السلام عليكم ..
بالنسبة لي فهناك رأيان :

الأول هو القول بأن هذا الفتاة أفضل من غيرها بأنها على الأقل تقوم و لو بشكل جزئي بلبس الحجاب و عسى أن يوفقها الله لكماله ,و هي تقوم بذلك عن حسن نية فإما أنها لا تعرف فتحتاج لمن ينبهها و يناقشها (و كم من مسيء لا يعلم أنه يقوم بسوء و لم يقم أحد بتنبيهه ) أو أنها ضعيفة النفس ندعو الله أن يقويها على طاعته ..
 
الثاني أن هذه الفتاة ينطبق عليها قول الله تعالى " أفتؤمنون ببعض الكتاب و تكفرون ببعض ". فهي تلبس غطاء يغطي جسمها و لكن يبرز مفاتنها مثلاً كاللباس الضيق و هي تعلم علم اليقين بأنها على خطأ و تصر على ذلك , فنقول لها كما قال الله تعالى " فما جزاء من يفعل ذلك منكم إلا خزي في الحياة الدنيا و يوم القيامة يردون إلى أشد العذاب ".

أنا أحب حسن الظن بالناس فأختار دائماً الرأي الأول و أعامل الناس على أساسه. و بالطبع فالفتاة في النوع الثاني علينا كذلك تذكيرها بالله عساه يهديها إلى الحق ..

أعتذر عن الإطالة ..

تحياتي ... 

الله يهديهن يا رب ........ طبعا الكل بيعرف انو الغاية من الحجاب هو الستر
فلازم البنت تلتزم باللباس الذي يستر مفاتنها ....... مو العكس
بس ما بيصير نقلها انزعي الحجاب ...... طبعا هاد الحكي ما بيرضي حدا
الله يهديهن يا رب
والله البنت بالحجاب واللباس المحتشم بتكون أحلى
الأناقة شيء ضروري وما حدا بيستغني عنو ... والبنت الأنيقة شو ما لبست بتضل أنيقة وطبعا اللباس المحتشم بزيدها روعة وبريق واحترام من الكل

شكرا
موضوع رائع
.........................
الحمد لله الذي أنعم عليّ بوالدين لا يسمح لاحدانا بوضع حتى الكحلة عند الخروج
ونحن نقتنع بذلك أيضا ..
الحمد لله ... ألبس الجلباب والشالة العادية (بدون سنمة جمل )
ولا ألبس الشالات الملونة بألوان فاقعة ،، بل الالوان العادية فقط . التي لا تلفت الانتباه
أشكر الله أولا
ثم والديّ اللذان ربانا على ذلك

                                الأخلاص مطلوب

اللباس الشرعي على عينا وراسنا بس ما فيك تفرضوا على كل العالم وخصوصي إنوا في ناس مقتنعة انو مالا غلط

بغض النظر عن الأشياء الغير مألوفة بالمرة بالنسبة للمحجبات يلي أحيانا نشاهدها

اللباس الحقيقي هو التقوى وكل ما دون ذلك وهم !!!!!!!!!!

قال تعالى :

"يا بنى آدم قد أنزلنا عليكم لباسأ يوارى سوءاتكم وريشأ ولباس التقوى ذلك خير"

هذا رأي !!!

سلااااااااااام

جزاكم الله خيرا على هذا الموضوع ......واقدر غيرتكم على اعراض المسلمين

لكن ..........
ما لاحظتو انو التفاعل كان فقط ممن يؤيد هذا الطرح
يعني بما انو غاية الموضوع النصح فهذا الاسلوب في طرحه خاطئ وبامتياز لانه طرح الموضوع بصيغة الهجوم والتجريح وما هكذا تكون الدعوة
اين الداعي من رسول الله الذي لم يبعث لقوم آمنو من قبل انما كانو مشركين ومن اغلظ المشركين فانقلبوا باللطف النبوي والرفق المحمدي الى سادات وأئمة للدنيا
نظرة الاحتقار هذه للعصاة من امة رسول الله تنفر ولا تبشر تبغض ولا تحبب تبعد ولا تقرب
اما كان احرى بكاتب الموضوع لو كان لينا حكيما رفيقا في طرحه والا لانفض الناس من حولك

الهمك الله الدعوة الى دينه بالحكمة والموعظة الحسنة

عجبني النقاش بهالموضوع , اكتر رد عجبني هو الرد الخاص بـ الاخلاص مطلوب , هلأ أنا شخصيا ... لما شوف بنت محجبة و سبور بس مالها مزودتها فأنا مالي ضدها , أما تشوف وحدة محجبة لابسة أديئ الجنزات و اعلى الكعاب و خاطة كل المكياج على وجهها فعنجد شي مزعج بالناسبة إلي النظر إليها و لا تقلولي إنو لا تتطلع عليها , لأنو انا أصلا ما لح اطلع عليها بعد ما شفت هالشوفة , بس بالمقابل في بنات محجبات بيلبسو مانتو , كتير بقدّر هالنوع من البنات مع انو اذا تغندرو و لبسوا ديّق بيطلعوا أحلى من كتير بنات سافرات .
من جهة تانية , البنت المغرية(إغراء حلال مو حرام يعني يلي بتغريني لأتزوجها مثلا) بنظري هية البنت يلي محجبة و بتلبس تنورة مثلا او جينز بس  يكون مغطى بشي فوقو يعني مستور بعض الشيء  و تكون مستورة بشكل عام  اما غير هيك فأنا بقول فعلا يلي مو محجبة و لابسة تظليط او حاطة كتير مكياج , رؤيتها بتضل على النفس أسهل من يلي محجبة و بتلاقيها هيك , يعني لأنو بتنزعج من جواتك على هالاستخدام الأعوج للحجاب , بس متل ما قالت الاخلاص مطلوب نحنا بندعي الله يهدي الكل و يهدينا معهم =) قولو آمين