يعني ما بئدي نازعين عيشتنا الا كمان لاحئينا عالجوامع شي بيختصروا الصلاة ل8ركع ويوم مافي ويوم  بنتشروا بنص النهار وبصيروا يكفروا ويشربوا كولا مشان يستفزوا العالم واحلى شي حاطين حواجز كاننا جايين من دولة لدولة يعني حرمونا نقدم مواد +الصلاة لانو عنا اقتحموا الجامع وشحطوا8 من جماعة" المريخيين"  بلاضافة انو كل يوم خميس في حفلة قواص مشان يرهبوا الناس ئال يعني  واخر شي نحنا سقطنا وهنن لساتن

ميت في جسد حي..

الكلام تبع الموقع اللي بيقول انو المتظاهرين خربوا الجامع او انو الشيخ " انضرب لحاله " ما بيهمني...وما بيهمني شو انعرض عالجزيرة والعربية لكن للصدفة دائما بتطلع روايتن هي الأقرب للحقيقة مع فارق بسيط  بالدقة بسبب المنع من قبل الطغاة المجرمين...عكل حال مو هون حديثنا
اليوم بعد صلاة التراويح وقبلها أكيد رح يصير شي بالجامع..شو رأيك توقفي بمكان بعيد وتصوريلنا كل شي بيصير كونك متأكدة انو مافي غير السلام والمحبة والسكينة ورفوف الحمام تحف المصلين بأجنحتها تحت رعاية الممانع المقاوم بشار حافظ الاسد...
لذلك الفيصل بالحكم هو انه  تنزلي وتصوريلنا كل شي ووقتها منتأكد شو الصح وشو الكذب
بس ديري بالك حدا من الامن يشوفك لان بيصير اعتقال عشوائي..
سبق وطرحت " هالتحدي " بأحد المواضيع بس ما حدا من المؤيدين بيسترجي يقبل


تشاو

أكتفي هنا

تراويح ومن ثم مظاهرتنا اليومية في مسجد الحسن

الدعوة مفتوحة


سلام

قال تعالى :
"ومن أظلم ممن منع مساجد الله أن يذكر فيها اسمه وسعى في خرابها أولئك ما كان لهم ان يدخلوها إلا خائفين لهم في الدنيا خزيٌ ولهم في الآخرة عذابٌ عظيم"
صدق الله العظيم

السلام عليكم .......

ماحدا بيرضى بأي اعتداء لا ع الشيخ الرفاعي ولا أي حدا من شيوخنا
بس معقول كل اللي صار ولهلأ ما حدا شاف الفتنة ؟؟؟

الشيخ البوطي والشيخ حسون بينشتمو بأبشع الكلام واليوم الشيخ الرفاعي بينضرب ولسا ما شفتو الفتنة ؟؟!! حسبي الله ونعم الوكيل !!

انا مسدقة اللي صار بالجامع بس في مبالغة كبيرة ومن الطرفين عم تزيد الأزمة وتشعلها

لك معقول حدا عاقل بيتصور انو كم متظاهر سلمي (وحطو مية خط تحت سلمي ) رح يطلع بإيدهن يسقطو نظام بحالو ؟؟؟ لكن لشو العلقة مع الأمن ؟؟ حدا يفهمني شو الهدف؟؟
لا حدا يقلي متل مصر !! مصر قصة تانية تماما واقل اختلاف بقدر جيبو انو الجيش كان الو الدور الاكبر ......

بس عنا بالبلد هالفورة كلها ما بتجيب إلا مصايب اكبر .. هاد بيضرب من هون التاني بدو يرد .. أي دين بيبرر هالشي؟؟؟

ياريت تشوفو هالفيديو

فيه شباب من خيرة شباب الشام عم تحاجر الامن .. طيب في قوات أمن بالدنيا كلها رح تضل واقفة عم تتفرج ؟؟؟ (( هلأ بيطلع واحد بيقلي هدول محبوسين بالجامع ودفاع عن النفس وما بعرف شو )) طيب كيف بتفسرلي انو كل جوامع الشام ما قرب عليها الامن إلا هاد حصرااااا؟؟

انا واهلي أحيينا الليلة بجامع بنص الشام (مع العلم انو الشيخ حكيو كتير بيشبه حكي الشيخ الرفاعي ) بس ما حدا قرب علينا واطلعنا ع بيوتنا طبيعي ..

انا مستحيل حط الحق على المصليين .. بس كمان ما بدي حطو عالأمن
الطرفين مسؤولين والمطلوب ما يصير هيك تصادمات يكونوا فيها الطرفين خسرانين


على فكرة .... المسجد بيت الله وهو لكل الناس مو مسجد الشيخ الرفاعي
تعليقا على عنوان الموضوع بس ...

بتمنى أعرف سبب إخفاء المشاركة مع الابقاء على غيرها


بالانتظار .................................