الزنبقة البيضاء شكراً لكِ موضوع مؤثر

أصبحتُ أحسد الشهداء على استشهادهم
فقد عملوا ماعليهم و لبوا النداء
أما من ينادي بالحرية فقط دون أن ينزل لساحات التظاهر أو دون أن يفعل شيئاً للثورة ,و دون أن يحفز الآخرين أو يخطط أو ينسق ,فما الفائدة من ذلك

برأيي كلمة أنا لا أقبل بالظلم لم تعد تكفي
نعم لم تعد تكفي

و الله أعلم

حورية البحر .......... شكراً إلك لمرورك الكريم
فعلاً كلمة أنا لا أقبل بالظلم لم تعد تكفي نعم لم تعد تكفي ولن تكفي لأنو الشغلة بدها أفعال
بس أنا عمبحكي على العالم اللي لهلأ بتحكي أنو مافي ظلم وهنن عرفانين لأنو مومعقول يكونوا بهالسذاجة اللي بيحكوا فيها أنا عمبحكي على الأشخاص اللي قابلتهم شخصياً بتمنى ماحدا يفهمني غلط  والله حكيهون بيفزرني أقل مافيها يحكوا كلمة حق ......
والله وأنا صرت أحسد الشهداء وعوائلهم
تحيتي لك

Rose of Spring
ما حكينا شي عن اهلي دير عطية...
كل الناس خير وبركة....
ولكن لما بشوف كل المحافظات عم تنادي بشي
لأنو عانوا من الظلم وقت صارت الشغلة جد
وبشوف الشام مثلاً أو حلب
عم تعيد وناسها عم يأركلوا أو عم يزوروا فنادق أو عم يسهروا صباحي
أكيد ما بيشرفني عيش بين هل ناس
لأنن ما بيهمن غير حالن
ان شاء الله تكون وصلت الفكرة
كلياتنا منحب بلدنا
بس لما الواحد مننا بدو يحكي كلمة حق
بدو ينشحط وينقتل أكيد مالازم نسكت ولو اتضارب ذلك مع مصالحنا
الدنيا فانية ولكن الساكت عن الحق شيطان أخرس

والله يا أختي الكريمة مو كل مين ما طلع رضيان على الشي اللي عم يصير....
أو ما بيحس بغيره...

بس إذا استفسرتي أكتر عن الموضوع بتعرفي شو اللي بيمنعهن....

rose of spring

عزيزتي حبيت كتير  شوف رأيك بس للأسف محجوب عندي أكتر من مشاركة ومنهون مشاركتك من يلي فهمتوا من رد الدكتور بدي قول أنا فرحت كتير بهالمبادرة من هالشباب  وطريقتون حلوة كتير وذكية وحبيت الفت النظر إلها ليس إلا
وأنا أهل هالمنطقة بعزوا علي كتير وهنن أحبابي(وطبعاً هالحكي مو مجاملة)لأنو أصلاً مابعرف شو ردك بجوز اللي فهمتو غلط     
رغم أني عتبانة على بعضهون عتب كبير مع أنو كلنا بنعرف بأنو مو كل اللي ماعميطلع رضيان بالشي اللي عمبصير

Hakar
أنا بعرف ليش العالم ببعض المناطق أو بالمناطق اللي متل هي ماعميقدروا يطلعوا بغض النظر عن الخوف وأنو الواحد ممكن يطلع ومايرجع وياريت بروح عند ربو يعني عنصر الخوف مو بهالسهولة بيقدر الواحد يكسرو ........
لأنو بتكون مناطق صغيرة وفيها عيون  كتيرة والعالم كلها بتعرف بعضها  لذلك اللي عميعمل شي عميعملوا بالخفا

وشكراً للجميع عالمشاركة

لك انا من ديييييييير عطية واهاليها مو خايفيين الا ع بلدن.................
مو خايفيين لا من امن ولا من جيش
وبرجع بقلكن اهالي دير عطية بالذات اذا حبو يتظاهرو بيعملو الي ما انعمل .......
نحن طلاب جامعة ولازم نضل واعيين لهالشي مو كل شي بينقال بيتصدق
سألتو حالكن انتو ليش طلعتو هلق بهالوقت ؟
ليش مو بالسنة الماضية مثلا ؟ مو الي عم يطلع عم يضحي بروحو وعم يجاهد؟ ليش ما طلعتو السنة الماضية؟ ليش هلق شو الي ذكركن شو الي خطر ببالكن؟؟
ولا بس لأنو شفنا الي قبلنا طلعو وحصلو ع الي بدن ياه.......بس كمان صار فتنة بمصر .. وحرب بليبيا وحرقت الاخضر واليابس
ونحن بنحصل  علي بدنا ياه بس مو بهالطريقة  ... مو بهالطريقة الي بتقتل اخي واخوك
مو بهالطريقة الي بتعزمو فيها التدخل الخارجي عزيمة ليفوت يقتل ابي وابوك
معليش فكرو شوي وخلو يكون عنكن شوية حكمة...... مع فورة دمكن ........ انا والله حاسسة فيكن........ وانا ما عم استنى ليصير الي بدكن ياه ولا عم استنى يضل الوضع على حالو
انا بس عم استنى وادعي لربي انو ما عاد يموت ناس ....لانو ماعاد ام تفقد ابنها ولاعاد ولاد يتيتمو بلا ابوهن....سواء من الامن او الجيش او المواطنين
 عنجد الله يآمنا بأوطاننا ويحميكن يا رفقاتي ويا اخواتي............
لأنو اد ما اختلفنا بالرأي بنضل اخوات وولاد بلد واحد
دمتم بود وحفظكم الله من كل مكروه
سامحونا اذا اطلت الحديث او ما اتقبلتو رأيي

أول شي بعتذر من الجميع إذا حدا فهم أني حطيت الموضوع لإحكي على أهل ديرعطية اللي هنن أهل ضيعتي  أكيد موقاصدة هيك  والموضوع  منقول من أحد صفحات (أهل) ديرعطية كمان
وآسفة إذا حكيت شي بيجرح أكيد أنا موقليلة أصل بس هو من حرقة قلبي عللي سمعتو على أهل بلدي ولو كان اللي قالها بيقصد مزح مع أني بعذرهم  وماعمقول أنو هنن ساكتين أو شي بالعكسسسسسسسسسسسسسسسسسسس تماماً في ناس أول شي حاولت تعمل شي بس دغري تلملمت القصص وتعتمم عليها
وأنا شخصياً ماصار عليي شي  بس مومعناها نساند الظلم!!
هاد اللي عميدايقني

rose of spring
بغض النظر عن المشاركات الأولى واللي عرضتي فيها وجهة نظرك واختلاف وجهات النظر لايفسد للقرابة قضية (وأهلا ببنت العم أهلا)
وأنا شخصياً مابصدق أي شي إلا لما بتأكد من أكتر من شخص أو شوفو بعيني.....
وبالنسبة لحكيك أنت قلتي
ليش مو بالسنة الماضية مثلا ؟ مو الي عم يطلع عم يضحي بروحو وعم يجاهد؟ ليش ما طلعتو السنة الماضية؟ ليش هلق شو الي ذكركن شو الي خطر ببالكن؟؟ولا بس لأنو شفنا الي قبلنا طلعو وحصلو ع الي بدن ياه.......بس كمان صار فتنة بمصر .. وحرب بليبيا وحرقت الاخضر واليابس
لاء مو لأنو هيك لأنو القصة بلشت بفتيل بمنطقة درعا وشافوا غيرهون ماعاد سكت عن حقو فماسكتوا وتطورت القصص وانتقلت من محافظة لأخرى
وقلتي عالطيارات والمدافع اللي بدها تقصفنا إذا اجا تدخل طيب في عالم هلأ عمتفيق على صوت الرصاص بجوز مانكون أنا وأنت بس ماننكر أنو في هيك عالم مو حقهون كمان يعيشوا بأمان
وفعلاً الله يآمنا بأوطاننا
و سامحوني إذا أطلت وسامحيني إذا حكيت شي يدايقك أختي وبالنهاية نحن من بلد وحدة و من منطقة وحدة برجع بقلك اختلاف وجهات النظر لايفسد للقرابة قضية
ومو ضروري نتناقش كتير بالموضوع مشان ماحدا ياخد موقف من حدا وشكراً إلك مع أنك شوي احتديتي بمشاركاتك الأولى
تقبلي رأيي

 

لك مسامحة يا الزنبقة البيضاء وطبعا نحن بنضل بلد وحدة ومنطقة وحدة وبجوز نطلع من نفس الحارة كمان :)
انا بجوز احتديت بردي السابق لأني انا من شههرين اجيت من سورية لهون ع السعودية بس تركت قلبي وعقلي وروحي بسورية
تركتن عند اهلي واخواتي .............
بقى لهيك انا احتديت من خوفي ع اهلي وعلى اخواتي الي هن انتو بترجاكم لا تكون فورة دمكم هي السبب بخراب البلد
بتمنى من كل شخص معارض يحكم عقلو قبل قلبو
اكيد مات واستشهد ناس كتير مالهن ذنب .......... وبنترحم عليهن والله يسلم الباقيين ويخليين لأهلن او ولادن ...... بس كمان ما بدنا ننشر شغلات بتخوف ...... عن الموت والدم والتضحية... نحن لساتنا تحت حكم معين ... تحت نظام معين ... وما فات العدو الاسرائيلي او الاتحاد الاوروبي علينا لنقول دمنا وارواحنا وما بعرف شو......... نحن بنضحي بأرواحنا صح بس ضد العدوان الي بيفوت علينا من برات البلد --- مو نحن بنعمل عدوان بين  بعض وبنقوم على بعض و وكأنو
نحن بعيلة ما الها أب
وما عم يحسن يسيطر على ولادو


جمعة مباركة اخواتي ونشالله بنلتقى على خير وحب وسلامة