سألني
من أنت ؟ ما هي ديانتك السماوية ؟

فملامحك ملامح سنية و تصلي صلاة شيعية

وعندما تتكلم فتلك القاف قاف درزية أو علوية

ولكنني أراك كل أحد بين الكنيسة الكاثوليكية والارثوذكسية
فهل أنت من المسيحية؟

أصابه الجنون وطلب أوراقي الثبوتية

حبيت حط هالموضوع مشان كلنا ننتبه انو الوطن للجميع والدين لله

رورو..................
يعني ما بعرف شو بدك الك بس والله ممكن من بعد هالحكي أبكي على وطني
المشكلة في كتيرين ما عم يفهمو هالحكي
صرلنا زمان عم نحاول نوصلو بس شكلنا اسا بدنا زمن لنحس فيه

حرام هالوطن
حرام هالشباب
حرام الي عم يصير

بس شو بدك تعملي اذا تفشّى المرض ببلدنا
ما رح أتشاءم
لأني سورية وبحب سوريا

الوطن أغلى شي
اذا راح........
بنموت
بتصير حياتنا سودا
بنفقد كل احساس حلو
وكل بصيص أمل ببكرا أحلى

بتمنى يا رورو تخليني ضم صوتي لصوتك بهاد الموضوع
حاجتنا ردود و تقولو بس هيك صار
و هاد غلط
و هيك لازم نرد

بلدنا يا جماعة خط أحمر

بس بتمنى يا أخ ياسر تتقبل مني هالكلمتين بقلب واسع و تتمنى تتفهمني مو تهاجمني:
بردك ع هاد الموضوع ما فهمت غير انو آخد موقف الانتقاد بغض النظر من أي ناحية يالضبط
بس بالنسبة للجملة الي عم تحكي عنا
الدين لله و الوطن للجميع
هي صارت محور و بوصلة حياتنا

يعني بردك متل الي بقلو صار عندي بيت بيقلي لا الملك لله
طبعا الدين و الوطن و الولد و كل ما نملك لله عزّ و جل

انشالله تضل الضحكة ع وجهك يا ياسر بس انا ما حكيت شي بيضحك
انا بعدني عند كلمتي و الجملة استخدامها صح بمفهومي
لانو صار في مين عم يقلنا عمرك بايدي و بيتك الي و رزقك صار رزقي
فالرد الافضل لهيك عالم

الدين لله و الوطن للجميع

لانو نحنا ما بننهي حياة روح او شخص الله بعتا و الله بياخدها بلكي هالشخص بيهتدي بهالجيل و بنكسب ثوابو

كرامتنا من كرامة هالوطن بس للاسف وطننا في أزمة قلبية بس بجهودنا و إيماننا رح يرجع متل الحصان و مانا خايفين لأنو بنعرف حالنا منيح و بنعرف عدونا اكتر بس أي حرب بتنحسب بالسنوات أو بالأشهر مو بالأيام أو الساعات

متل ما يمكن حسيت من مشاركاتي ماعد بدي كتير احكي سياسة لاني سبق و بينت موقفي
بشكرك عاهتمامك الدقيق بمشاركاتي و لردودك
بس بتمنى تشاركني باضافة اسمك بالموضوع الجديد الي حطيتو اليوم لاني بقبل الجميع و بدي الكل يشاركني فرحتي اليوم بالتخرج و انت بالذات من بعد سوء الفهم الي صار بيني و بينك
و برجع و بقلك كل واحد حر برأيو