صبايا !!

روئوا ........ ليش هيك صار معكن  ، وكأنو اتاخد الحكي عم محمل سياسي !

بس ما يكون القصد ع المشاركة 698 !!!!!

تعبت كتير ............ مابعرف اذا لسا فيني طاقة اتحمل
ياترى رح يجي اليوم اللي تحسوا !!!

كيوووت الغالية :

بس ما يكون القصد ع المشاركة 698 !!!!!

لأ صديقتي ... أصلاً أنا صرلي زمان ما قرأت مشاركات هذا الموضوع ..

تقريباً من وقت فتحتي أنت موضوع للنقاش وتبادل الآراء ..

والمشاركة يلي عم تحكي عنها رقم ( 698 ) أنا هلأ لقرأتها ... وما كان قصدي عنها ...

وبعدين صار يلي صار  ....

رسالتي كانت لكل من يهوى الدعس ...

يعني اليوم كنت معصبة كتييييييييييييييير من هالأوضاع وفوق هيك شفت هالعبارة

من أحد المنحبكجية ... موجودة هون بالملتقى ... وبمواقع المنحبكجحشية ..

من هواياتهم : دعس العراعير ... وكمان : سيظل حذاء الأسد بأفواهكم ياعراعير ألا لعنة الله عليكم

وتذكرت كمان وقت التقيت مرة بمنحبكجية وصارت تقلي : انتو هاد العرعور تبعكن

تقولي أنا وغير من المعارضين ليل نهار .. رافعين لافتات عم نقول فيها : العرعور يمثلنا

أو نهتف : بالروح .. بالدم .. نفديك يا عرعور    كل معارض صار من جماعة العرعور وبدو دعس

لك أنا العرعور كلو ما قايميتوا من أرضوا ... بس شو بجنا نحكي غير : حسبنا الله ونعم الوكيل

________________________________________

وإن شاء الله تكون هي آخر مشاركة لي في هذا الموضوع .... منعاً للصد والرد .. وكثرة الجدل وسوء التفاهم ...

والله ينتقم من كل شخص قام بتعذيب أي سوري ... أو حلل دمه ... أو قتله ... وشرده ...

وجعله من النازحين أو اللاجئين ... والله ينتقم لكل صرخة من صرخات المعتقلين

ولكل دمعة من دموع أمهات الشهداء وأولادهم .....    

والله ينتقم من كل ظااااااااااااااالم وكل من يساعده بالظلم والبطش ...

_________________________________________________

أراسل أحدهم لأطمأن عليه ... فيقول لي : بيتنا تهدم .. ونحنا هلأ مشردين وما ناطرين غير رحمة الله ..

وآخر : سقطت علينا ( قذيفة - صاروخ ) ولولا ستر الله لكنا هلأ تقطعنا شقف ونتف ..

أتصل لأطمن على حدا تاني : بيقلي نحنا هلأ محاصرين ( طبعاً من قبل العصابات المسلحة ) وما قادرين

نطلع من البيت وعم ننطر ليطلع الصبح علينا .. لنشوف شو بدنا نعمل ...

لك حدا تاني بيقلي : الوضع عنّا كتييييييييير صعب      

لك الأسبوع الماضي لحالو تفجروا عنّا سيارتين مفخختيين وتهدمت نص الحارة .. هاد من غير القصف

والاشتباكات ... الله يعييييييييييييين النّاس ... والله يفرجها عليهن    

وبيتنا عازين عزا .....

___________________________________________________

وبعد كل هذا ســــــــــــــــووووووووووووووووووووووووووووووووريا بخيييييييير ..

لك بكل لحظة أتذكر فيها الحصار يلي انحصرنا مرة من 4 أشهر .. وأصوات المآذن تطلب خبرات طبية

ومسعفين , أصوات الصراخ بالحارة والاشتباكات والانفجارات بحس بألم وحزن عميق ..

وبقول الله يعين هالأطفال .. ( لك شو ذنبهن )     يشوفوا كل هاد يلي شافوا ..

ناهيك عن النزوح والتشرد واللجوء وفقدان شخص عزيز ووو.....ووو

______________________________________________

الله لا يسامح يلي كاااااااااان السبب ...

والله بيشهد أني كتبت هاد يلي كتبتوا وأنا عم أبكي  وحزنانة كتير ...والشكوى لله وحده ...

والحمد لله على كل حااااااااااااااااااااااااااااااااااااااااااااااااااااااااااااااااااااااااااااااال ..

وإن شكرتم لأزيدنكم .... وآسفة كتير إذا زعجت حدا بكلامي سواء في هذه المشاركة أو مشاركات سابقة

يعليي يا نور الشام .... مشان الله طولي بااااااااااااااالك ..

والله ما بلومك ع اللي حاسستيه لأنو جد شي بيأسي ،، وحال لا تحتمل ..

لكن شوبدنا نساوي لازم نكون أقوى من هيك وما يتغلب علينا الألم والحسرة ..

بالنهاية اتذكري أنو كل هاللي عم يصير بإرادة رب العالمين ومالنا اننا نعترض أو نسخط ،، لأنو كلو لحكمة يمكن تفوق استيعابنا ... لكن لازم نقبل وندعي ونتضرع لله سبحانه أنو يفرج عنا وما يحاسبنا ويعاملنا على عملنا ..

ولازم تتذكري أنو مافي شي بيضيع عند الله .... وهي الناس اللي ربي يتغمدها برحمتو ماراحت هيك
بالنهاية هاد أجلها والله كاتب عليها تشوف اللي شافته ،، ومنتأمل يارب أنو يكون حظن بالجنة

لهيك استهدي بالرحمن وادعي ...... ادعي بالليل .. فسهام الليل لااااااااااااااااتُخطى ووكلي أمرك لله

وأكثري من  "" حسبنا الله ونعم الوكيل "" لأنو والله مارح ننول الرحمة والفرج إلا من عنده

فالله يتولانا برحمتو ومايكلنا لأنفسنا طرفة عين ..

.....................كلماتي
اليوم

 مطعونة في الخاصرة

تبكي دما من رياح العاصفة

قلبي في ناب الصفحة اليوم ملسوع

أريد أن أبدأ الكتابة في الملتقى

فيهرب العنوان ويهرب الموضوع

 من احزان تلك المشاركة

أريد أن أجمع الحروف في الجنون

لكنها ملطخة بدماء الحزن

وتصيح لا عودة الى أصابعك

تصيح لا رجوع

فاطلت  في الصلاة

وأطلت في السجود لله

وأطلت بالركوع

وأطلب من الله

ولا أزال صامتا

ولا ازال حائرا

كيف نعيد لبلادنا المقتولة

رأسها المقطوع

واقول بالتفكير تلك مجازفة

...........................أستشير عقلي

فتكثر اللائات

فيصيح قلبي بلائه ممنوع

ياكلماتي الممدودة

على جدران الدموع

عودي الى لساني

عودي الى أنفاسي

عودي الى لساني المقطوع

كلما حاولت أن البس الكلمة

ثيابها الجديدة ألبس لها المرقوع

.........................يا عقلي المتردد

بنتائج المشروع

تكسرت من دقات قلبي عظامي

ودخل لحم الحزن

في داخل الضلوع

مما قرأت في تلك المشاركة

..........................سوريٌ أنا بلا
وطن

ممدد تحت شمس الحزن

على شاطئ الزمن

ملتف مثل اللحد

في باطن الكفن

ممدود بالتنكيل  

من دمشق الى عدن

وأسأل وسط مرارة المحن

متى يعود امن الشام وسعادة اليمن

وبلادي تجري بالدماء النازفة

.........................كل مياه الحزن

  لا ترتوي
من دمائي

وكل الخواطر التي نسجتها تحمل اتهامي

وكل الضحايا التي قتلوها فيها من
اشلائي

 
رباه ..

هل الرحمة تأتي من  طائرات قاصفة

...........................يا وطني الغارق
بالنزيف

تساقطت أطفالك

مثل أوراق الخريف

لا أ حد سياتي منقذا

لا بنو مروان ولا بنو ثقيف

لا احد يرش على أرضك

كلمة من ماءه النظيف

هل الشهيد سيرجع واقفا

من لحده الشريف

وتنتهي المؤامرة

؟؟؟

............... يارائعة الهمس العفيف  

أجر على ربابة الكلمات

الحانا خائفة

واقطع من شرايين العشق

دماء راجفة

لا تسلبيني عقلي بحق همسك اللطيف

اشربيني فيجة معقمة من ماءك الخفيف

ورددي في غناء احزاني

......................كلمات اللازمة

لماذا من يتحمل ويتغاضى ، تزيد النااس عليه قسوة وإهمال !!

لما عندما أصفح مرة ....... تضطرونني أن أندم ألف مرة !!

ما السبب عندما أقنع بالقليل لكي لا أشعرك أنك تنقص عليّ..... يزداد الإهمال واللا مبالاة في متطلباتي أنا فقط !!

أعندما أكون حنونة متسامحة ..... دافع لتمادي وقلة الذوووووووق !!!!!!!!
لماذا لماذااااااااااااااااااااا

‏  فطرتوا قلبي من تلك العادة ........

تروح وترجع بالسلامة
الله يحميك ويحفظك
أستودعك الله

نور الشااام .... صحيح هالشي اللي عم نمر فيه مو سهل أبدا

وأنا الحمد لله
جربت أكتر هي الأشياء اللي قلتي عليها
الحمد لله الله كتبلنا عمر .. لنرجع ونكتب هون بالملتقى

في شغلة كانت داااائما تقويني وتصبرني
هي إنو ...
نحنا عنا رب ... مابيظلم ... مابيظلم أبدا ... عرفتي شو قصدي
لك ولا بشعرة ولا حتى بوزن الذرة ...
إن ربي لا يضل ولا ينسى

خلي إيمانك بالله كبييييير
وهدول الولاد الصغار اللي شافو اللي شافو والناس اللي مرت بهي الظروف ... بيكفيها إنو الله شايف .... شايف كل شي والله مارح ينسى حدا

الله يصبرنا
ويصبر كل ذو مصيبة على مصيبت

يسعد صباحك...............