الخواء الروحي أصعب وألعن مرض بين كل الأمراض يلي بتعاني منو البشرية لأن بعيش المريض جسد بدون روح بدون مايشعر بأي قيمة حياتية أو معنوية شخص معزول منطوي عنفسو فاقد الثقة بنفسو وبقدراتو فاقد الأمل بربو وبرحمتو يأسان من كلشي وكرهان حالو و غيرو وعطول بيندب حظو وبيحكي عن شقاه وتعتيرو ....
هاد المرض بيجي لما قلوبنا وأرواحنا وأجسادنا بتبعد عن طاعة الله وبتقنط من رحمة الخالق جل في علاه...إذا بدك تشفى منو وترجع كلك حياة وحيوية وتعيش روح وجسد وتشوف الحياة كلها سعد وتبطل شكوى ونكد أرجع قرب من يلي خلقك وخلقني وكون الأكوان وقدر الآجال والأرزاق وكلشي بأيدو....أرجع لله وحسن علاقتك فيه وتوب من جديد لترجع لرعايتو وحماه واطلب غفرانو وتوبتو عليك من كل خطاك...
لاتخلي الخواء الروحي يقتل آخرتك ودنياك.
..........
هامش:
يارب

فكرة سوف (التسويف) من أكتر الأفكار عداء للنجاح والتطوير...
سوف أعمل و سأعمل وسأذهب وس و س.... وخود عتسويف وتأجيل لحتى يموت الغنم ويفنى الديب...
لحتى ياإنسان تبطل تفشل بهالحياة ألغي سوف من حياتك وبطل تسويف(تأجيل)لأعمالك وواجباتك وأمورك الواجبة التنفيذ(لاتؤجل عمل اليوم إلى الغد)...
أنا شخصيا بلشت ألغي سوف من حياتي لأنها دهورتني وخربطتت كياني ومبارح بالذات جبت ممحاي ومحيتها من قاموسي...لأن إذا حاضل سوف شايفلكن بحياتي ماحكيف^_^.
‏.........
هامش:
وأنتو ياأصحابي لازم تلغو سوف كمان حتى تنجحو وتعيشو تمام.
تحياتي ألكن بعد طول انقطاع بسبب الأحوال الصعاب وانقطاع الاتصال...
دخيلكن ينقطع الاتصال ولاأنقطع أنا هههه.
سلام

بقول ليلي عم يخطر عبالي لأيمت حاضل متخبي ومتخفي وبعيد عني أنا اشتقتلك ومتأكد أنك اشتقتلي بس كأنك خايف علي إذا أنت رجعت أو أنك لساتك مريض وخايف مني...(يمكن)مابعرف الله أعلم.!
صحيح سؤال عم تعجبك مواضيعي؟
‏.......
هامش:
فكرة بتخصني.

شي سهل كتير أنك تعطي حب أو تاخد حب أو بالأحرى( أنك تعيش قصة حب) لأن الأصعب من هاد كلو هوي أنك تحافظ على هاد الحب دون أي مشاكل تعكر وتكدر صفو هالعلاقة يلي رابطها بنفس الوقت بكون أكبر من البحر وأدق من الشعرة...ولحتى نقدر نحافظ عهالحب لازم ينبنا صح وتكون قواعدو سليمة والتفاهم والانسجام والاشتراك بالرؤى والأفكار حاضر والتخطيط للارتباط بالمستقبل القريب قائم..
فكرة المحافظة على الحب أو بالأحرى (علاقة الحب) من أصعب الأفكار يلي ممكن نطبقها وننجح فيها.
...........
هامش:
في مقولة لأحد المفكرين وأنا بحبها كتير ومقتنع فيها بتقول:(يبلغ الحب القمة عندما تتخلى المرأة عن عنادها والرجل عن كبريائه).
أنا بعد هالمقولة أحد القواعد الأساسية للحفاظ على الحب.

أكره عناد المرأة جدا وجدا وجدا وجدا وجدا وأنفر من كل إمرأة عنيدة.

فكرة الفعل ورد الفعل
من أكتر الأفكار ديناميكية لأن نحنا منعرف علميا وفيزيائيا أنو لكل فعل ردة فعل هي بالنسبة للعلوم الفيزيائية والكيميائية والطبيعية... وحتى بالنسبة للانسان فيزيولوجيا لكل فعل ردة فعل وخاصة بالمنعكسات اللاإرادية (كيف بتتنبه أعصابك لتسحب أيدك تلقائيا إذا انحرقت ومانتبهت)...وحتى بالمنعكسات الإرادية في فعل ورد فعل (واحد ضربك بجوز تضربو وحتى إذا ماضربتو وسكتت حايتشكل عندك تجاهو ردة فعل نفسية  وهاد بسموه رد الفعل السلبي)...
هلأ الفكرة هي التالي...أنو إذا ماكان في عنا لكل فعل رد فعل...ماحيكون عنا فعل بالمرة يعني صرنا أمام حالة سكون مادية وانسانية وانعدم شي اسمو طاقة حركية وانعدم شي عنا اسمو وقت وطاقة حرارية...يعني بالنتيجة صار كلشي عم يشتغل بناء عالفعل ورد الفعل ولولا رد الفعل ماكان في فعل أو بالأصح انعدم الفعل يعني بهالحالة حانصير أمام حالة العدم.(عدم وجود الشيئ)
.......
هامش:
ياجماعة هالفكرة هلكتني ودوختني وتعبتني أنا من يوم يومي بكره الفيزياء بس بدي أفهم شو جابها عمخي فوتتني بالحيط وشربكتني ومن النوم حرمتني.
تصبحوا عخير ولاتواخزوني عهالفكرة الفايتي بالحيط بس جد بدها تفكير.
تحياتي لأحلى زوار

الإرادة بس امتلكها الإنسان امتلك نفسو أو بالأحرى قدر يسيطر عنفسو ويتحكم فيها متل مابدو...أحيان منمتلك الإرادة بشكل كبير وأحيانا بكون عنا نص إرادة واحيانا ربع إرادة يعني(للإرادة درجات)..بس الأفظع شي أنو مايكون عنا إرادة تجاه أي شي بالمرة فهون بتكمن المصيبي والطامي الكبرى...فكرة الإرادة فكرة عظيمي كتير لازم كلنا نطورهايعني لازم نرفع درجة إرادتنا وسيطرتنا عأنفسنا بشكل كبير.
..........
هامش:
أنا شخص إرادتي جيدة بس أحيانا وبصراحة بفقدها لهيك دايما بعيد صيانتها.

الســـــلام عليـــــكم ......




خواطر وأفكار ,, بمنتهى التجدد والجمال ....

أسعد كثيرا بمروري على بحر أفكارك في كل فترة وفترة...لأتابع جديد

إضافاتك ...وآمل ألا تحرمنا من مميز خواطرك و همساتك ....


مجهود رائع ,, ويستحق كل تقدير ,, ننتظر منك المزيد,,

جزاك الله عنا كل خير ....


تقبل مروري...

السلام عليكم...


 

يشرفني مروركم وقرائتكم ماأكتب....وهمساتي وأفكاري أهديها لكم قرائي الأفاضل..
أسعدني مروركم
وشكرا جزيلا لاهتمامكم
تحياتي وودي وسلامي لكم
صديقكم بلال

فكرة الغضب(التعصيب)هي من الأفكار يلي ممكن تدمر الإنسان تدمير وتقضي على علاقاتو الاجتماعة وارتباطو بشي اسمو مجتمع وعلاقات انسانية(عاطفية)...
لأن لما الانسان بعصب بيفقد قدرتو بالسيطرة عنفسو وعقلو من راسو بطير وبينعمى عبصرو وبصيرتو...وبياخد قرارات مانها بمحلها ومتسرعة وبيندم عليها كتير.
لهيك دائما بحاول وبجاهد نفسي خفف من تعصيبي وأقضي عليه حتى لو كنت فيه على حق...لأن من تحت راسو خسرت أشخاص بحبن كتير...رغم أنو تعصيبي ناتج عن محبة ماعن لئم ولهدف التحقير...ومابنكر أني أحيانا بتأثر بردات الفعل وبعصب من شخص إذا دايقني كتير.
وبنصحكن ياأصدقائي إنكن تتخلصو من التعصيب وتتحلو بالرواق والتفكير.
...........
هامش:
قال رسول الله صلى الله عليه وسلم:
(ليس الشديد بالصرعة،إنما الشديد من يمتلك نفسه عند الغضب).
اللهم إني أعوذ بك من الغضب.
اللهم حررني من غضبي.

يسلم أيديك

أفكار حلوة ورائعة

سلمت أناملك المبدعة

تقبل مروري أخي بلال