..(( حسماً لجدل الترفع الإداري.. وزير التعليم العالي لسيريانديز: لا ترفع إداري و الأمر يعالج بشكل واضح من حيث الأرقام وعدد الطلاب والظروف ))..

أكد الدكتور مالك علي وزير التعليم العالي في تصريح لسيريانديز أن بعض المواقع الالكترونية وشبكات التواصل تنشر الكثير من الأخبار والتكهنات والتوقعات حول موضوع الترفع الإداري، ولكن الحقيقة أن هذا الموضوع ليس له أساس من الصحة ، لأن الوزارة تقوم بدراسة ظروف الطلاب والجامعات، وحتى الآن لا يوجد ترفع إداري فالموضوع يحتاج إلى أن يعالج بشكل واضح من حيث الأرقام وعدد الطلاب والظروف ومن ثم يتم تحديد قرار الترفع الإداري.
وبين وزير التعليم العالي أن الوزارة تعمل بما يحقق مصلحة الطالب وراحته وتحفيزه على الاستمرار بالدراسة ضمن القوانين والأنظمة، وبالمقابل من واجب الطالب أن يتفاعل ويهتم بدراسته، وأن يتحمل ويستمر، وأن يكون سنداً لوطنه ضمن الظروف الصعبة .
وأشار الدكتور علي إلى أن قطاع التعليم العالي تأثر بالأزمة لأنه قطاع حساس وراهن الكثيرين على انهياره، ولكن رغم ذلك فعملية التعليم مستمرة في سورية بصورتها الطبيعية فالطالب الذي يدرس في الجامعات يتابع دوامه بشكل يومي ولو في جامعة مماثلة للجامعة الأم التي كان يدرس بها فكثير من طلاب حلب يداومون حالياً في جامعة دمشق، وتم تسهيل أمورهم من خلال عدة قرارات وتوجيهات لرؤساء الجامعات فالدولة لم تقصر بأي شيء يخص التعليم خلال الفترة الحالية.

المصدر : سيريانديز

تمنياتي بالتوفيق والنجااااااااااااح للجميع ...

..(( بخصوص الترفع الإداري )) ..

هاد حيكون آخر تعليق عن الترفع الإداري ... لأنو ملاحظة أنو هالموضوع شاغل بالل كتييييييييير من الطلاب

طبعاً آخر تعليق ..إلى حين صدور القرار أو عدم صدوره ..

لأنو في حال صدوره رح قوم بنقل الخبر إن شاء الله

المهم :

كــ : رأي شخصي بقول :

لو بدها اتشتي ... كانت غيمت ...

ولو الوزارة شايفة أنو بدها تنزل القرار .. أو أنو في ضرورة ملحة لتنزيلوا كانو أصدروا القرار ...

وزيدكن من الشعر بيت ..

الدوام الرسمي بلش بالجامعات , والطلاب - طبعاً من استطاع إليها سبيلاً (للجامعة يعني ) بلشوا ايداومو

رغم أنو بلش الدوام الرسمي , إلا أنو في كتير مواد ما صدرت نتائجها

أما شو هالوزارة ( المضحك المبكي )

لأ وفوق هيك كتير طلاب ما عرفوا حالهن إذا ترفعوا , ولا رسبوا .. نظراً لعدم صدور نتائج كتير من المواد

ونظراً لعدم صدور قرار الترفع ( يعني الله يكون بعون هالطلاب )

هي رابطين عن اخبار عن الترفع الإداري - لمن يهمه الأمر -

بس يمكن يكونوا كذب ... والأغلب كذب ...

بس ما على الرسول إلا البلاغ .. وبتمنى التوفيق للجميع ..وآسفة عالإطالة

بس متل ما قلتلكن لو بدها اتشتي كانت غيمت .. وفي أنباء عن نفي الوزارة لصدور أي مسودة حول الترفع

روابط الخبر بتحكي عن صدور مسودة لقرار الترفع الإداري .. بس الأغلب كذب

موقع الأقتصادي أون لاين

http://sy.aliqtisadi.com/%d8%a7%d9%84%d8%aa%d8%b9%d9%84%d9%8a%d9%85-%d8%a7%d9%84%d8%b9%d8%a7%d9%84%d9%8a-%d9%8a%d8%aa%d8%b1%d9%81%d8%b9-%d8%a7%d9%84%d8%b7%d8%a7%d9%84%d8%a8-%d8%a5%d8%af%d8%a7%d8%b1%d9%8a%d8%a7-%d8%a5%d9%86/

وموقع سيريانيوز :

http://www.syria-news.com/readnews.php?sy_seq=163261

من بعد اذنك اختي نور الشام انا عملت معسكر من كم سنة وباقي لي معسكر واحد هل يجب علي القيام بهذا المعسكر او الغي المعسكر الثاني  اذا عندك معلومات وشكرا

أهلا وسهلا أخي (سوريا ما بتنذل )

نورت الموضوع ..

بخصوص استفسارك صدقني ما عندي علم

يا ريت لو أأقدر فيدك .. بتمنى من يلي عندو علم بخصوص استفسارك أنو يفيدك ويجاوبك ..

بتمنالك التوفيق ..