ياترى لودي كيف بتنظر لحقوق المرأة وكيف من الممكن انو المرأة تاخد حقوقها وهل الحقوق يلي لازم اتطالب فيها المرأة من الرجل أو من المجتمع

انا بلاقي حقوق المرأة من الامور الرئيسيه بالحياة علشان الدوله تطور لازم يكون للرجل مساعد وهي المرأة

المرأة بتاخد حقوقها اذا طلعت قوانين منصفه لها ومجبرين الكل انه يطبقوها يعني مو بس حكي

اكيد من المجتمع لانه هو يلي بيفرض على كل الشرائح انه تحترم المرأة وتعطيها حقوقها الكامله



برأيك أنو الأقوى في عصرنا الحالي الاعلام أو الدراما ليش

اكيد الاعلام لانه لولا الاعلام ماوصلت الدراما لكل بيت وعرفوها العالم


بصراحة وقت حطيت هالسؤال توقعت انو تختاري لبنان طيب شو رأيك بالاعلام اللبناني

الاعلام اللبناني في حريه تعبير اكتر من باقي الدول ومنتشر اكتر بالعالم بس لاننسى انه لولا المساعدات الخارجيه ماكان الاعلام اللبناني انتشر

شو هي المواضيع يلي بتفضل لودي انو يسلط عليها الاعلام الضوء بس ماعبسلط الضوء عليها

الاعلام للأسف لاحقيين الطرب والغناء والرقص والمسابقات يعني اخدين الدنيا تلاهي ونسيانيين انه في امور اهم بكتير من الغناء متل الاطفال ومعاناتهم والفقر وذوي الاحتياجات الخاصه وكتير امور

تخيلي انو وصل صوتك للعالم العربي شو هي الرسالة الاعلامية يلي حابة انو توجهيها

لولا النفط العربي ماكانت امريكا أقوى دوله بالعالم ولولا العرب ماكان في حضاره


لودي انتي صراحتك لأي حد ممكن انو توصل وياترى انتي عمبتكوني صريحة لأجل الصراحة بحد ذاتها أو حتى تكون هالصراحة ميزة بتميزك عن باقي رفقاتك

صراحتي ممكن توصل لانه الشخص يلي مواجهي يزعل وينجرح من كلامي
انا صريحه لأجل الصراحه وهاد يلي ميزني يعني انا مو مكتسبه الصراحه للتميز


شو رأيك بالصداقة بين الشب والبنت

بسبب انفتاح الحياة واحتكاك الناس ببعضها اكتر خلقت صداقه بين الشب والبنت ومن خلال تجربتي الحمد الله الله وفقني برفقات كتير اكابر ومحترمين
في ناس بترفض الرفقه مع الشباب وبيفوتوا على النت وبتكون في كلام بين الشباب والبنات بالمنتديات طيب هاد مو اسمه صداقه مختلطه
برجع بقول الدنيا وتغير مجراها وضعت امور محتمه


كيف بتنظري لطيبة القلب وشو رأيك بمتدعين طيبة القلب
طبية القلب صفه بتميز البشر عن بعضها بكتير من المواقف ويلي عم يدعوا الطيبه فورا بيبين عليهم لانه شغلتهم مو مطوله

شو هي الرجولة بمنظورك وبرأيك في رجال حقيقيين بكل معنى الكلمة

الرجوله هي صفات نادره ببعض البشر منها القوة في المواقف الصعبه يلي مابتقدر النساء تعملها
للأسف متل ماصار انقراض للديناصورات صار في انقراض لصفات الرجوله بالدنيا
اول كان الرجل مايعرف شو الخيانه او الحكي الكتير بالعرض الحمد الله هلأ صارت سيرة العالم هيك امور

طيب شو رأيك بالأنثى بس زيادة عن اللزوم يعني وصلت بأنوثتها لحد المياعة أو شي مثل هيك

بأي امر بالحياة بيزيد عن حده بينقلب ضده هي مو اسمها انوثه هي اسمها قلة ادب


golden rose
لا تتأسفي عن شي انا هون لحتى جاوب على كل سؤال وتأكدي انا مبسوطه كتير بكل الاسئله وناطره اكتر منك

حبيبتي لودي بشكرك على اجاباتك الصريحة

وبعرف تقلت عليكي بس حبيت اتعرف عليكي أكتر

وحاليا مو حاضر شي بمخيلتي أسئلة

وأنا عجبتني ردودك وعجبتني صراحتك كتير

وأكتر جملة عجبتني انتي قلتيها هي

لودي شو هو أكتر موقف بشع صار معك بالمنتدى (( حصراً بالمنتدى ))

ابشع موقف وقت سمعت انه الشباب والبنات شاكيين انه انا مو بنت انا شب

هاد الامر زعجني كتير بس الحمد الله بسبب موقف بعض الشباب والبنات قدرت انه القصه تخلص على خير وهنن نهولي القصه ودافعوا عني لانه بيعرفوا لودي مين وانا بشكرهم كتير من دون ذكر اسماء لانه كتار

H-A-R

شكرا كتير ياقمر وناطره اسئلتك ورجعتك

golden rose

انا يلي بدي اشكرك على اسئلتك الحلوة وايمتى مابدك فوتي وحطي اسئلتك وانا جاهزه للإجابه

لودي صديقتي الغالية .... والاعلامية المستقبلية ..... الله يعطيكي العافية شايف الشباب مو مقصرين بنوووب بس اكيد هالشي عن محبة انشا الله ....
المهم لودي خانم وبلا طول سيرة انـا فتتت لسلم عليكي واحكي انو انت بنت كتير كتير اكابر ....
مثقفة ... بتعرفي تاخدي  حئك بايدك ولو بعد حين  .. وهي صفة قوة فيكي ....بتحبي الغير ...وطيبة ئلبك هي ميزة لالك ...
المهم ...
لودي لدي لك بعض الاسئلة :

1 اشخاص الانترنت ماذا يعنون لك... وكيف بتتعاملي مع شخص غريب عنك
2 شو الزمن يلي بتحبي ترجعيلو .... واي مرحلة بحياتك هي الاحلى
3 شو هو الباس المحتشم بنظرك .... وشو تعريفك للحجاب الاسلامي
4 علاقتك باكتر الاعضاااء اكتر من ممتازة ... هيك بشوووف عطينا المقربين الك وصفاتن بكلمة وحدة بس ... و مين من الاعضاء بتعرفين بشكل شخصي
5  لحظة حزن ما بتنسيها .... ولحظة فرح ما بتنتسى
6 شو اكتر اكلة بتحبيها ...
7 هلئ انتي يمكن كتير هادية .... بس ايمت بتفقدي السيطرة على حالك ...
بعرف دايئتك باسئلتي ... بتشكرك سلفا على الاجابة ولك مني الود

سوف تكونين مع أسئلة خفيفة ظريفة لطيفة   


شو أحلى نكتة سمعتيها .. ؟؟

ممكن تشتغلي كمقدمة برامج .؟ وشو هيي البرامج هلي بتستهويكي .؟؟

هربتي شي مرة من المدرسة .. أو فكرتي تهربي .؟؟

أذا كنتي من جماعة المئالب بأيام المدرسة .. ؟ شو آخر مئلب عملتيه .؟؟ شي مرة أتعرظتي للفصل .. ؟؟

بتمارسي رياضة .. أو بتابعي .؟؟

أذا كنتي (( بآخر شياكة )) متل مابئولو  وأجى شي ابن حلال بسيارتو وطرش عليكي مي .. شو بتكون ردة فعلك .؟؟

بأي عمر مريتي بأول تجربة حب .. وأذا مريتي .. شو رايك بهالتجربة .؟؟

شو أحلى مكان زرتيه بحياتك .؟؟

بما أنك شامية شو رأيك بقاسيون ..؟؟

شوفي أسئلة كمان شو في أسئلة كمان 

ايه ئديش صرلك بتدخلي عالأنترنت .. ؟

شو هوو طموحك بهالدنيا .؟؟

شو هيي هواياتك .؟؟

كيف بتئضي يومك .؟؟


















أكيد رح تنزعجي من الأسئلة .. بس شو بدنا نسوي .. مو كل يوم لودي ئاعدة عالكرسي ..  فخلينا نكسب شوي 

             

1 اشخاص الانترنت ماذا يعنون لك... وكيف بتتعاملي مع شخص غريب عنك

عادي الانسان بيبين من خلال مواقف وكتابات بيكتبها بتعرف اذا عم يلعب ويتسلى ولا لأ

الشخص الغريب دايما بكون على حذر بالواقع او بالنت لانه مو كل انسان ممكن انه تثق فيه

2 شو الزمن يلي بتحبي ترجعيلو .... واي مرحلة بحياتك هي الاحلى

زمن الجامعه كتير بحن للمدرجات ولرفقاتي ولاحساس الخوف والقلق يلي قبل وبعد الامتحان وترقب النتيجه

المرحله الحلوة بحياتي وقت كنت بكلوريا وانتقلت للجامعه

3 شو هو الباس المحتشم بنظرك .... وشو تعريفك للحجاب الاسلامي

قبل اللباس لازم الانسان يحتشم بنظره وبعدين اللبس اكيد يلي بيكون ضمن حدود الادب واحترام الحجاب

الحجاب الاسلامي هو تغطية مفاتن المرأة مع انه المرأه كلها مفاتن

ولازم البنات المحجبه بكل امور حياتها تحترم الحجاب يلي على راسها

4 علاقتك باكتر الاعضاااء اكتر من ممتازة ... هيك بشوووف عطينا المقربين الك وصفاتن بكلمة وحدة بس ... و مين من الاعضاء بتعرفين بشكل شخصي


ملك الحقوق واضح

انسانه فضوليه نشيطه

الدكتور ماجد صديق حقيقي

الجولاني وفي

الدكتور أحمد راقي

عزوز صريح كتير

صخر المحمد المساعد الاول بالمنتدى الي

هديل بتحب الرفقه

أحمد متسرع
وفي جولدن روز - وأحلى شام - ورغد - رومانتيك - t-bag في كتير يعني تقريبا الكل مابدي عد اكتر لانه مارح خلص

بس الاكيد انه مافي معرفه شخصيه مع اي عضو انا بتمنى انه شوفهم بالواقع واتحدث معهم بس لسه ماإجى الوقت المناسب

5  لحظة حزن ما بتنسيها .... ولحظة فرح ما بتنتسى

حزن وقت وفاة جدي

فرح وقت نجاحي بالبكلوريا

6 شو اكتر اكلة بتحبيها ...

بحب المعكرونه كتير بكل انواعها

7 هلئ انتي يمكن كتير هادية .... بس ايمت بتفقدي السيطرة على حالك

وقت الانسان بيوصفني ومابيكون بيعرفني منيح وقتها بجن

الدكتور ماجد انا يلي بدي قلك شكرا كتير على كل الاسئله وناطره منك اكتر وبقلك العين مابتعلى عن الحاجب وشكرا على وصفك يأغلى اخ

لودي رجعت بكم سؤال

شو تعريفك للنجاح ؟؟ و ايمتى بيكون الشخص ناجح برأيك ؟؟

لودي بنت ثقتها بحالها كتير كبيرة فأنتي برأيك مين يلي خلى هالثقة تكبر فيك و مين نماها فيكي و خلاكي تعتمدي عحالك ؟؟ (( لأن أكيد الثقة بتكون نتيجة عدة عوامل قبل ما يكون للشخص دخل فيها ))

طفولتك كيف كانت ؟؟ كنتي هادية و لا مشاغبة    و لا شو ؟؟

كيف بتوصفي علاقتك بأهلك يعني أمك و أبوكي ؟؟ و برأيك البنت لمين بتكون أقرب ؟؟

الأمل شو نسبته بحياتك ؟؟

شو تعريفك للظلم ؟؟

و هاد يلي خطر عبالي حاليا 

يللا سلامااااااااات 

شو أحلى نكتة سمعتيها .. ؟؟

كتار  ههههههههه مابعرف ليش مو قادره الا اضحك بس تجي سيرة النكت


ممكن تشتغلي كمقدمة برامج .؟ وشو هيي البرامج هلي بتستهويكي .؟؟

اي اكيد  سياسيه بحته

هربتي شي مرة من المدرسة .. أو فكرتي تهربي .؟؟

لا والله ابدا ولا ببالي الهروب

أذا كنتي من جماعة المئالب بأيام المدرسة .. ؟ شو آخر مئلب عملتيه .؟؟ شي مرة أتعرظتي للفصل .. ؟؟

تعرضت للفصل كتير والمقلب يلي عملته ومابنساه انه لميت نحل بكيس وفلتن بالصف بحصة الرياضيات وقتها شرشحوني بكل معنى الكلمه بس بعمري مابنساه

بتمارسي رياضة .. أو بتابعي .؟؟

اي بمارس الرياضه يوميا

أذا كنتي (( بآخر شياكة )) متل مابئولو  وأجى شي ابن حلال بسيارتو وطرش عليكي مي .. شو بتكون ردة فعلك .؟؟

صارت فيني وكنت كتير عادي لانه وقف واعتذرلي كتير

بأي عمر مريتي بأول تجربة حب .. وأذا مريتي .. شو رايك بهالتجربة .؟؟

رح تضحك علي بعمر 22 تجربه مميزه كتير  اذا كانت نهايتها زواج

شو أحلى مكان زرتيه بحياتك .؟؟

كل الشام حلوة  وسفري كتير صعب انه عد لانه وقت بتروح سياحه بيكون كل المناطق مميزه

بما أنك شامية شو رأيك بقاسيون ..؟؟

اجمل المناطق ويلي بحس انه عم احكي مع الشام كلها


ايه ئديش صرلك بتدخلي عالأنترنت .. ؟

كتيرررررررررررررررررررررر

شو هوو طموحك بهالدنيا .؟؟

كون بمنصب ممتاز بدراستي

شو هيي هواياتك .؟؟

القراءة والركض

كيف بتئضي يومك .؟؟

رفقات ومدرسه ونوم


T-BaG كتير انبسطت بأسئلتك وناطره المزيد

موضوع كتير مميز
وفكرة ظريفة وممتعة     
                    تقبلوا مروري