تسكتوا الزلمة؟!!و عم تعتبروها مآمرة )
مو ضروري تكون مؤامرة بس احيانا ظروف الزمان والمكان بتأزم التطورات هاد كان القصد

(نحنا هلق بدنا نطالب لأن هاد الوقت المناسب مو ليرجع يشتغل الفساد الأكاديمي؟!!)
مو غلط وعكل ما ضل حدا ما عم يطالب فما في مشكلة

(انا طالبة لغة عربية بس لا حدا يقول اني كسولة لا بالعكس بدرس كتير)

مارح قول انك كسولة

(و انا حطيت بموضوع خاص عن قضايا الرشوة بس ع مستوى قسم اللغة العربية ؟!! وكلامي انا مسؤولة عليه
و انا قدمت شكوى اتخيلوا انا بنت قمت فيها لوحدي لرئيس جامعة دمشق؟!! و طار كم دكتور بسببها )

تحياتي لشجاعتك وحلو انو استجابو

(يا ريت تقرؤوا كلامي و تعيدوه أكتر من مرة )

وصلت فكرتك بدون اعادة

(و تحياتي لجامعة دمشق لأنها بالفعل عم تخرج عباقرة ؟!!!  )
بأيدك بها النقطة

(ع فكرة انا بحب و بحترم سيادة الرئيس كتير
بس يلي وصلنا لهون الحاشية و الفساد
الفساد صار متراكم و الشي بس يتراكم بتصعب ازالتو)

مظبوط ها الكلام

(لا حدا يحاسبني ع أخطائي اللغوية انا عم بكتب هيك  اوكي مشان ما حدا يقول اني ما بعرف اكتب كلمتين ؟!!)

مارح نقول

(و في متل بيقول لا يصلح العطار ما أفسده الدهر )

مظبوط

(و انا بوزع وطنية ع الجميع بس مشان ما حدا يبيه وطنيات؟!!!)

الله يعطيكي العافية وزيرة الثقافة

(تحياتي لكم و لكل عضو من أعضاء منتدى جامعة دمشق)
وانا تحياتي الك

(و تحياتي للضمائر الحية ( إذا بقي منها طبعا )

ان خليت خربت

(و اتذكروا انا مو داخلة حرب معكم بس هاد أسلوب رد عادي ع حسب قراءتي لمشاركاتكم)

اكيد مانها ساحة معركة وإي اسلوبك عادي 

(في النهاية كلنا أبناء هذا الوطن و كلنا طلبة في جامعة دمشق )

اي صح

(ع فكرة لا حدا يبعتلي ليش عم تجاوبي بهالتوتر و العصبية )

ماشي

(و يلي عندوا كلمة يخليها عندوا )
خليتها عندي

اقتباس:
(الأخت #gorge#

بس الشغلة أنه أغلب الشعب أو بعضه أو جزء بسيط بسيط منه .. لاحدا يزعل
على مستوى طالب أو موظف أو انسان عادي عم يشوف بعض القرارت التعسفية اللي ماله فيها الا ندب حظه!! فلا صوته مسموع.. ولا من الممكن أنه يصل.. ولا حدا مهتم فيه.. والقرارات عم تنزل على راسنا أو بعضنا ضربة ورا ضربة .. واتحمل اذا فيك تتحمل

منشان هيك مامنقول لكل مين حس انه هاد الوقت ممكن يصل صوته >>انت انسان خائن
ولا منقول للي عم يستنى الظروف الاحسن اللي من المستحيل انها ترجع مرة تانية >>انت انسان خنوع)


اخ ياسر تحياتي الك وانت اللي مشكور جدا
انا ما بشك بحكمة سياستك با المنتدى
با النسبة لمفردات خيانة أوخنوع أومطالبة كلها ما بتحمل با الحالة العادية أي ابعاد غير واضحة
لكن توقيت الموضوع وطريقة طرحو ما كانت مناسبة لما انطرح
عكل الاحوال حاليا كسوريا وبعد ما بينت الامور  وكل واحد حدد موقفو منها صرنا بمرحلة الشغل
مو بس كأفراد حتى التوجه الرسمي صار (خبرني بمطالبك وشو اللي شايفو اخطاء)  وفي استجابة كبيرة كلنا شايفينها
انشالله ما منرجع نعيش احداث الفترة الماضية وبا العكس بتخلينا نقوى ونطور حالنا
ولكون الموضوع عن الجامعة انا بضيف طلب  انو يكون في اهتمام بنوعية الطالب مو بس بكمية الطلاب بجامعاتنا
ونشوف قرارات بتكرس التطبيق العملي للاختصاص اثناء الفترة الجامعية وتخفيف الابحاث النظرية
تحياتي

جورجي

اي شو هالجواب هاااااااااااد تسلميلي يا رب

ردك كان مقنع و حلو

بتشكرك مرة تانية ع مرورك الجميل و مناقشتك للموضوع

اقتباس (

جورجي

اي شو هالجواب هاااااااااااد تسلميلي يا رب

ردك كان مقنع و حلو

بتشكرك مرة تانية ع مرورك الجميل و مناقشتك للموضوع )

ولو ما في شي من واجبك عكل الاحوال انتي ما كتبتي لحتى حدا يناقشك قلتي اللي عندو كلمة يخليها عندو

بس انا حبيت شاركك حماسك مو اكتر

وطني واعي
معلش عيني كل هذا الموضوع مو كاتبه أبوصدام أومتآمر أو مندس أوجاي يزرع فتنه سمي التسمية يلي بتعجبك
هذا الموضوع موضوع لكل طالب سوري مظلوم وانظلم  وراح ينظلم وعم ينظلم وكثيرٌ هم
نحن بنفدي وطنا بالعين والروح دمائنا بترخص لسرويا
بس كل ما لها جامعتنا عم تتراجع تتراجع تتراجع وإذا كنت طالب بالجامعة عم اتشوف القرارات بعينك وكلها خطأ فوق خطأ فوق خطأ وجامعتنا عم تتراجع

بالنسبة لردك 22
عم تحكي عن الواجبات أنا قايم بواجباتي وأكثر وزيادة لأن هذا وطنا بس للأسف هل وطننا قام بجزء من واجباته تجاهنا كطبقة مثقفة؟؟؟؟؟؟؟

بالنسبة لمقولتك الساكت عن الحق شيطان أخرس
مين قلك أنا ساكت بس ؟؟؟؟

رديت باللغة العربية ونصحتك تدرس بحث اسمه المجاز وهو ميزة للغتنا العربية عن باقي لغات العالم ادرسه منيح وبتفهم كلامي وشرحتلك كلامي
بس انته هدفك تحويل الموضوع وكسب تأييد لرأيك
وعم اتقول علمنا يعليها أكيد علمنا يعليها بس طلعنا من الظلمات يلي قلت لك عليها وبنطرق أبواب السماء نحن طلاب العلم بسوريا

عيني أي مؤوامرات عم تحكي عليها وكلام فاضي ملينا من هيك كلام الأطفال معاد صدقوه
ليش مين بسترجي يمس تراب هذا الوطن وأول وحده أمريكا خافت وما استرجت تتدخل لأن بتعرف الشعب السوري مو أي شعب
و كل مواطن عربي سوري لازم يقف بوجه أي فتنة
ونحن مو مثل الشعوب محدثة الحضارة أو المتخلفة لحتى حدا يقدر يتأمر علينا ويضحك علينا وانكون كالقطيع خلفهم
فريح بالك ولا تهتم من أجل هيك أمر

بالنسبة لردك 41
مافي داعي رد شخصيا بما إنوأتاكد الرد اليقين من أختنا وزيرة الثقافة فسلمت وبارك الله فيها ونحن بخير لأن عندنا لسا بنات أمثالها ومثل ما قالت لك إنو بعضهم صارعمداء ورؤوساء أقسام فيعني دوما بضحوا بالناس يلي شبعت كثير والناس يلي كرشهم صغير وبتركوالنا أصحاب الكروش الكبيرة ^_*

وأنا تقديرا لطلبك رديت عليك
بس بتمنى اتقدر طلبي ولا اتحاول اتحور الموضوع لفتنة ومؤامرة وإندساس ومدري شو
وبما إنو انته عايش بجنة ونعيم وطالب متفوق وما في بقسمكم دكاترة مرتشين أو ظلام وعاجبك الوزير يلي كان هدفة يشيع الفتنة ويمزق البلد بقراراته العنصرية
فليش جاي لهون توقف ضدنا !!!!!!؟؟؟؟؟
نحن قسمنا وأقسام كثيرة مليئة بالفساد والرشوة والظلم من الوزير المخلوع وانته نازل للدكاترة الظلام
الوزير ريحته وصلت لأمريكا بس نحن بسوريا يمكن عنا ضعف بحاسة الشم !!!!؟؟؟؟
ولو مسموح حط روابط كنت فرجيتك كيف صارت سمعة بلدنا والتعليم فيها بنظر العالم بسبب هذاالمخلوع


ملاحظة
أي رد خارج مسار الموضوع لن يتم الرد عليه

عاشق الحرية
يا الله ما أجمل هذا الاسم
أخي الكريم أنا ما عم طالب شي لمصلحتي هذا لمصلحة العلم وطلابه بسوريا وأنا من ضمن هذه الطبقة
وأهلنا بدرعا وغيرها من الحافظات معهم الله و ما بنقدر إلا ندعو لهم ونترحم على شهدائهم يلي هم شهدائنا وأهلنا

بس أنا موضوعي ما بحكي عن ثورة أو فتنة و بحكي عن مطالب مشروعة لطلاب العلم
وأهلا وسهلا نورت

shaima

حياك الله ومجرد وجود اسم شامي فوصل ردك^_^

وعلى عيني وراسي

ونحن جيل الصحوة وبنا تبدأ النهضة إن شاء الله

yasmeenalsham
ولو مين مانعك اترد
ردك خارج الموضوع
بس تقديرا لاسمك برد عليك
شيلنا من الكلام الفاضي يلي تاني سطر وخلفه وأمامه وفوقه وتحته .....

وخلينا عند فكرة التشائم
بالنسبةإلي لو سلموني الأمور
صح كلنا بسوريا اتعودنا على أجواء الفساد والرشاوي
والكلام والوعود الكاذبة
وبس الواحد يوصل لمركز عالي بخون كلامه ووعوده وبخون الناس يلي وثقت فيه
ودليل من الناس يلي بنعرفهم إذا انته طالب بجامعة دمشق وكنت من طلاب الأدب العربي فأكيد بتعرف العميد عنا ووقت صار عميد استبشرنا خير ,و لو إنوكان ظالم كبير بمادته لكن الحق يقال نحن على ما عهدنا إنو هو محب للعربية والعلم و بس استلم واتوقعناه يكون درع معنا  فصار سيف موجه علينا وأول من اتعرض لهجماته هم طلاب الأدب العربي وبعد ما حس إنو كسرنا راح على باقي الأقسام....

بس بحب بشرك
 إنو الشعب السوري شعب عظيم شعب حضاري ولسا فيه خير راجع تاريخ دمشق وعظمائها وبتعرف إنو كل فترة بتيجي غيمة فوق دمشق وبتزول على يد عظيم.......
وبالنسبة إلي شخصيا إذا حطوني لتغيير وإصدار القرارات فبحط السيف على رقبتي فوق الكرسي يلي راح استلمه
وبس فكر كون فاسد ومرتشي وخوان لكلمتي وخوان للناس يلي متأملة فيني خير فورا وبدون تردد بقطع رقبتي
قبل ما ينقال عني حرامي أو خوان للوعود أوبياع كلام أو ظالم أو كذاب أو أو
وقبل ما يمقتني الرب
(كبر مقتا عند الله أن تقولوا ما لا تفعلون)

وبظن ردي واضح

وأتمنى عدم تحوير الموضوع والخروج عنه

طالبةمثابرة
عليكم السلام
حكمة حلوة وإن شاءالله دوم طالبة مثابرة
ولو حبذا أتحفتينا بأفكارك

وحياكي الله