[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..
مواضيع مميزة..
فوائد عزل الفوم
حماية مجاري المطبخ من الانسداد
شركة المنزل المثالي لعزل الأسطح والخزانات
افضل شركة خدمات منزلية بالبكيرية
طرق عزل المواسير
الحماية من الحشرات الضارة
العزل المائي والحراري بالفوم
أنواع تسربات المياه
معالجة رائحة الحمام الكريهة
المجموعة الدولية: الريادة في صيانة وتنظيف الأفران في السعودية" 🔧🔥
دور العزل في حماية المبنى
عزل الخزانات الفايبر
شركة المجموعة المثالية لصيانة أفران الغاز بجدة
اكتشف التميز مع خدمات المجموعة المثالية في مدينة جدة
شركة المثالي : الاختيار الأمثل لخدمات التنظيف في المملكة



  ملتقى طلاب جامعة دمشق --> الـمـنـتــديـــات --> المنتديــات العــامــة --> ملتقى التسـالي والفرفشــة
    اسبوعا لكل عضو نعبر فيه عن حبنا....
عنوان البريد :  
كلمة المرور :  
                    تسجيل جـديد


صفحة 41 من 76 <- 39 40 41 42 43->

مشاركة : 401


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

09-03-2010 08:58 PM




أهلا وسهلا ومية مرحبا بحكيمنا ماجد.. والله شرفت..
يارب تعين..


اقتباس
1 فهمت انو كتير بتحبي الصيدلة ..... طيب شو الماستر يلي ناوية تكفي فيه انشا الله

والله الصراحة .. عالأغلب مو ناوية كفي بعد التخرج.. يعني بفتح صيدلية والسلام.. هو أصلاً هالأمر محكوم بالظروف يلي بتكون بوقتها.. يعني إذا لا ورايي ولا قدامي ممكن إني كمل دراسات (مخبر أو اختصاص إلو علاقة بتكنولوجيا الصيدلة).. لكن إذا كان عندي مسؤوليات تانية.. فأكيد ما رح خلي شي ياخدني من شي


اقتباس
2 اكتر موقف زعجك ودايئك .... ويوم ما بتنسي ...

تدايئت لما بنت من الجامعة وصلت لرفقاتي المقربين حكي على لساني كلو كذب بكذب مشان توقع بيناتنا .. بس شو بينفعها هالشي والله ما بعرف.. عالم فاضية.. 

يوم ما بنساه.. اليوم اللي جبت لأختي فيه علامتها الأخيرة وكانت على أساسها رح تتخرج.. ما بنسى انفعالها وضحكتها وصوتها عالموبايل كيف تغير من الفرحة.. حمدت ربي إنو طعمني فرحة إني فرِّح أختي بهالخبر..  


اقتباس
3 الاخت نانون ... طيبة القلب شو بتعنيلك ...

بتعنيلي كل شي.. بحس البني آدم بدونها ناقص الإنسانية وعيشتو بتكون صعبة بهيك حياة لأنو حتكون كلها هم ونكد.. بس كمان المفروض تكون بحدود (هالحدود اللي ما كانت تزبط معي بالمرة)

4

اقتباس
ما شا الله حولك بكرا بتخلصي صيدلة وبتتخرجي ولا احلى ... طيب السؤال ممكن تتزوجي بشب ادنى منك علميا ... بكلوريا مثلا ....

ما بظن.. بيهمني يكون زوجي دارس كلية مهما كان فرعو ما بتفرق.. بس اللي بدي ياه إنو يكون عايش بجو الجامعة وشايفو ومتعامل مع طلابها من جهة..ومن جهة تانية ما بدي واحد يحس حالو عندو نقص لأنو زوجتو صيدلانية وهو مو دارس..(هالشي واقع بمجتمعنا ومالي حابة اوقع بمشاكلو وتبعاتو).. بس والله العظيم مو من باب الأنزعة لا سمح الله.. كل العالم خير وبركة وأغلبن أحسن مني..

اقتباس
5 الحكم من المظهر الخارجي ..... شو موقف نانون منو ...

ما بحب هالتصرف أبداً.. البني آدم مو هو اللي خلق حالو وشكلو مو بإيدو..  لكن اللي بيقدر يتحكم فيه بالدرجة الأولى هو أخلاقو.. وهدا الأهم.. أما خارجياً فبيقدر يتحكم بأناقتو .. نظافتو.. لباقتو.. هالشي كلو إلو تأثير عالمظهر الخارجي ..
بس بالحالة العادية ممكن ببعض الأحيان إني علق عالشغلات اللي ذكرتها من باب (الهواية) .. بس داخلياً ما بهتم فيها أبداً..

اقتباس
6 مين سماكي نهى ... وعلى اسم مين

أبي الله يكرمو ويسعدو.. مو على اسم حدا (فريدة من نوعي)    .. بس من سورة طه..


اقتباس
7 مين من الاعضاااء تعرفتي عليهن .... مع ذكر الاسماااء .... ورايك بكل واحد بكلمة وحدة بس

رح قلك من برات الصيدلة بالأول بعدين منرجع للصيدلة..
تعرفت على اتنين من المنتدى بالصدفة .. والاتنين بروحة عالرصد الفلكي اللي أعلنو عنو بالمنتدى وشفتن من بعيد لبعيد.. يعني ما عرفت شخصياتن.
أبو عبيدة.. هيئتو جدِّي ونابغة
نايت رايدر.. مؤدب وحرك
وللأسف ما تعرفت على ولا بنت من برات الصيدلة..
من الصيدلة: طوق الياسمين.. شخصيتها محببة وظريفة
Sweet life.. كتير سويت.. ما بتقدر تحكي معها وما تضحك 
Pearls.. شخصيتها قوية ومميزة
Golden pill.. ظريفة وشغيلة والقعدة معها بتسوى دهب
نور الهداية.. لطيفة وذكية.. ونرفوزة
Ph*Hanan.. بصراحة اليوم تعرفت عليها وهيئتها حبابة
Ph..Ruaa.. حبابة وطيوبة وموضع ثقة 
rana.. شقية ومفروطة
Rieme.. لطيفة
Kuki.. لذيذة
Hema.. هادية وحبابة
W.T.O.. مولدن  بس أخلاقو حلوة ومرتبة كتير
Najoooom33.. مِرِح ومهذب
ZAID.. راكز وعبقري
Iron man.. خدومي وما بيقصر
FARES.. أكابر
ماذكرت أسماء طلاب أو طالبات دفعتي لأني بعرفن قبل المنتدى.. أما اللي ذكرتن فكلن تعرفت عليهن من خلال أو بسبب المنتدى.. وان شاء الله ما كون نسيت حدا.. الله يزيد ويبارك..
=======================
كتير انبسطت بمرورك وأسئلتك أخي.. بانتظار عودتك.. لك مودتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 402


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

09-03-2010 09:04 PM




أهلا وسهلا بالسيد تي باغ.. والله شرفت وآنست..
نسمي بالله لنجاوب عالأسئلة.. يارب



اقتباس
1- أنه أحلى صف مرء عليكي .؟

السادس والعاشر وأكيد الجامعة كلها باستثناء الفصل الماضي

اقتباس
2-  شي مرة هربتي من المدرسة .. أو فكرتي أنك تهربي ..؟

لا ما في هيك شي.. كنت الأولى عمدرستي   فمو حلوة بحقي.. يعني يمكن لو شافتني شي آنسة وأنا عم أهرب كانت وصلتني بإيدها لوين ما بدي لأنها ما رح تصدق إني هربانة.. رح تفكرني مضطرة عهالشي.. صدِّق أو لا تصدق.. ولو إنو مو هيئتي

اقتباس
3- بتابعي شي رياضة .. او بتمارسي ؟

متابعة لأ.. بس يعني إذا لقيت شي إلو علاقة بالسباحة وخصوصاً وقت الأولمبياد بتابعو.. أو شي مباراة سلة بين فرق محلية ممكن تابعها (بتعجبني فرقنا).. وكمان بتابع آخر مباراتين أو تلاتة من مباريات كأس العالم.. وزيادة.
أما ممارسة أي .. تقريبا كل أنواع الرياضات بما فيهن السباحة ما عدا كرة القدم 

اقتباس
4- شو رأيك بمنهاج الطلاب في سوريا . كثانوي .. وكجامعي .؟

بتلبقلو كلمة فاشل وبجدارة.. ولو إنو في محاولات لتحسينو والمعلومات اللي بيتضمنها قيمة جداً ومو قليلة أبداً.. بس بيحسنو قرنة وبينزعو عشرة.. وطريقة التدريس طالما رح تبقى نظرية وبس فسلامتك.. شو بدو يحكي الواحد.. الحمد لله على كل حال

اقتباس
5- شو رأيك بالجواز عن طريق الحب . وومكن تتجوزي عن طريق الحب .؟

أي ليش لأ.. بس بشرط.. يكون هالشخص يلي حاببتو وبدي اتزوجو هو خطيبي حصراً.. يعني ما بحبذ طريقة إني حب شخص غريب واتعلق فيه وبعدين ما صدق على ربي إيمتى يجي يخطبني واتنازل عن كتير شغلات كنت حاطتها ببالي كمواصفات محببة بزوجي.. لأ خليني ببيت أهلي معززة مكرمة.. وإذا ما عجبني واحد لأي سبب فالله بيبعت غيرو.. وبالنهاية الواحد ما بياخد غير نصيبو مهما طلع أو نزل.. لهيك خليه حافظ كرامتو عالأقل قدام نفسو وقدام الشخص اللي رح يرتبط فيه لاحقاً أحسنلو.. (يعني بالمختصر أنا مع خطبة الأهل بشرط يعجبني الشخص) هدا رأيي


اقتباس
6-مين أكتر الأعضاء بهالمنتدى لفت أنتبهاك .؟

كل عضو عندو مشاركات بتعبر عن فكر واعي بيلفت الانتباه.. وذكرت كتير أسماء بردود سابقة..
بس أول ما سجلت بالمنتدى اللي لفت انتباهي فوراً هو ريتشارد113 .. عندو لباقة عالية بالكلام.. الله ييسر له..

اقتباس
7- شو بتئولي لكل شخص بيعتبر أنه الصيدلاني .. عباره عن شخص سعره سعر السمان . فاتح محل وعم يبيع فيه .؟

   
والله يا أخي لما السمان بيجيه شخص وعندو حالتين من المرض وكل وحدة بدها دوا .. والدوائين مع بعضن لما بياخدن المريض وبيتسمم (وهدا أبسط مثال) ساعتها رح يعرفو العالم قيمة الصيدلاني وإنو 5 سنين دراسة ما راحت كب عالأرض... أي عم ندرس كل مادة الله مولاها وعم نهلك لنعرف كل شي بهالجسم ومرضو وعلاجو مشان تقلي سمان.. أصلاً شبو السمان.. والله بيسوى راسنا..
ارحمونا يعني .. إذا بدنا نمشي عهالمبدأ بيصير الدكتور لحام.. ومهندس الكمبيوتر لاعب أتاري .. وكل شي بيلتقالو فتوى.. وكل العالم على راسنا


اقتباس
8- ناوية تكملي بدراستك .؟

بإذن الله.. للتخرج

اقتباس
9-شو تغير عليكي  بعد مادخلتي الجامعة .؟؟

كتير شغلات..  متل معاملة العالم واستعدادها لسماع رأي بنت أصغر منهن (بتعرف مجتمعنا كيف بيتعامل مع هالناحية).. أو حتى تغير سلبي من بعض العالم (لما تدخل الغيرة بينعمى القلب)
الرفقات.. الحمد لله لقيت رفقات متل ما بدي.. طيوبين وأخلاقن عالية..
الانشغال.. صايرة دائماً وقتي مليان بين دوام ودراسة وشبعرفني..
حتى التعامل مع شريحة من المجتمع أكبر بكتيير من اللي كانت أيام المدرسة وبتحوي أجناس وأشكال وألوان من البشر أثر على شخصيتي وصار عندي مرونة أكتر بالتعامل مع العالم..

اقتباس
10- شو نوع موبايلك  ؟؟

N96 .. (( بس مدري ليش بايعيني ياه بهيئة 5200 Nokia))..

اقتباس
11- بتمشي مع الموضا .  ؟

ضمن المعقول واللبس المحتشم.. مو الصرعات ولبس المجانين والكاسيات العاريات..!!

اقتباس
12- كم ساعة بتئعدي عالأنترنت يومياً .؟

حسب المزاج والفضا.. يعني ممكن توصل لـ 3  أو 4 ساعات باليوم الواحد.. وممكن ما اقعد أبداً يومين أو تلاتة..

ما شاء الله عليك تي باغ .. حضورك مؤنس متل أسئلتك..
تحياتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 403


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

09-03-2010 09:07 PM




هلا وغلا بالأمورة هديل.. أي شو هالأسئلة هي.. والله متوصية فينا تمام..
نبلش باسم الله



اقتباس
أنتي مع أو ضد استقبالك بالمقلاية الكريمة؟

مع بس رجل لورا ورجل لقدام

اقتباس
مع أو ضد فكرة الاختلاط وإقامة صداقات بين الشاب والفتاة؟

ضد

اقتباس
مع أو ضد الحياة عالنت تختلف عن الحياة الواقعية؟

ضد

اقتباس
مع أو ضد فكرة "الصاحب ساحب" ؟

مع وببصم بالعشرة

اقتباس
مع أو ضد فكرة إنو البنت دائماً مطموع فيها والكل بيستناها عالنكشة ليقدروا يستغلوها؟

مع.


أنا بنت --رايئة--- و ---هادية---- ولكني بالمقابل -------متسرعة بأحكامي---

لو رجع فيني الزمن لورا كنت بغير -----جوابي بسؤال بمادة التاريخ بالفحص النهائي صف التاسع----- وبساويه --------بنتبه إنو بدن نتائج الحرب (يمكن) مو شروط الاتفاقية (5علامااات)-----

أكتر شي بحبو بالمنتدى هو ----الحوار مع أعضاء أكابر بيحفرو موقعن بذاكرتك والمواقف الحلوة والمفاجئة أحيانا اللي بتصير------ بس كتيير بكره فيه شغلة --------الخنايئ وتسميع الحكي من تحت لتحت والتطبيييق ----

أكتر كلمة ندمت عليها بحياتي هيي ______كلمة قلتها لشخص مريض وكان عمري بحدود 12 سنة.. مفكرة حالي عم هون عليه مرضو بس من غبائي وبسبب الكلمة يلي قلتها خليتو يبكي .. وكانت نتيجة هالمرض هو الموت.. والله ما رح اقدر سامح حالي عهالكلمة لموت____

رفعت من موادي بالفصل الأول -----6----- مواد, وحملت ----0--- والحمد لله




اقتباس
شو رأيك بالمشرفين بالمنتدى بكل صراحة ؟؟

بكل صراحة .. والله أكابر ومحترمين وبيعرفو كل كلمة وين تنقال.. يمكن في شخص واحد انصدمت لما تعين مشرف وحسيتو مو خرج ((وخصوصا إنو ساحتو فيها أكتر من مشرف)).. بس يمكن أنا غلطانة.. والله أعلم.. بس ما بظن إنو واحد بحنكة ياسرنت وذكاؤه رح يغلط بخصوص اختيار المشرفين

اقتباس
لو كنتي مشرفة شو أول شي بتعمليه ؟؟

إذا شي يوم فتت عالمنتدى ولقيت قدام اسمي مشرفة.. بسكر النت وبحمل حالي وبطلع سيران .. وبشغل حالي بشو ما كان وهييييك لحتى تطمني بلسمو إنو انقامت هالكلمة من ناح اسمي..
شو رأيك.. تروحي معي؟..


اقتباس
وان شاء الله الي رجعة لأنك بتستاهلي انو عبرلك عن حبي لمدة اسبوع كامل 

أهلا وسهلا فيكي هدول خانم بتشرفي وبتنوري بأي وقت     ..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 404


FAHED

عضو ذهبي


::.الدين لله والوطن لله وكل شيئ لله.::




مسجل منذ: 13-02-2008
عدد المشاركات: 2710
تقييمات العضو: 158
المتابعون: 147

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 03:45 PM





السلام على من اتبع الهدى ورحمة الله

بسم الله.. وماشاء الله.. ولا حول ولا قوة الا بالله..وعين المولى تحرسنا..

بسم الله..عهالاسئلة

وماشاء الله .. عهالأجوبة

ولا حول ولا قوة الا بالله... عكل شي

وعين المولى تحرسنا.. قولو آمين

بصراحة ماقدرت ما شارك..ما بعرف ليش..؟؟

عكلن

هي الحجة نهى بالمقلايــة

أي مية أهلا وسهلا ..وتلات رباع المرحبا..ونص حي الله..

ديرولنا بالكن عليهــا  ..

مابيعرف المر غير الي داقو..(هاد مثل إبداعي )

.. الله يسامحك يا ماجد  عهالاستفقادة.. شو رأيك ترجع تعمل معي  اسبوع جديد

حاكم بعد كم يوم حأطلع بطل قومي.!!!   هيك حاسس..


عكلن.. كوني بعرف انو كل واحد بيسأل سؤال.. شاء ام أبى .. بيجوز يسمعلو كم كلمة

أو حتى زكر اسمو بنرفزة .. ومو حابب يصيرلي هالشي ..

حأكتفي بسؤال واحد فقط.. ومو مشكلة شو ما بيصير...

السؤال كالتالي:

كلنا منعرف أنو هالحياة دار ابتلاء ..ولكن رغم هيك.. شو هالشيء المريح

بهي الحياة..؟؟

نص سؤال ..سمحولنا فيه.. بتمنى الجواب بصراحة (هو بيخصني.. بس لأني بعرفك صريحة

فحبيت أسألك هالسؤال)

فهد حاطط حالو بقالب جامـد.؟؟ أي او لأ .. مع التعليل..

...........................................................................

دمتِ برعاية المولى وحفظـــه




((..اللّهم أنت أعلم بي من نفسي وأنا أعلم بنفسي منهم...
اللّهم اجعلني خيراً مما يظنون واغفر لي ما لا يعلمون..
ولا تؤاخذني بما يقولون
..))


أنت غير مسجل لدينا.. يمكنك التسجيل الآن.

مشاركة : 405


انسانة فضولية

عضــو ماسـي


.. You Melted My Heart Away With Your Smile ..




مسجل منذ: 23-10-2008
عدد المشاركات: 3115
تقييمات العضو: 0
المتابعون: 25

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 04:18 PM




متل ما قال فهد


اقتباس
بصراحة ماقدرت ما شارك..ما بعرف ليش..؟؟


السهرة عم تحلى مع سماع أجوبة من انسانة شفت أنها مثقفة و واعية و حبابة , محبوبة من رفقاتها و ظريفة

عكل مالح زيد عليكي بس حابة اسأل كم سؤال    ما بقدر مر بلا ما أترك بصمة 

الحياة شو بتعنيلك بحلوها و مرها ؟؟ و بأصعب الأوقات و لما تكوني كتير ضايعة لمين بتلجأي غير ربك ؟؟ لانسان برأيك ممكن يساعدك و يعطيك النصيحة يلي بتحتاجيها و يوقف معك ؟؟

الضعف ببعض الأوقات شو تعريفه بالنسبة ألك ؟؟ و كيف ممكن تتجاوزيه ؟؟

لو معك وردة لمين بتفكري تهديها غير ماميتك الله يخليلك ياها و أختك (( لأن المحبة واضحة و الله يديمها عليكم )) ؟؟

الرومانسية شو تعريفها بحياتك ؟؟ و أديش نسبتها ؟؟

شو مواصفات الشخص يلي ممكن ترتبطي فيه ؟؟ اذا ما في مشكلة طبعا أنك تذكريها 

ايمتى بتكوني بأحسن حالاتك ؟؟ و شو الشي يلي بيخلي نهى مبسوطة كتييييييييييير (( بقصد غير أنه قايمة بواجباتك تجاه ربك على أتم وجه أو بالنسبة لأهلك يعني هالشي شي أنجزتيه فشو بيكون )) ؟؟

هاد يلي طلع معي حاليا و بصراحة متابعة الأسبوع من أوله معك يعطيكي العافية شفافية أجوبتك خلت الموضوع يحلو 

يللا برجع بعدين

سلامااااااااات 







أنا امرأة لا أنحني إلا في صلاتي ..

و لا أصمت إلا عندما تنعدم كلماتي ..

و لكن احذروا عندما أبدأ في انفعالاتي ..

فلا يهمني شئ سوى أن أنهي مأساتي ..



   


أغار عليك من قطرات المطر .........فكيف لا أخاف عليك من نظرات البشر !!!....


أنت غير مسجل لدينا.. يمكنك التسجيل الآن.

مشاركة : 406


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 09:56 PM




وعليكم السلام ورحمة الله وبركاته .. أهلا وسهلا ومية مرحبا بالسيد المحترم فهد.. والله أشرقت الأنوار


اقتباس
بسم الله..عهالاسئلة

وماشاء الله .. عهالأجوبة

صلي عالنبي أخي مشان ما تروح بركتن..

اقتباس
بصراحة ماقدرت ما شارك..ما بعرف ليش..؟؟

ما أحلاك وما تشارك! .. ولو يا بيك.. توصينا فيك عالمزبوط..

اقتباس
حأكتفي بسؤال واحد فقط.. ومو مشكلة شو ما بيصير...

خود راحتك .. وما بيصير إلا كل خير.. شبنا أخي.. اسأل شو ما بدك ونحنا جاهزين وبالخدمة


اقتباس
كلنا منعرف أنو هالحياة دار ابتلاء ..ولكن رغم هيك.. شو هالشيء المريح بهي الحياة..؟؟

لما بيكون بقلبك في يقين إنو كل ابتلاء رح تاخد من وراه أجر وثوابك مخبى لك للآخرة – متل الولد اللي أهلو بياخدو منو مصاريه وما بيخلوه يصرفن إلا شي قليل فبيزعل.. بس لما يكبر شوي بيكتشف إنو كانو عم يصمدو له ياهن وبيشترو له فيهن شي شغلة محرزة (تشبيه صغير)-.. وإنو كل شي عم يصير 100% لمصلحتك سواء ظهرت أو لأ.. هالشي عنجد بيريحك بكل حياتك.. وأحلى شي لما الواحد بتصيبو شي مصيبة وبيقول "اللهم عندك أحتسب مصيبتي فأجرني فيها واخلف لي خيراً منها".. وبيقيم كل شي عن بالو.. وفوراً ما بيلاقي إلا إجاه العوض.. سبحان الله.. والله هدا أكتر شي مريح بهالدنيا المليانة هم وغم..
وفي شغلة تانية ..  "مافي شي مستاهل... ما في شي حرزان".


اقتباس
فهد حاطط حالو بقالب جامـد.؟؟ أي او لأ .. مع التعليل..

يلي بيشوف كلامك و ردة فعلك على شي نقاش لأول مرة بيفكر إنو الجواب أي.. بس الحقيقة إنو الشي الظريف فيك إنك بترجع بتفكر بكل الكلام وبتتقبل النقد وبتحاول تحسن حالك وإذا كنت غلطان بشي بتعترف فيه وبتحاول تصلحو إذا لقيت طريئة توصلك للأفضل.. وعلى هالأساس بيكون جوابي لأ
وأنا لمست هالشي من خلال أكتر من حوار صار بيني وبينك.. وفعلاً ما شاء الله عليك ..  إنسان محترم وراقي جداً.. 
وأكيد ما حإنسى مساعدتك إلي.. الله يجزيك الخير.. 
*************************************
إهلا وسهلا فيك بكل وقت .. تونسنا بمرورك.. وأمانة إذا خطر عبالك شي سؤال لا تتردد.. طور مهاراتك بالقلي .. مع إنو مالي حاسستها لا قلي ولا شي..
بحفظ المولى

 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 407


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 10:07 PM




مسا الخيرات والليرات فضولية خانم.. والله ياغالية السهرة عم تحلى بوجودك ووجود ناس متلك ظراف وطيوبين
ويا هلا فيكي وبأسئلتك وببصماتك
أسئلتك بتحتاج إنو الواحد ياخد نفس قبل ما يبدا .. يللا باسم الله


اقتباس
الحياة شو بتعنيلك بحلوها و مرها ؟؟ و بأصعب الأوقات و لما تكوني كتير ضايعة لمين بتلجأي غير ربك ؟؟ لانسان برأيك ممكن يساعدك و يعطيك النصيحة يلي بتحتاجيها و يوقف معك ؟؟

الحياة بحسها مغامرة .. فيها الصعوبات بس بالمقابل فيها روعة الاكتشاف ولذة الوصول للأهداف.. وخاصة بوجود ناس بيساعدوكي وقت تزلقي أو تحتاجيهن.. وبدك تعرفي تستخدمي الأدوات اللازمة لهالمغامرة.. وحتى بدك تجازفي باتخاذ بعض القرارات الصعبة.. (موضوع تعبير .. ما تواخذينا).. 
بأصعب الأوقات.. يعني حسب هالوقت وصعوبتو.. إذا بشي كتير حساس لأمي.. إذا شي لازمني فيه النصيحة لأختي.. وإذا للفضفضة والحكي وللاقي حدا يستحملني لرفيقتي (بلسمو أو نور(مو من المنتدى))... بعرف إني عم عيد نفس الأجوبة (أمي.. أختي.. رفيقتي).. بس لأنو عنجد ما بحب كتير دخل أي حدا تاني بأموري الصعبة أو مشاكلي..  يعني غالباً بالأمور العادية مستعدة احكي أي شي قدام أي حدا.. أما غير هيك بحب الكتمان.. وحتى إذا أمور بتخص مشاكلي وبدي فيها نصائح غير اللي أخدتها ممكن إني حور القصة واحكيها قدام أي حدا حكيم ليعطيني النصيحة.

اقتباس
الضعف ببعض الأوقات شو تعريفه بالنسبة ألك ؟؟ و كيف ممكن تتجاوزيه ؟؟

بحس بالضعف لما بيكون في شي واضح إنو غلط أو ظلم ومالي قدرانة أعمل شي.. أو إذا بدي احكي شي رح اخرب بيتي بإيدي فبتم ساكتة.. وحالة تانية لما بكون مشتاءة لشخص ومستحيل شوفو.. 
هلأ ممكن إذا كتير استفحلت الحالة معي إني ابكي .. وبعدها برجع لطبيعتي.. وخصوصا إذا بكيت قدام حدا ونادرا ما أعملها.. بستحي من حالي ..  وغير هيك (ما رح قلك إني بقرأ قرآن وبمسك حسبي الله لا إله إلا هو عليه توكلت وهو رب العرش العظيم .. ولو إني فعلاً هيك بعمل) بس بحاول اشغل حالي بشي بيسلي.. وكتير أحيان بطلع من هالحالة بإني قنع حالي إنو فخار يكسر بعضو.. وبقول لحالي حاجتك مقت.. وهيك

اقتباس
لو معك وردة لمين بتفكري تهديها غير ماميتك الله يخليلك ياها و أختك (( لأن المحبة واضحة و الله يديمها عليكم )) ؟؟

لأبي.. 
و
لستي أو لجدي.. بيلبقلن الورد كتير   

اقتباس
الرومانسية شو تعريفها بحياتك ؟؟ و أديش نسبتها ؟؟

بحسها صفة حلوة كتير وخاصة بالبنات.. ويمكن هيي سبب رقة قلبن وتعاطفن مع كل شخص نازلة دمعتو (ولو كان كاذب)..  هلأ ما رح آخد المعنى التاني للرومانسية يلي عند البعض هو حب الحب والحبيب وشبعرفني لأنو بصراحة ما بتخرط مشطي هالقصص وكل شي خارج نطاق الخطبة والزواج أنا ما بعترف عليه
نسبتها.. فيكي تقولي 85%

اقتباس
شو مواصفات الشخص يلي ممكن ترتبطي فيه ؟؟ اذا ما في مشكلة طبعا أنك تذكريها
 
   
احم.. طيب.. لعيونك فوفو خانم.. منذكرها (وللعلم أنا طالبتها من ربي)..
بالشكل: طويل (مشان التوافق يعني)ومو سمين.. والمهم إني اتقبل شكلو وما ارتعب منو ومو شرط غيري يلاقيه حلو.. وحتى ما بدي يكون حلو كتيير (مشان ما يكون أحلى مني من جهة ومن جهة تانية مشان النسواان).. بس هيك
الصفات التانية: بيخاف الله.. أخلاقو حلوة.. دارس كلية.. لطيف.. ما بيدخن..
وأهم شي إنو يعجبني وارتاحلو.. يعني ممكن يجيكي واحد بأحسن من هالمواصفات وما ترتاحي له..

اقتباس
ايمتى بتكوني بأحسن حالاتك ؟؟ و شو الشي يلي بيخلي نهى مبسوطة كتييييييييييير (( بقصد غير أنه قايمة بواجباتك تجاه ربك على أتم وجه أو بالنسبة لأهلك يعني هالشي شي أنجزتيه فشو بيكون )) ؟؟

بأحسن حالاتي.. لما كون متقلة بالجرعة  ..وهيكه بكون مزهزهة.... 
طيب لنحكي جد..
الصبح.. بفيق راايئةةة وفعلا بكون بأحسن حالاتي .. أو حتى لما منكون بشي سيران وحوالينا طبيعة حلوة بحسو شي بيروء الدم..
الشي يلي بيخليني مبسوطة بالوقت الحالي لما خلص الترجمة.. (ما عجبك هالجواب مو؟)
طيب.. لما يكون في شي تحدي (سواء بالكلام أو بالفعل) واقدر اتغلب على عدوي اللدود   
أو لما اقدر ازرع الأمل بنفس يائسة.. والله شعور ولا أروع.. 

ماشاء الله حولك يا فضولية.. يعني لحد الآن أسئلتك نالت الجهد الأكبر بالإجابة..
واللي خلاني اضحك من طريقة سؤالك هو كأنك عم تقوليلي (بلاها المشيخة).. بس والله ما عم احكي مشان اتفزلك.. بس هي شخصيتي.. وحتى ناقصني كتيير .. بس منقول الله يهدينا..

الصراحة.. انبسطت كتير بأسئلتك وبرفقتك..  ومرورك هو اللي خلى الموضوع يحلو 


اقتباس
يللا برجع بعدين

بانتظارك آنستي
مع تحياتي المعطرة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 408


*Nilma*

عضــو فضـي

أشــتــاق لابتـــسامتـــك يـــا شــــام




مسجل منذ: 24-08-2009
عدد المشاركات: 1174
تقييمات العضو: 29
المتابعون: 15

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 10:18 PM




صباح الخير بالليل لأحلى نانون

متل ما زكرت قبل يمكن معرفتي فيكي بس من خلال الردود بس انا عم تابع اسبوعك

من أولو وكل يوم بيزيد اعجابي بشخصيتك وأفكارك ما شاء الله عنك يا نهى

سؤال صغير وبوعدك انو رح ارجع كمان لانك عن جد بتستاهلي الاهتمام
....



انتي بتحكمي على عضو من اعضاء المنتدى من خلال ردودو ولا بتستني حتى يصير

في تواصل أو حديث بينكن ؟؟ يعني باختصار برأيك صحيح انو نحكم على عضو من خلال

ردودو ؟؟؟


.....


بدي اسألك شو أكتر سؤال اتلبكتي لما قرأتيه لهلأ من بين الاسئلة ؟؟

أو أكتر سؤال أزعجك ؟؟



....


الي رجعة  



أنت غير مسجل لدينا.. يمكنك التسجيل الآن.

مشاركة : 409


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

10-03-2010 10:46 PM




صباح الخيرات هديل الأمورة..
والله خجلتيني بكلامك الحلو.. الله يكرمك يارب.. وبتنوري بأي وقت بتشرفينا فيه..


اقتباس
انتي بتحكمي على عضو من اعضاء المنتدى من خلال ردودو ولا بتستني حتى يصير

في تواصل أو حديث بينكن ؟؟ يعني باختصار برأيك صحيح انو نحكم على عضو من خلال

ردودو ؟؟؟

هلأ إجمالا نوعية الردود والمواضيع يلي عم يرد عليها الشخص بتعبر شوي عن شخصيتو .. وحتى طريقتو بالحكي إلها تأثير بتكوين فكرة عنو.. وغالباً بحكم عالعضو بشكل مبدئي من خلال هالشي.. وما بيهمني إذا كان صدق ولا كذب لأنو طالما ما عم اتعامل معو فما بيهمني كيفما كانت شخصيتو الحقيقية تكون .. المهم إنو ما عم يئذيني..
وإذا صدفت وصار شي تواصل غير الردود ساعتها يا بتترسخ الفكرة القديمة أو بتتغير نهائياً.. وعلى أساس الفكرة الجديدة بتعامل مع هالشخص..


اقتباس
بدي اسألك شو أكتر سؤال اتلبكتي لما قرأتيه لهلأ من بين الاسئلة ؟؟

أو أكتر سؤال أزعجك ؟؟

إزعاج .. الحمد لله ما في هيك شي أبداً.. بالعكس والله كل الأسئلة متل العسل..
لبكني سؤال فضولية

اقتباس
الضعف ببعض الأوقات شو تعريفه بالنسبة ألك ؟؟ و كيف ممكن تتجاوزيه ؟؟

وسؤال بلسمو ..

اقتباس
شو أكتر موقف انصدمتي فيه بحياتك؟
لأني ما كنت لاقيلو جواب.. ولو إنو مبارح صار الجواب.. وفاة ابن جيراننا وهو شب وما فيه البلا بس نام وما فاق.. وفوق هيك وحيد.. عنجد انصدمت بهالخبر


اقتباس
الي رجعة

بانتظارك هدوول
سلاماتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 410


طوق الياسمين

عضو ذهبي


يا رب...




مسجل منذ: 11-09-2008
عدد المشاركات: 2853
تقييمات العضو: 36
المتابعون: 150

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

11-03-2010 06:24 PM




مسا الخير 

الأخت و الزميلة نهى 

للأسف معرفتي الشخصية بنهى قليلة شوي . لهلء ما اجتمعنا جمعة متل العالم دائماً حدا فينا مستعجل 

من خلال المنتدى كونت فكرة عن نهى بأنها بنت ظريفة و يمكن جدية 
بس اللي لاحظته من خلال ردودها بهالأسبوع إنها بنت لذيذة و مرحة و خفيفة دم و بصراحة زاد احترامي لها . شخصيتك حلوة و آرائك عجبتني كتير 

ما شاء الله الأعضاء متوصين فيكِ توصاية غير شكل 
فما رح طوّل عليكِ بس ما قدرت ما شارك 

شو تعريفك للسعادة؟

شو موقع الأحلام بحياتك؟؟

حسيت اول مرة شفتك فيها إنك اتفاجأتي . يا ترى هالشي صحيح ؟؟ و إذا اي شو الشي اللي فاجأك ؟

صحيح تذكرت كان بدي علّق على وصفك لرنا    الله يعينك شو بده يصير فيكِ 

بتمنى لكِ التوفيق بحياتك و إن شاء الله بتحققي كل اللي بتتمنيه


   





بسم الله الرحمن الرحيم
"  وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3)"


{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
صدق الله العظيم


ربِّ .. يقولونَ أنَّ حلمي مستحيل..  وأنا أصبحُ وأمسي على يقين.. أنكَ على كلِ شئٍ قدير.





أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 41 من 76 <- 39 40 41 42 43->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة