اول شي شكرا دموعة على الموضوع

انا بحترم البنت الي بتعرف بحبها لشب بس يكون هاد الشب بحبها كمان

والتنين واعيين وجديين
هي البنت مميزة لانها بضحي بكل شي كرمال حبيبها وبتستاهل من الشب يضحي كرمالها

لانو بكونو وصلو لدرجة من الوعي بعيد عن الاسرار والالعاب

سؤالي للبنات شو رأيكن بالبنت الي بتبيع شب بتحبو كرمال عريس معو شوية مصاري

او بضحي بأحلا سنين العمر كرمال عريس شو رأيكن بالبنت الي بتلعب على الشب حتى يتلاقي احسن منو

رغم انو الشب يكون صادق معها ........!!!!

هاد سؤالي لكل البنات للأسف انا لاحظت اكتر من 70% من البنات هيك


الأمير قيس

والله يا معاذ سؤالك محرج كتير وحساس .
اولا انت ما ذكرت الخلاف بينك وبينن .
تانيا هي ما ذنبها ؟؟؟؟؟؟؟؟؟؟؟؟؟؟؟؟
وهي وقعت بالنهايه بينكم مو ذنبها انها حبتك مو ذنبها انن رفقاتها .
بس بالنهاية اذا اصدقائي سيئين و عم يدخلوا بشئ لا يعنيهم وانا متفاهمة مع الشب يلي بحبو كل التفاهم وعرفت سبب الخلاف واكيد واهم شغلة اني اقتنعت اكيد بضل معو بس يكون على الحق مو بس لانو هيك والله .

سؤالي للشباب والبنات :ممكن انت تحب الشب او تحب بنت بالنفس العمر وخصوصا اذا كان معك بالنفس الفرع يعني انتو مع بعض بالجامعة . واديش مدى نجاح هي العلاقة متل ما اتفقنا بصراحة ................

تقاش في سؤالك  يا امير القيس نقاش أزلي .
لانو بنت بتقول انتظرت الشب وهو كذاب وبقولو انو معظم الشباب كذابين .
وبنروح لعند الشب بقول نفس الكلام .
المهم انو ان رايي بالنسبة لسؤالك لو كنت نا بنت بس بتكون تافهة والحب ليس سوى لعبة وتضييع وقت وما بتستاهل انو الواحد يزعل مشانها .
بس بتوقع انو نسبة البنات يلي عنجد الشب بحبها وتتركوا مشان المال نسبة قليلة مو متل ما قلت .
لانو البنت بالنهاية بدا واحد يحبها وتحبو ويكون صادق معها شو بدها اكتر .
لا انصور ذلك انك تظلم البنات بنسبتك هذه .

بدي أشكرك أخي أحمد عل رأيك فيني    

معك حق أهم شي هي الصراحة من الطرفين

وبدي أشكر معا نحو الشمس على اجابتو

وبالنسبة لسؤالك  معا نحو الشمس بصراحة مابعرف بس عالأغلب انو مافي مشكلة

بشرط انو تكون طاقتها بتسمحلها بهالشي خاصة انو التكوين الفيزيزلوجي للشب أقوى ن البنت

يعني بعتقد حتى لو حاولت مارح تقدر الا اذا كانت ذات بنية جسدية قوية

وبالنسبة لسؤال معاذ أنا مريت بهالتجربة وشي أكيد اني فضلت حبيبي على رفقاتو

يعني هو ماقلي قاطعيون بس قلي خففي العلاقة ومن دون مايفرض رأيه
  مع العلم انو هنن شباب مو بنات وكانوا رفقاتو قبل مايصيروا رفقاتي وأنا سمعت كلامو لأنو هو أول شي أدرى فيهم وتاني شي أنا رح عيش معه مو معن يعني علاقتي معه وحتى لو قلي اقطعي علاقتك مع كل الشباب والبنات مابقول لا

لأنو هو بيعرف مصلحتي  والأهم انو عنده خبرة كبيرة بالناس

مع خالص تحياتي

نسيت بدي أشكر دمعة القمر على الموضوع يلي بجنن

وتاني شي ياأمير قيس أنا أبدا ما بوافقك الرأي

لأنو مو كل البنات هيك وكون واثق انو البنت يلي بتحب من قلبها

مستحيل انو تفرط بحبيبها حتى لو طوبولها العالم بأسره

والبنت يلي بتعمل هيك كانت  عمتتسلى

وأما عاشقة الأدب فما في مشكلة أبدا اذا تنين بنفس العمر والكلية حبوا بعضن

بالعكس هيك أحلى لأنو بأسسوا لحياتن مع بعض

طبعا اذا كانوا عنجد بحبوا بعضن

مع خالص تحياتيا

الظاهر الصيام آخد علي وعمبنسى كتير

سؤالي للشباب

شو رأيكن اذا البنت يلي بتحبوها عندها رفقات شباب بصراحة

مع خالص تحياتي للجمييييييع

اذا كانوا رفقات مشتركين ما في مشكلة..أو اذا هي حددت العلاقة معهون قدامي..بمعنى أنو كون بصورة الوضع تلافيا للإحراج..بس ما في أي مشكلة اذا كان عندها زملاء شباب تكون متأكدة منحسن نيتهون تجاها..


للبنات..
هل زواج البنات المبكر((يعني قبل ما تخلص دراسة))من شخص بيحبها و رجل الاحلام هو أمر مقبول بالنسبة الك؟؟

بالنسبة لسؤالك معا نحو الشمس

أكيد بفضل اني خلص دراسة وبعدين بتزوج من فارس أحلامي

لأنو مثل مايتعرف الزواج مسؤلية كتير كبيرة

لهيك من الأفضل اني كون متخرجة وكون عمبشتغل بشهادتي

هلأسؤالي للشباب والصبايا

اذا أهلكم ماقبلو بفكرة حبيتوا تنفذوها وهي برأيكن صح سواء دراسة أو شريك حياة شو موقفكم من ياترى بتسمعوا لرأين أو بتنفذوا يلي براسكم أو في حل تاني

مع خالص تحياتي

الجواب على سؤال معا نحو الشمس :
مبدئيا لاء بس اوقات الموقف يفرض نفسه وخاصة اذا كانوا من زماااااااااان بحبو بعض  .
الجواب علىسؤال 
golden rose
اذا كان الموضوع مصيري اكيد بسع كلامن لانو بالنهاية صعب انسان يتحمل القرار لوحدو ؟؟؟؟؟؟؟؟؟؟؟؟؟؟؟
اما اذا كان اي امر اخر اكيد راي .

      مرحبــــــــــــــــــا,,,
بالنسبة لسؤال معاذ,,,اذا متل ماقلت في خلاف بينو وبينهم فأكيـــد رح وقف مع حبيبي,,,ورح خفف علاقتي معهم,,,لأنو حبيبي بالأخير هوي يلي رح يضلو معي

بالنسبة لسؤال قيس,,,يعني عنجد مو عارفة شو احكي انا بصراحة بستحقر البنات يلي بساوو هيك ,,,معقول بتترك حبيبها كرمال شوية مصاري ,,,
أصلا المصاري بتجي وبتروح واخرتا هالبنت رح تندم,,,
بس نسبة البنات يلي بفضلو المصاري كتييير قليــــلة مو متل ماقلت 70%

بالنسبة لسؤال معانحو الشمس,,,انا بشوف انو زواج مع الدراسة صعب كتيـــــر
لأنو الزواج مسؤلية ,,,يعني مهما ساوت مارح تقدر تلحق بين دراستها ومسؤلية
بيتها وزوجهاو......
انا بفضل انو الشب اذا كان بحب البنت يستناها لتخلص دراستها(هيك احسن للبنت وللشب),,,

بالنسبة لسؤال جولدن روز,,,فأكيـــد أهلي بيعرفوا بمصلحتي أكتر,,,
بس اذا كنت مقتنعة بالشي يلي عم بعملو مية بالمية بعملوا بس أهلي بيتركوني أعمل هالشي
على مسؤليتي وهاد يلي بخليني خاف 
مثلا انا كنت بحلم بهندسة العمارة بس أهلي مابدون ياني ادرسها لأانو مستقبلها مو مضمون
بالأخير تركولي القرار وقالوا اذا بدك تدخليها فعلى مسؤليتك فهاد الشي خلاني خاف وخلاني ادخل الرغبة يلي أهلي بدهم ياها,,,
وبالأخير متل ماقلت أهالينا بيعرفوا بمصلحتنا أكتير,,,,

      وسؤالي شو رئيكون بزواج الشب ببنت أكبر منو بالعمر؟!؟!
            مثلا الشب عمرو 25 والبنت عمرها 28 

                  بعرف حالي حكيت كتير بعتذر

                                      مع خااالص تحياتي ,,,