رد مشاركة : اسبوعا لكل عضو نعبر فيه عن حبنا....
والله مالي عرفانة شو بدي قول.. عنجد خايفة يصير لي شي من الفرحة.. كل الحبايب هون .. الله لا يحرمني منكن .. 
ويا ملايين الأهلا والسهلا والمراحب.. أي شو هالطلة البهية نسرين خانم 
.. والله لو طالبة من ربي مليون ليرة وإجوني ما كنت فرحت قد ما فرحت بوجودك.. بتعرفي إنك من أكتر الناس اللي حبيتن وحبيت شخصيتن والتعامل معن.. ما شاء الله عليكي.. ((زبدية صيني)) 
حتى بقلي الورود شاطرة 
. شو بدنا أحلى من هيك قلي..
اقتباس
1- شو حكمتك بالحياة قبل الجامعة وبعد؟؟
يا جبل ما يهزك ريح... هي بعد ما دخلت عالجامعة
"لا يؤمن أحدكم حتى يحب لأخيه ما يحب لنفسه".. وهاد الحديث قبل وبعد..
وما في شي مستاهل .. ما في شي حرزان .. بكرا كل شي رايح .. نيال الرضيان.. هي طبعا مو حكمة.. بس أنا هيك بعتبرها.. يعني بتستاهل تكون مبدأ.. كمان قبل وبعد الجامعة
اقتباس
2- صديقتك الحقيقية لقيتيتها بالجامعة أو المدرسة أو مكان تاني؟؟ وهل ممكن تحكي كل أسرارك لرفيقة عزيزة؟؟
بالجامعة... وقبلها كانت ومازالت أختي
مو كلها لكن أغلبها حتى ولو عظمت.. يعني الأسرار اللي بتتعلق بعيلتي ما بحكيها لرفيقتي.. والعكس بالعكس..
اقتباس
3- وين بتلاقي يحالك بعام 2020؟؟ ما رح حط احتمالات بدي أعرف تخيلاتك...
أيوااا.. تسلملي عينك عهالسؤال.. بدها صفنة..
بمنزل الزوجية السعيد.. وأنا ورا المجلى .. ومعلقة شهادتي فوقو. ودموعي عم تشر لحالها
وأنا عم اتطلع عليها واتحسر على عمري وين روحتو..
......
أوعك تسدئي هه.. هلأ بعد 10 سنين بتوقع إني كون متزوجة وعندي ولدين مثلاً.. وفاتحة صيدلية بفتحها وبسكرها على مرائي
(ملا صيدلانية).. وما بعرف من هون لوقتها شو بيصير.. صحي إني بفكر بالمستقبل بس ما بشطح كل هالئد بالسنين.. والله أعلم.. هاتي ينكتبلنا عمر لوقتها.. بس لما الواحد يفكر هيك ويلاقي إنو عالأغلب بيكون ما أنجز شي غير التخرج.. يعني بيحس بالإحباط شوي..
اقتباس
4- يا ترى أنتي مع فعل الخير وقول الصدق حتى لو بيضرك؟؟
والله حسب هالفعل وقيمتو والمضرة وحجمها.. يعني إذا هالفعل كتير مهم أي ممكن إني أعملو ولو على حساب مصلحتي.. أما إذا مو بهالأهمية ورح يجيني من وراه ضرر كبير فلا يكلف الله نفساً إلا وسعها..بلاه أحسن.. وكمان إذا كان هالفعل مو كتير كبير والضرر بيقتصر على شي بسيط (متل التعب أو انشغال الوقت مثلا) كمان ممكن ساويه..
اقتباس
5- هل بتاخدي فكرة عن الأشخاص وتتعاملي معهم على أنهم طيبين حتى يثبت العكس أم العكس؟؟
غالباً بتعامل معهن إنن طيبين (الله وكيلك وكأني بالمدينة الفاضلة).. باستثناء حالة وحيدة .. وهيي وقت يكون هالشخص ذاتو مو مريح.. يعني مو بإيدك بتحسي إنو فيه شي عم يدايقك بالتعامل معو.. ومع هيك بخلي احتمال ولو بسيط إنو إلا ما يكون فيه الخير... طبعاً حتى يثبت العكس..
اقتباس
6- شو أكتر صفة سيئة فيكي باعترافك؟؟ وأكتر صفة بتنقدها فيكي أمك؟؟
باعترافي.. إني متسرعة بأحكامي .. وغالبا اللي بقلبي ع راس لساني (مو دائما وإلا بيصير اسمو غباء)
صفة بتنتقدها أمي.. إني مو كتير اجتماعية.. يعني مو دغري باخد وش عالعالم.. وإذا خيروني بين مشوار فيه عالم كتير وعجقة وبين القعدة بالبيت لحالي بختار البيت
-----------------------------------
اقتباس
1- شو أكتر مادة حبيتيها بالصيدلة؟؟
تكنولوجيا الصيدلة.. كيمياء تحليلية.. أمراض.. وتاريخ الصيدلة
اقتباس
2- كم مرة قلتي يا ريتني فتت ----- وما فتت صيدلة؟؟
كنت قولها بأول الفصل الأول بالسنة الأولى كلما شوف بنت جيراننا اللي هيي طالبة هندسة معلوماتية (وهي كانت رغبتي) وتحكيلي عن المشاريع اللي بيساووها وشبعرفني.. بس بعدين ... لا هندسة ولا غيرو.. صيدلة وبس وبالباقي خس
..
اقتباس
3- هل دخلتي هالفرع رغبة شخصية ومحبة؟؟ أم مجموعك ما جاب غيرها وما حلوة تفوتي فرع علامتو أقل؟؟ أو أهلك جبروكي؟؟
مو قصة ما جاب غيرها.. كنت بقدر فوت طب.. بس أكيد مو رغبتي.. من بعد إذنك رح انسخ لك رد سابق لأنو انسألت نفس السؤال..
اقتباس
الصراحة أنا كنت راغبة بهندسة المعلوماتية بالدرجة الأولى أو فروع تانية بس ما ثبتت عليهن.. بس اللي صار إنو ما حدا نصحني بهالفرع.. حتى دكتورة بهالكلية قالتلي والله ما بدك ياها.. وكانت هي الكلمة المقنعة.. يعني إذا الدكتورة هيك عم تحكي أصبح عنجد مو نصيحة.. وصاروا هالعالم كلما حدا يشوفني يقلي والله الصيدلة أحسن شي مع إني كنت قول من قبل "بدرس شو ما كان ما عدا الطب والصيدلة".. بس سبحان الله نصيبي.. عملت استخارة وقتها وسجلت ومشي حالنا والحمد لله.. حالياً بعشق الصيدلة.. مو بإيدي.. بحبها بكل شي فيها.. ورغم كل غلاظاتها بس بحبها وبستمتع مجرد إني اقعد فيها (وخصوصاً بالطابق صفر).. ولو رجع الزمن وخيروني ما بختار غيرها.. عنجد نعمة تستأهل الحمد..
---------------------------------
اقتباس
1- لما شفتي (golden pill) لأول مرة:
تفاجأت شوي.. بس كان الانطباع الأول إنو "مبينتها جدية متل ردودها".. يعني بين المفاجأة والتوقع سوا.. يعني ما بظن حدا شاف حدا للمرة الأولى وما تفاجأ... أي شو عقولنا أقمار صناعية؟.. بس يعني شو هي ما بيهمني؟
.. الله يسامحك عهالحكي.. والله ما حبيتا منك
بس اللي بدي قولو إنو إلي الشرف بهالمعرفة المميزة.. ومن رضى ربي إنو تعرفت عليكي وعلى أمثالك.. (كمان ما مننسى أفضال الحجة نور الهداية)..
اقتباس
كل هالأسئلة ومفكرة أنو ما رح لاقي شي كلو انسأل كيف لو أنا أول وحدة نزلت فيكي قلي....
كنت انبسطت أكتر وأكتر.. إنتو الأصل ولو.. وبتومني عهالرقبة خانم
اقتباس
ديرولنا بالكن عليها هااا.....هي غاليتنا
والله إنتي الغالية..
يعني شو بدي أكتر من هيك.. عنجد فيني قول إنو وصلني حقي من عنوان الموضوع.. وعنجد الله يخليلي جماعة الصيدلة من كبيرهن لصغيرهن..
نورتي نسرين.. لا تحرمينا من إنسك..
ان شاء الله منشوفك عن قريب
اسبوعا لكل عضو نعبر فيه عن حبنا....
.. والله متمنية شي يوم تزبط.. وحتى هداك اليوم شفتك من بعيد وكنت جاية لعندك لسلم عليكي بما إنو كان عنا فراغ .. مالقيت غير رفقاتي شدوني بسرعة وقال في شغلة ضرورية كتير.. وشي خلصت رجعت ومالقيتك... مالي نصيب.. 
)... بس يومها بالذات كان عندي فحص عملي طفيليات بعد شي ربع ساعة.. وكنت مصدومة بحياتي 
.. ولييش .. مشان ما تخسر المرضى.. وفوق هيك تعب المواصلات) تغير رأيي.. يعني فعلا إنو البنت راحتها ببيتها والتعب اللي بدي اتعبو برات البيت عيلتي أولى فيه.. إلا بئى إذا كان في حاجة لشغلي أو إذا تحققت شي ظروف عمل مناسبة ومريحة.. الوضع بيختلف.. يعني بالنهاية هي القصة كلها توفيق بحت من المولى..
.. (كانت باطلة ومحولة هديك الساعة 
..)