ظهر الخير
الآنسة روان هنا
ما عم صدّق عيوني ( يا عمي أنا مدعومة
)
هاتي لنشوف شو طلع معك
هل تعتقدين أن الحيرة حالة إنسانية مستمرة وإن اختلفت أنواعها ودرجاتها ؟
اكتشفت أنّ الحيرة حالة إنسانية مستمرة بمعظم الأحيان . مزبوط بتختلف بأنواعها و درجاتها بس يمكن هي أكثر حالة ممكن نتعرض لها .
هل هي رغم قسوتها بيئة منا سبة للإبداع ؟ أم أن الكتابة بشكل عام لا تحتاج بيئة نفسية معينة لتنتج ؟
بيجوز تكون قاسية بس الأكيد إنها مناسبة جداً للإبداع حتى فيكِ تعتبريها من أسهل الحالات اللي ممكن الشخص يتقمصها " و لو ضمنياً مانه حائر" لأنه بغض النظر عن الحيرة اللي متبنيها ممكن يكون عنده حالة حيرة تانية . هلء الكتابة بالنسبة الي بمعظم الاوقات بحاجة حالة نفسية بس يمكن عند الكتّاب المتمرسين ما بتتطلب هالشي لأنه بيكونوا قادرين يحيطوا نفسهم أو يتقمصوا أي بيئة نفسية بتتوافق مع أفكارهم أو موضوع كتاباتهم .
بالنسبة إلى الكتابة هل يمكن أن تتطور وتدخل مجال الأدب ؟
أي هل من الممكن أن تحترفيها يوماً ما ؟
ممكن بس مو متوقع
. حالياً من خلال تجربتي البسيطة قدرت أعرف نقاط الضعف بأسلوبي و كتاباتي بيجوز مع الأيام طوّر هالشي و وقتها ممكن تلاقي لي شي رواية بالمكتبات ( انتِ ادعيلي
)
هل أسرارك كثيرة ؟ وهل هناك أمور لا يعرفها عنك الآخرون ؟
بالإجمال لاء. أسراري مو كتيرة لأنه للأسف ما بعرف خبي
. هلء أكيد في أشياء ما بيعرفها عني الآخرون لأنه مستحيل يكون في شخص بيعرف عن حاله كل شي حتى بقية الناس تعرف كل شي .
ما هو نوع السر الذي لن تبوحي به لأحد كان ومهما كان ؟وهل حقاً هذا النوع موجود في حياتك ، أم أنه لم يتوفر بعد ؟
السر اللي مو ممكن بوح فيه هو السر اللي مو ملكي لأنه أكيد مو من حقي احكي فيه . أما بالنسبة لأسراري فغالباً بحكيها لأنه متل ما قلت ما بعرف خبي
.
وإذا خيّرت يوماً أن تضعي سرّك عند إنسان واحد من ستختارين أمك ، أم شريكك ؟
(سؤال محرج مو )
مو قصة محرج بس نوعية السر بتلعب دور . على العموم أكيد بحط سري عند شريكي ( إذا لقيته
) لأنه من المفروض ما يكون في بينا أسرار ( إلّأ بحالة واحدة كان السر عنه وقتها بحطه عند ماما
) .
هل لون البكاء عندك أزرق ؟ أي هل ترينه إيجابياً ؟
لا شفاف بلا لون
. اي بمعظم الأحيان البكاء عندي إيجابي سواء كان دليل حزن لأنه بيريحني أو كان تعبير عن الفرح .
ماذا يعني لك البكاء والدموع ؟ وماالموقف الذي قد يبكي طوق الياسمين ، ليس بالضرورة موقفاً مادياً بل أقصد ما البعد الإنساني العميق للموقف الذي يبرر بكاءك ؟
البكاء و الدموع شي خاص فيني صعب يظهروا قدام أي شخص . أي موقف ممكن يأثر فيني بدرجة كبيرة رح يخليني ابكي و أحياناً ببكي بلا سبب بس بحس لازم ابكي لارتاح .
أعرفك سريعة الحساسية وعميقة الإحساس ، فهل أنت كثيرة البكاء و دموعك قريبة ؟
صحيح حساسة كتير بس دموعي عزيزة عليّ . هلء هي قريبة بس ما بتنزل إلّا وقت يكون البكاء آخر الحلول للراحة .
ماهو العنصر الرئيسي الذي يعجبك في أدب أحلام ؟
كونه نسائياً ، تمردها ، حبكتها ، رؤيتها الوطنية . . . ؟ ( أكتر شي ، مو تقوليلي الكل ، بدي عنصر واحد )
بما إنه بدك عنصر واحد فالأساس اللي بيجذبني بكتابات أحلام هو تمردها و إحساسها بالقوة . بس كمان بيعجبني بكتاباتها رؤيتها الوطنية . و بأسلوبها بتعجبني تشابيهها الرائعة اللي بتملكها بجدارة و لها حقوقها .
هل يعبّر عنك هذا النوع من الأدب ؟ هل يحكي حالتك مثلاً ؟
وهل ترينه ملائماً إلى حدّ ما للأعماق النفسية للمرأة العربية بشكل عام ، أم فيه بعض المبالغة والتمرد ؟(بصراحة هاد السؤال كنت كاتبته قبل ما شوف انو حكيتي عنه ومع ذلك .. بدك تجاوبي )
بشكل عام وقت اقرأ أحلام بلاقي حالي بكتير محلات بس مو بكل شي . بحس إنه ملائم للمرأة العربية سواء كانت متمردة بحد ذاتها أو عندها حلم إنها تكون هيك فبتشبع هالحلم بهالنوع من الأدب . بالنسبة للمبالغة أكيد في مبالغة . بعتقد المبالغة شرط للكتابة لحد ما !!
هلأ خلصو الأسئلة اللي متذكرتهن حالياً .. واذا خطر ببالي شي تاني برجعلك ..
يالله هاتي لنشوف
بتنوري بيتك و مطرحك 
اسبوعا لكل عضو نعبر فيه عن حبنا....
.. وأنا مالي حسنانة طولهن 
.. بس بيخبروني بعد اللقاء لا تقولوا 
.. بسسس لما انزل عالشام 
.. بسييييطة.. 
؟؟ (مدري شو خطر على بالي هالسؤال).. 
؟؟ ههه.. بس مو هيك بقصد من السؤال 
.. 
