صباح الخير
عم قول لحالي الموضوع منوّر طلعت بنان خانم هنا
قلتِ لي روان دفشتك ( على أساس بدك عزيمة
). على فكرة اليوم شفت روان و حكينا عليكِ
على كل حال بس تنزلي على الشام و تفضي لنا اعملي اللي بدك ياه
هلأ اسأل أسئلة.. والله محتارة والله محيرني.. لأنه كل شي انسأل..
آهااا قلتِ لي كل شي انسأل دخلك لو ما كل شي انسأل كم سؤال كانوا صاروا؟
المادة.. ماذا تلعب دورها في حياتك؟ وهل تحمّلي (شريك المستقبل) أعباء حياة مادية برفاهية؟ (أريد جواباً واقعياً )
المادة بحياتي وسيلة و مانها غاية (بالنسبة لشريك المستقبل الله يعينه شو بده يصير فيه ) أنا قنوعة و بخاف الله و بالتالي اللي بحلم فيه حياة كريمة و بس .
الحياة الاجتماعية.. أين تأخذ منحاها من حياتك؟ الأقارب.. الجيران.. الزيارات الاجتماعية.. هل هي أولويات.. أم ثانويات.. أم أنها أمور كما العبء الزائد.. نقضيها لأنها واجبة؟
و الله كانت حياتي الاجتماعية منيحة ( قبل ما سجّل ماجستير
) هلء الحمد لله بشوف العالم بالمناسبات و الأعياد الرسمية . بس بشكل عام ما بتستهويني هالأمور يعني هي من الأساس من الثانويات عندي بس هلء عم تتلاشى
.
إن وُضعت العقلانية والعاطفة في ميزان.. فماذا يرجح في شخصيتك؟
العقلانية و بجدارة . مع إني عاطفية بس للأسف وقت الحسم و اتخاذ القرار عقلانية يمكن زيادة .
نعرف أطباء وصيادلة ومخبريون كثيرون.. لا يتبعون التعليمات الصحية التي يدرسونها ويعالجون بها الناس.. وأولها طبيب مدخن.. وعلى هذا فقيسي.. ما رأيكِ بذلك؟
هلء إنك تتبعي كل شي صحي بحياتك صعب شوي و برأيي بتبطل حياة ممتعة . بالنسبة للتدخين كمان عادة بغض النظر عن إنه الشخص بيعرف أضرارها منيح و لا لاء لأنه الطبيب وقت بلّش دخان ما كان طبيب و من الصعب على أغلبية الناس ترك هالعادة السيئة .
والصيدلانية طوق الياسمين.. ما مدى اتباعها للتعليمات الصحية.. التي درستها؟؟ وهل تعيشي حياة صحية على مستوى الطعام والشراب.. ومستوى الحياة بشكل عام؟؟
أكيد لا
. يمكن و لا شي من عاداتي صحي . يمكن ما استفدت من دراستي بالناحية العملية بحياتي غير إني ما بأخد دوا إلّا للشديد القوي ( على قولة عالم بنعرف شو فيه
) .
ههه أسئلة بايخة عن الطبخ.. كونك انسألتِ عن الأكل.. فلح اسألك.. بتاكلي الأبوات والسجقات ومدري شو ومدري شو وهي الشغلات كلها.. ؟؟ (مدري شو خطر على بالي هالسؤال)..
قصدك على قصص اللسانات و الكوارع و ما بعرف شو . الشي الأكيد إنه بحياتي ما دقتهم و لا حتى بفكر. بس بحب السجقات اللي ماما بتعملهم
.
وبتحبي تجربي أكلات ما بتعرفيها جديدة تكون؟؟ ومدى جرأتك على هالشي؟؟ لأنه في ناس ما بتحسن.. وبتحبي الوجبات السريعة ولا لأ؟؟
ممكن جرّب أكلة جديدة إذا عجبني شكلها أو اقتنعت بمكوناتها و إمكانية مزجهم معاً. أما بالنسبة للوجبات السريعة في حدا ما بحبهم !!
وكوننا بالطبخ لسه.. طبخة طبخة (لا بطاطا مقلية ولا أندومي ولا معكرونة) بتعرفي تساويها بشكل ممتاز؟؟
وأكلة ما بتحبيها أبداً أبداً أبداً.
طبخة طبخة بعرف ساويها غير البطاطا المقلية و الاندومي و المعكرونة مممممممم البيض المقلي
. عم امزح في كتير أهم شي الرز و الملوخية و الرز ببازلاء و بازلاء بمرقة و الباميا و غيرها... ( بيني و بينك عم تخطبي لحدا
).
أكلة ما بحبها أبداً أبداً أبداً الأرضي شوكي
اسألك سؤال.. ما هي أهم صفة من صفات شريك المستقبل .. ما ممكن تتنازلي عنها؟؟
ممممم في كتير بس بما إنه لازم نقي وحدة فالصدق و الصراحة مستحيل اتنازل عنهم .
إن تزوجتِ من شاب فيه كل ما تتمنيه.. ولكن طلب منكِ (لا أريدكِ أن تعملي إطلاقاً).. ويرفض عمل المرأة بشكل تام.. لكن.. لا تنسي.. فيه كل الصفات التي تتمنيها.. فهل تقبلي؟ وماذا سيكون ردكِ؟
ما بقبل لأنه لو كان فيه كل شي بتمنى رح يكون متفهم و بيهمه حقق ذاتي و ما رح يوقف بطريقي .
هل بتتوقعي الجيل القادم أفضل من جيلنا أم أسوأ؟؟ وعلى ماذا تنبأتِ؟؟
ما بعرف بس بحس إنه رح يكون أفضل أو بيجوز بتمنى يكون أفضل .
أكتر اسم بنت بتحبيه.. وأكتر اسم صبي.. (طبعاً بعرف إنه اسمي ما في أحلى منه.. بس ما في داعي تذكريه بدي غيره)..
بتعرفي شو بنان بتعجبني ثقتك بحالك
( لا تزعلي بتسلم على ثقتي ) . بحب اسم حلا و حمزة .
المنتدى بينقل جانب من شخصية الإنسان للناس.. لكن لما تتعاملي مع الأشخاص اللي تعرفتي عليهن عالمنتدى.. بتلاقي الشخصيات بتختلف.. (مو لأنه هن كذابين..) بس لأنه المنتدى ما بيحسن ينقل كل شي..
شو الجانب من شخصيتك اللي المنتدى ما نقله؟ أو بمعنى آخر.. الجانب الآخر من شخصيتك؟ يعني مثلاً نقل إنك كتير حكيمة.. فجانب اللاحكمة عندك شو هوّ ؟؟ ههه.. بس مو هيك بقصد من السؤال ..
منيح اللي مو هيك قصدك ( ما فهمت شي
) .
جانب شخصيتي اللي ما قدر المنتدى ينقله هو العصبية و العناد .
وأنا كمان لح قلك.. بيكفيكِ هلأ..
بس اليوم متفضية شوي.. واكسبيني لأنه مو كل يوم هيك..
ييييي شو بدي قول شكراً كتير يعني الحمد لله يا ربي اللي كنتِ فاضية شو كان بدي اعمل بلاكِ
نورتي بنان خانم
بنشوفك على خير إن شاء الله
اسبوعا لكل عضو نعبر فيه عن حبنا....
( بتعرفي ما اتعودت ما حدا يسأل بهالموضوع )
ترشيح إسمك أخد موافقة ودعم لوجستي من بعض ناس "أكيد رح تعرفين "
لا تخلوني خاف.. معلش شوي شوي.. 
