كيفكون صبايا...(صبايا الجامعة المتعلمات)و كل صبية متعلمة إلا شخصيتها المستقلة..

بصراحة بدي جوابكون :
اذا قررتي الارتباط و كان الشخص اللي بدك ترتبطي فيه اشترط انو تتركي شغلك و تعدي بالبيت...

بتوافقي تتركي شغلة و تنسي كل سنوات حياتك الدراسية...التعب و السهر و توتر الفحص...إلخ..

مشان رغبتو هو؟؟ ;  

نعم            أو                 لا

و شكرا الكون كتير

أنا من ناحيتي هادا الخيار مرفوض تماما...

انا ماعندي أي استعداد إني عيش حياتي من دون شغل...

هلق طبعا بس يصير في ولاد رح تقل ساعات الشغل أو بشوف اذا فيني يكون عندي مشروع خاص(ولو كان صغير).

اما فكرة إني انطر جوزي ليعطيني مصاري و يمنني فيون...فلا و ألف لا..

أنا تعبت و درست و أهلي صرفوا عليي كتير...ماني مستعدة اني انسى كل هاد الشيو حطوا ورا ضهري...

والله إذا كان الشاب يلي متأدملي أخلاؤو منيحة و حالتو ميسورة وممكن يوفرلي كل طلباتي و بيستاهل هالتضحية مني ليش لأ .

وبلا شغل وبلا تعب


وعلى فكرة أغلب الشباب الدارج هلأ عم يدوروا على الموظفة مشان يلطشوا معاشها
وقلة جداً من يطلب من خطيبته أن تترك العمل

سلام

السلام عليكم

                                                                                                                                           
طبعا إي
                                                                                                                                           

شكرا كتير للصبايا اللي عم يردو...
بالنسبة لموضوع انو مادياتو منيحة و قدران يوفر الطلبات..

أنا بشوف انو البنت الذكية هي اللي بتحط كل الإحتمالات بعين الاعتبار..

يعني شو عرفني شو ممكن يصير و يطلقني بأي لحظة و أبقى بدون شغل...عالة عالمجتمع؟؟؟

وهي نحنا عم ندرس مشان احتمال الطلاق مانا آعدين

بالنسبه الي مارح ساوي شي اذا مو مقتنعه فيه
مع اني مابقدر اشتغل وكون مسؤولة عن بيت لأنو إذا بتشتغلي ومتزوجة مابتقدري تعطي كل شي حقو الكامل
تقبلي مروري

اكيد رح حاول اقنعه

بس اذا ما قبل مو مشكلة بترك الشغل

المهم هوة مايقصر على البيت والولاد بالمستقبل بشي

أكييييييييييييييييييد لأ
إلي أكتر من 13 سنة عم أدرس ...وبدي شي 4 سنين لخلّص .....وبالأخييييييييييير يقعدني بالبيت !!!!!!
والله ماحزر....بالله شو !!!! فرضاً(لا سمح الله ...طلع بخيل  او تطلقنا شو إرجع لكون عالة على أخواتي؟؟؟؟ و(ولو أنه أخواتي ما بيقصّروا )
المهم العريس اللي بدو يقعدني بالبيت بلااااااااااااااااه ....الوظيفة أضمن ........

                                          باااااااااااااااااااااااااي