هلق أنا أكيد مع الزملاء بالنسبة للعنوان
أما بالنسبة للمضمون فأنا قرأتو
وهوي عبارة عن تجربة شخصية لألك
فعادي أنو أنت عم تحكي من الوجع
وبعدين أنت اعتذرت آخر شي من الفتيات الصادقات
بس ليش خفوا المشاركة؟

شو من شان لسا المشاركة مخفية من مبارح . وكل البنات ناطرين من شان يعلنوا الحرب

صح أني لما قريت العنوان قررت اعلن الحرب           

بس إذا فكرنا شوي بالعنوان منلاقيه مافي شي أنت قلت ليش ياربي خلقت خيانة حوا
مو كل بنات حوا خاينات
متل مافي بنات كتير بقولوا ليش ياربي خلقت كذب آدم
كل واحد بيحكي من تجربة ممكن يكون عاشها
تقبل مروري
بس طبعاً لسة عندي فضول شوف المضمون

ليش يا ربي خلقت خيانة حوا

ومن بعد نصّ العمر شو رح قول
ضيعان الهوى ؟
هالقلب انكوى
ولا لقيت بلسم للجراح
ولا دوا...
من بعد نص العمر
وغناني القمر
بليالي السهر
ترندح قصيدة حب ما بتشبه حدا
إلا الصدى
ودقات شي قلب انكسر .
تواضعت قدّ ما بقدر أنا
وما ضلّ فييّ شي إلا وانحنى
كرمال حب يمكن بلحظة يختفي
وشموع ضوّيتا لحبي تنطفي
وأنا
أنا اللي كنت معتقد إني أنا
كرمال حب عم ضحي بليالي الهنا
وينو الهنا ؟
وين السعادة والفرح
"تخمين هالقلب انجرح"
يا حسرتي إن حسّيت من بعد العمر
إني انحنيت لصورتك مش للعشق
وإني انهزمت وقلبك القاسي انتصر
متل الصخر متل الحجر .
متل جبل صوّان قلبك
ما نبت فيه العشب
ولا ورود سحرية
شو هالقلب المكلل بأشواك
من بعيد منشوفا ورود جورية
وين الورد؟
وين القمح؟
وزهور برّية...
ما بيشبه بهالدني قلبك إلا الجرد
وتلال منسية.
من بعيد شفت غراب حاملّي إلي
مكتوب بظرف أسود مخملي
بقلبو هموم هموم
وحكايات
وحروف متل اللغز مكتوبة
وشكوى بسّ للربّ وعتوبة
ليش يا ربّي خلقت خيانة حوّا؟
ياريت
و اعلوّا
لا جيت عالدنيا ولا شفت ظلم الناس
ولا ربيت عالصدق
ووعيت عالوسواس
إنو بهالدنيا في حبّ !
لا يا ناس
كومة كره هالكون
بمية لون ولون
نحنا عم نصيغو
ونزيّنو بألوان مرغوبة
ونرشرشو بالمسك وطيوبة
وبالقلب دمعات مسكوبة
إيييييه
وليش يا ربي خلقت خيانة حوا ؟
مع خالص احترامي لكل بنت صادقة

انا اسف لان حطيت الموضوع كرد بس لان الادارة لهلأ ما تحننت علي واظهرت الموضوع للجميع . هدا هو الموضوع بتمنى تعطوا رأيكم

لن أسترد منك قلبي ولكني سأرد لك قلبك ............... لن أحتفظ بقلب لم يعد يخفق عندما يراني       

مع خالص احترامي لكل بنت صادقة شكراً لهي الجملة وإلا كنا أعلنا الحرب عليك