بالبداية شكرا ع الموضوع

أما بالنسبة لسؤال الأنسة sara phy  فبوجه الكلام الها وبقلها ,
أختي الكريمة بماا انك قلت البنت المنفتحة فهاد شي طبيعي
تكون بنت جريئة في التعامل مع الغير هاد اذا كان قصدك بالانقتاح
المعاملة مع الآخرين بحرية ضمن ضوابط الأدب و الالتزام بالاخلاق
هاد من وجهة نظري............

أما سؤالي للبنات شو نظرة البنات للشاب الملتزم و يلي ما بيحاكي بنات...........؟؟؟

اولاً أريد أن أشكر دموعة على الموضوع المميز فعلاً

أما بالنسبة لسؤال الإخت سارا

البنت المنفتحة الكل بيحبها و يفضلها على غيرها بدون شك
البنت يلي قد حالها ؟؟؟؟ يعني إذا كان هاد الشي ما يمس حياءها
وما يفقدها أنوثتها و عاطفتها .... أوكي
أما إذا كان الجرأة تمس هالإمور ... لالالالالالا
أما البسيطة التعامل .. يعني قد حالها و بسيطة ... أوكي
يعني ما تكون متكبرة .....

وين تنلاقي بنت تجمع كل هالصفات
بس أهم شي تكون ابنت واعية

سؤالي :
البنت أي نوع من الشباب بتحب
1-بتحب الشاب ياي يكون على الموضة يلبس تياب صرعات و فري لأبعد الدرجات

2-أم تحب الشاب المتزن الجدي الذي يرى نفسه تخطى ملرحلة الصرعة

3-يا ترى ممكن الشب يوافق بين هي الحالتين

أي شاب تفضلين 1 أم 2 أم 3

علوووووووووووووش

هاي شباب وصبايا

بالبداية بدي جاوب على سؤال القناص

بصراحة نظرتي للشب الملتزم زيادة عن اللزوم وقابضها جد كتير وما بحاكي البنات

أكيد بنظري انسان معقد وصعب التعامل معه

أو النقاش فأنا اذا شفت هيك شب فورا ببعد عنه وهي أكيد مو بس نظرتي نظرة أغلبية البنات

أما اذا كان شب بيعرف الله ومحترم وملتزم بدينه وبنفس الوقت بقدر ناقشه ويناقشني

من دون مايقمعلي رأيي أو يعتبر حكيي معه غلط هالشب كتير بحترمه

وأما سؤال بيولوجي

أنا لابحب الشب يلي كتييييييييييير صرعة ولابحب الشب الجدي كتير

يعني مافي أحلى من التوازن سواء من الشب أو البنت

يعني يلبس بشكل أنيق من دون مبالغة ويكون بنفس الوقت فهمان وما تغريه المظاهر

هلأ سؤالي للشباب

شو نظرتكن للبنت يلي بتعترف بحبها لشب بصرااااااااحة

حابة أعرف الجواب فضوووول

killer eys

ليش ولي علي على هالسؤال

سؤال كتير عادي وانتي كمان عجبك لاتنكري

يلة ياشباب شو دقرتو عند الجواب

مرحبا شباب و صبايا

بتمنى تكونوا بخير و سلامة

أما بالنسبة لسؤال الآنسة golden rose فأنت يا آنسة إنسانة جريئة جدا و

بتستاهلي الإحترام و التقدير فأجمل شيئ في الحياة هي الصراحة و التكلم بكل

حرية و طلاقة بغض النظر إن كان الشخص أنثى أو ذكر لأنو هذا الشيئ بريح

الأمامك كتير خاصة إذا كان الشب كمان بحبها بس لازم تقيسي النبض أول قبل أي

قرار أو  كلام بيخرج منك

البنت اللي بتعترف بحبها بترتفع بنظري لأنو هي تجرأت تعمل شي يمكن انا ما اتجرأ أعملو..
و هاد الشي بيدل على تفهم و رحابة صدر و كسر للحواجز و خاصة حاجز المبادرة تجاه الطرف الآخر..
بس طبعا هاد الشي بحدود..

سؤالي للبنات..
شو رأيك بمزاولة البنات لأعمال بيطغى عليها الطابع الرجولي؟؟

مرحبا حابب جاوب على سؤالك شو رأيي ببنت بتصرح بحبها لشب

و الله على هوا البنت يعني ممكن كون أنا معجب بها البنت أو بحبها أساساً و مصرح بها الشي
و مستني منها بس تقول بحبك

و بخصوص إذا مافي شي بيني و بين ها البنت فهاد بيعتمد على شغلتين
الشغلة الأولى هي البنت بحد ذاتها : يعني على حسب البنت شلون أخلاقها و شلون دينها لأن أنا ما بحب لأتسلى , أنا ممكن حب لأتزوج أو لأرتبط بعبارة أخرى (الحب مو لعبة )

الشغلة التانية هي طريقة طرح الموضوع : يعني إذا في بنت حابة شخص معين بجنون إذا كانت ذكية هي يلي بتخليه يقلها بحبك قبل ما تقلو هي

و متل ما ئلت أهم شي أخلاق و تصرفات البنت

شكرا



هلأ بالنسبة لسؤالي :
شو رأيك إذا كان في بينك و بين شب علاقة حب متفق عليها للزواج و كان إلك أصدقاء بنات و كان ها الشب في خلاف كبير بينو و بينهم و ما بدو ياهم فشو بتختاري أنو تتركي رفئاتك و ما تخليهم يدخلو بشؤنك الحياتية  و تكملي حياتك مع ها الشب يلي رح يتزوجك
و لا بتضحي بالشب و تختاري رفئاتك مشان مشاكلو معهم


يا ريت تجاوبوا بصراحة