السلام عليكم
اقتباس
اما فكرة إني انطر جوزي ليعطيني مصاري و يمنني فيون...فلا و ألف لا..
اقتباس
أنا تعبت و درست و أهلي صرفوا عليي كتير...ماني مستعدة اني انسى كل هاد الشيو حطوا ورا ضهري...
... يعني وين المشكلة إذا كان قادر يأمن حياة كريمة؟ البيت أولى بالزوجة ... وبحال كان في ولاد فهن أولى
وما في شي أسمو يمنني ... يعني هي مسؤوليتو وواجبو وإذا ما عمل هيك هو مقصر ... وبعدين هن عم يبنو أسرة فما بيعود في هو وهي وكرامتو وكرامتي وهالأمور
وقيسيها عأنو هلأ لما بتكون الوحدة مع أهلها عم تدرس أو وما عم تدرس (ونفس الشي بالنهاية الشغل) ... فأبوها عم يصرف عليها ومندون منية وهون هية ما عندها مسؤوليات
و"عن تجربة" عنا بأكدلك أنو التوازن مستحيل يصير (طبعاً حسب طبيعة العمل أحياناً ومدة غيابها عن المنزل) ... كلو بحسابو ... يا بصحة المرأة لأنو حتنهك كتير ... يا ببيتها وأولادها اللي حيصير فيهن تقصير كتير
اقتباس
يعني شو عرفني شو ممكن يصير و يطلقني بأي لحظة و أبقى بدون شغل...عالة عالمجتمع؟؟؟
اقتباس
وهي نحنا عم ندرس مشان احتمال الطلاق مانا آعدين
برأيي متل ما تفضلت حورية البحر ... الشهادة متل ما بيقولو سلاح ... لهيك لازم يكون في شهادة مع كل البنات ... بس ما كل مين درست بالضرورة لازم تشتغل ... لأنو في شباب ما ملاقين شغل وببعض الحالات هن أولى (طبعاً الرزق موزع يعني ما حدا بياخد رزق حدا) بس كمان لازم نفكر بغيرنا إذا أنا بس رايحة أشتغل لأشتغل يعني مو لأمن رزق ... أما الرجل فدائماً عم يشتغل ليأمن رزق
مبارح د.عمر عبد الكافي كان عم يحكي بهالموضوع ... وأنو المرأة دائماً في مين يعيلها (الأب - الأخ - الزوج ....) وهي من مسؤوليتو (وبالتالي هي ما إسمها عالة ... هي قوانين الحياة) ... وفكرة المرأة الخارقة مو صحيحة ولازم المرأة اللي بتفكر بهالطريقة تراجع حالها ... كونها بنت فالشغل مو غلط بس هو مو ضرورة طالما في شي أولى ... والبنت بتفرق عن الشب بأنو مو هي هية أولوياتها
وطبعاً الشغلة ما بتقتصر عالطلاق (لا سمح الله) ... ممكن يكون في حالة مرض أو وفاة أو أشياء وظروف ما بتخطر عالبال (كمان لا سمح الله) ... ومتى ما معها شهادة فبتقدر تشتغل بأي وقت ساعتها
ومشان أنو اللي تعلمنا ما يروح ... فبدك تشوفي الأولويات ... وهلأ بعصر النت صرتي بتقدري تفيدي وأنتي بالبيت بنشر علمك أو الإجابة عن أسئلة إلها علاقة بإختصاصك ...
يعني كل شي ممكن بوجود الظروف المتغيرة وما في شي بيلغي شي ...
تقبلي مروري...
سؤال للصبايا...بصراحة
