لودي بما أنو عنوان الموضوع اسبوعا لكل عضو نعبر فيه عن حبنا

فأنا ماحبيت عذبك ودايقك بالأجوبة وماحبيت أطلع بدون ماأترك شي     (بتعرفي مافي شي من قيمتك)بس والله مو طالع بأيدي إلا الكلام     يلا ماشي الحال

المهم حبيبتي بتمنالك النجاح والتوفيق وإنشالله يارب بشوفك إعلامية قد الدنيا واسمك واصل لآخر أصقاع الأرض  


بس ماتفكري حالك نفدتي يمكن أرجعلك بكم سؤال قريباً.......                                                                                                                                                                                                                                                                                                                                                                                                                                                                  

لولو محبتك واصله وانشاء الله انت كمان بتحققي يلي بتحبيه واكيد انا مستعده لأي سؤال بأي وقت

أهلا وسهلا لودي....

رح اسال كم سؤال من بعد اذنك....

أولا بتحسي انو الاعلام عنا بسوريا لازم يسلط الضوء عأحداث كتيرة عم يقصر فيها....
كيف بتلاقي ممكن يخدم الاعلام الوضع عنا بالبلد؟

انت صيبة ملتزمة ولا متحررة؟
شو نظرتك للمال؟
شو اللي بيلفتلك نظرك بالطرف الآخر؟

بتحسي انو لازم تأدي رسالة إبداعية بالحياة ولسا ما أنجزتي شي منها....؟
ولا أنجزتي جزء؟

بتحبي جامعتك لأي حد....

يلله حالياًَ هدول الأسئلة ببالي....
منرجع ومنكمل....

بس قبل ما أنسى....تناقلت الأخبار.....ووسائل الاعلام....كونك شب....
شو ردك؟؟؟ شو إثباتك لنفي الموضوع؟

أولا بتحسي انو الاعلام عنا بسوريا لازم يسلط الضوء عأحداث كتيرة عم يقصر فيها....

اي اكيد في مواضيع لازم تسلط الضوء عليها بس للأسف في تقصير كتير


كيف بتلاقي ممكن يخدم الاعلام الوضع عنا بالبلد؟

اي بيخدمه بالتقدم والتطور واكيد الحريه المطلوبه بأي مجال

الاعلام هو الصوت كل شخص بالمجتمع

انت صيبة ملتزمة ولا متحررة؟

انا متحرره ببعض الاشياء وملتزمه ببعض الامور يلي بتفرض انه كون ملتزمه بس مافي تعصب بحياتي يعني عايشه بتحرر فكري كبير واجتماعي بس في امور لازم كون ملتزمه

شو نظرتك للمال؟

نظرتي للمال هو عصب الحياة بس بالزواج مو شرط اساسي بالارتباط ولا بركض ورا المال لانه انا من عيله تعتبر من الطبقه الغنيه بالمجتمع العربي

فما عندي النظره الماليه لكل الامور يلي بحياتي وعندي الانسان هو يلي بيجيب المال
بس المال عمره ما عمل رجل او امرأه

شو اللي بيلفتلك نظرك بالطرف الآخر؟

طريقة تفكيره وبعدين الامور الثانويه

بتحسي انو لازم تأدي رسالة إبداعية بالحياة ولسا ما أنجزتي شي منها....؟
ولا أنجزتي جزء؟

انجزت جزء صغير وطالبه اكتر بكتير من يلي عملته ويارب اوصل للي بدي ياه

بتحبي جامعتك لأي حد....

كتيرررررررررررررررررررر لحد انه بفتخر انه خريجة جامعة دمشق


بس قبل ما أنسى....تناقلت الأخبار.....ووسائل الاعلام....كونك شب....
شو ردك؟؟؟ شو إثباتك لنفي الموضوع؟

ردي انه هدول البشر يلي عم تلعب خليهم يكملوا لعب
هههه  عجبتني تناقلت الاخبار اكيد من خلال ردودي واضح انه بنت ومافي داعي اثبت انا كلمتي ثقه ومابيهمني مين بيحكي او بتسلى بعتقد صرنا منعرف بعض كتير منيح ومنعرف يلي عم يتسلى او انه حكيه مجرد لعي على الفاضي

مابدي قلك يا دكتور غير انه انا كتير مبسوطه من اسئلتك يلي خلتني فكر لدقائق

مين لودي هنا اي لا مو معقول

لازم نقليكي منيح معناتها

1 - شو رأيك بالاعلام العربي بشكل عام والاعلام السوري بشكل خاص

2 - لو خيروكي انك تعملي كاعلامية وتختاري احدى البلدان غير سورية شو بتختاري

3 - كيف بتعرفيلنا الحرية الاعلامية بمنظورك انتي مو بالمنظور العام

4 - شو  هو الشي يلي كنتي بتتمني تحققي بس ماحققتي وشو هو الشي يلي حققتيه

5 - شو هو منظورك للصداقة وياترى ايمت لودي بتقطع كرت مثل ما منقول لصديق مااستاهل الرفقة

6 - شو أكتر صفة بتحبيها بالبنت وأكتر صفة بالشب

7 - شو رأيك بالفتاة المسترجلة يعني يلي بتتصرف تصرفات رجل

بكفي هيك لأنو يمكن مااقدر افتح النت لأبصر ايمتى

وعلى فكرة كتير بحب شخصيتك

مع خالص احترامي وتقديري

لودي .. شخص كتير محترم .. ومثق وواعية ومحبوبة بين الأعضاء ..

انا مابعرفها غير من الدردشة .. وبتمنالها التوفيق .. والنجاح بحياتها ..   





بما أني مسافر على حمص بكرا .. فحبيت شارك بأسبوعك ولو بسؤال صغير كتير كتير كتير .. وحباب وأبن عالم وناس .   



شو رأيك فينني ...   ؟؟ دورت على أسهل من هيك سؤال مالئيت ..   



انا ماني مطول بحمص .. شغلة 3 ايام وراجع . بإذن الله .. وفيي للأسئلة تتمة .   







أودعنــــــــــــــــــــــــــــــــــــــــاكم ,

1 - شو رأيك بالاعلام العربي بشكل عام والاعلام السوري بشكل خاص

الاعلام العربي تطور بشكل ملحوظ وخصوصا بقضيه المرأه وحقوقها اخد حقه من خلال الاعلام

اما الاعلام  السوري فهو لسه بمنتصف الطريق بس هلأ في تطور واضح بسبب اهتمام بعض الاشخاص يلي بيلاقوا انه الاعلام هو صوت المجتمع بكل جوانبه

بتمنى انه الاعلام السوري بقطع المسافات ويفوت بالمنافسه الاعلاميه ويكون بالمركز الاول متل مو هو بالدراما التلفزيونيه

2 - لو خيروكي انك تعملي كاعلامية وتختاري احدى البلدان غير سورية شو بتختاري

دبي لانه كل المؤسسات لها فرع رئيسي بدبي

3 - كيف بتعرفيلنا الحرية الاعلامية بمنظورك انتي مو بالمنظور العام

الحريه بشكل عام هي انه تحكي يلي ببالك دون حواجز او انك تعملي حساب انه ممكن تضرري بسبب رأيك

اما الحريه الاعلاميه فهي جزء من الحريه بشكل عام الاعلام لازم يسلط الضوء على كل جانب موجود بحياتنا وشو اسباب التوقف او الاعاقه بأي مجال ومين السبب دون الخوف من توقف المحطه او اغتيال الصحفي او ازعاج المذيعه  

وصلت بعض القنوات للحريه الاعلاميه ومناقشة الامور بحريه تامه والنظر على الموضوع من كل ناحيه سلبيه او ايجابيه

4 - شو  هو الشي يلي كنتي بتتمني تحققي بس ماحققتي وشو هو الشي يلي حققتيه

بتمنى انه اقدر حقق ذاتي بالاعلام العربي ويوصل صوتي للخارج وانشاء الله قريبا

اما شو يلي حققته فما بقدر اذكر شو يلي حققته لانه شي كتير بسيط ومو مستاهل انه اذكره متل تخرجي تدريسي محبة الناس الي احترام العالم للودي ومعرفتهم لشخصيتي صراحتي يلي قدرت انه تتعود العالم عليها ويلي ميزتني عن غيري من العالم

5 - شو هو منظورك للصداقة وياترى ايمت لودي بتقطع كرت مثل ما منقول لصديق مااستاهل الرفقة

الصداقه مفهوما بكلمتين انا معك للموت  وقت بقطع كرت بتكون العلاقه بيني وبين اصدقائي وصلت لحدا انا مابرضى انه انطعن من ظهري واسكت لانه رفيقي اكره شي عندي بحياتي هي الخيانه بكل اشكالها 

6 - شو أكتر صفة بتحبيها بالبنت وأكتر صفة بالشب

اكتر صفه بحبها بالبنت هي العفويه وطيبة القلب يلي مامنقدر نتخلا عنها
اما الشب بحب الرجوله يلي بتطلع بمواقف ما بكون متوقعتا



7 - شو رأيك بالفتاة المسترجلة يعني يلي بتتصرف تصرفات رجل

بزعل وقت بشوف هيك نوعيه لانه رب العالمين لكل طرف عطاه ميزه والمرأة مميزه بأنوثتها


golden rose بحب شخصيتك وحبيت الاسئله وشكرا على وجودك بأسبوعي

هاااااااااااااااااااي لوووووووووووووووودي كيفك بصراحة حابة استلمك بهالأسبوع

لأنو بصراحة حاسة انو في كتير شغلات بشخصيتك وحابة اني طلعها

وبعتذر اذا عمتقل عليكي بس حابة أعرف لودي أكتر وأكيد في كتار حابين يعرفو لودي أكتر

هالمرة انا رح اسألك بناء على اجوبتك

اقتباس

الاعلام العربي تطور بشكل ملحوظ وخصوصا بقضيه المرأه وحقوقها

ياترى لودي كيف بتنظر لحقوق المرأة وكيف من الممكن انو المرأة تاخد حقوقها وهل الحقوق يلي لازم اتطالب فيها المرأة من الرجل أو من المجتمع

اقتباس

بتمنى انه الاعلام السوري بقطع المسافات ويفوت بالمنافسه الاعلاميه ويكون بالمركز الاول متل مو هو بالدراما التلفزيونيه

برأيك أنو الأقوى في عصرنا الحالي الاعلام أو الدراما ليش

اقتباس

دبي لانه كل المؤسسات لها فرع رئيسي بدبي

بصراحة وقت حطيت هالسؤال توقعت انو تختاري لبنان طيب شو رأيك بالاعلام اللبناني

اقتباس

وصلت بعض القنوات للحريه الاعلاميه ومناقشة الامور بحريه تامه والنظر على الموضوع من كل ناحيه سلبيه او ايجابيه

شو هي المواضيع يلي بتفضل لودي انو يسلط عليها الاعلام الضوء بس ماعبسلط الضوء عليها

اقتباس

بتمنى انه اقدر حقق ذاتي بالاعلام العربي ويوصل صوتي للخارج وانشاء الله قريبا

انشالله ربي يحقق طموحك سؤالي هون تخيلي انو وصل صوتك للعالم العربي شو هي الرسالة الاعلامية يلي حابة انو توجهيها

اقتباس

ومعرفتهم لشخصيتي صراحتي يلي قدرت انه تتعود العالم عليها ويلي ميزتني عن غيري من العالم

لودي انتي صراحتك لأي حد ممكن انو توصل وياترى انتي عمبتكوني صريحة لأجل الصراحة بحد ذاتها أو حتى تكون هالصراحة ميزة بتميزك عن باقي رفقاتك

اقتباس

الصداقه مفهوما بكلمتين انا معك للموت 

حلو هالكلام ومفهومك للصداقة كتير حلو طيب شو رأيك بالصداقة بين الشب والبنت

اقتباس

اكتر صفه بحبها بالبنت هي العفويه وطيبة القلب يلي مامنقدر نتخلا عنها

كيف بتنظري لطيبة القلب وشو رأيك بمتدعين طيبة القلب

اقتباس

اما الشب بحب الرجوله يلي بتطلع بمواقف ما بكون متوقعتا

شو هي الرجولة بمنظورك وبرأيك في رجال حقيقيين بكل معنى الكلمة

اقتباس

بزعل وقت بشوف هيك نوعيه لانه رب العالمين لكل طرف عطاه ميزه والمرأة مميزه بأنوثتها

طيب شو رأيك بالأنثى بس زيادة عن اللزوم يعني وصلت بأنوثتها لحد المياعة أو شي مثل هيك

اقتباس

golden rose بحب شخصيتك وحبيت الاسئله وشكرا على وجودك بأسبوعي

وانا كمان بحب شخصيتك وبصراحة صحيح مابعرفك بس بحسك انسانة بتتمتعي بقوة الشخصية
بتحبي موقع السلطة كتير انسانة طيبة بس مو مع الكل بتحملي قلب حنون ورقيق بس مابتحبي تظهريه لمين ماكنا يعني بحس انو يلي بيعرفو حنية لودي كتير قلال
مابعرفك شخصيا لودي ولاحتى صار في تواصل بيناتنا بس هيك بحس شخصيتك
يمكن كون غلطانة بس هيك بحس

وبعتذر عالاطالة والميكرفون معك تفضلي

رأي فيك بحسك غامض ببعض ارائك ومواقفك بس بحس انه شخصيتك قويه

بتحب الرياضه لدرجة كبيره ودايما بتحب التجديد بكل الامور ومابتحب الزعل انسان راقي بكل مافيك

ومحترم وخلوق بفكرك


T-BaG ناطره اسئلتك الكتيره 

مسا الخير لأحلى لودي  

أكيد ما رح يمر اسبوع لودي بدون ما اسئلها .. أو بدون ما نوّر الموضوع بردي   (( بايخة   ))

لودي شو هو أكتر موقف بشع صار معك بالمنتدى (( حصراً بالمنتدى ))


الي رجعة عالموضوع