الإخبارية السورية تعرض صوراً لساحة الأمويين ..
بس وين النهفة .. أنو حاطين فيروز كموسيقى تصويرية !!!!!!!!!

ما بعرف ليش حاطين فيروز؟؟ يمكن احتفالاً بليلة القدر.. أو يمكن مشان يقولو "سوريا بخير" والدنيا أمااااااان

لاحول ولاقوة إلا بالله العلي العظيم

بالأمس يقيم الأسد مأدبة للشيوخ والعلماء
واليوم يُدخلهم في دائرة الإستهداف !
وتتوضح رسالة النظام في ذلك

تماماً كـ شارون عندما أتبـع "المبادرة العربية والقادة المجتمعين"
بإرتكاب -مجزرة جنين 2002-
فأوصل أيضاً رسالته على طريقته


اللهم عافي وشافي شيخنا الرفاعي وكل الجرحى معه
وإرحم شهداء الأمة
وإنتصر لهذا الشعب المظلوم


في القلب كلام أكثر
ولكن الأخوة ممن سبقني (ناقش وأجاب و وجه أسئلة)  أغنت عن كلماتي


ولكن إستوقفني مصطلح لأول مرة أسمعه (القذيفة الشفافة) ! ! !
ياسيدتي سأعطيكي أكثر الكاميرات جودةً وأتحداكِ أن تستطيعي ضبط صورة القذيفة وهي في الهواء
وحبذا لو تلاحظي شكل الدمار في المأذنة وكيف تحركت الحجارة !

أرجو ألا نغلق عيوننا على -إعلام- إعترف بكذبه ودجله وفشله من قبل حتى من يعملون فيه
ومعهم شريحة واسعة من المؤيدين للنظام


وأذكر بسؤال هام ومفصلي

لما تُنقل أحداث -ساحتي الأمويين والعباسيين- بالصـــور المباشرة
و -أحياء وساحة كفرسوسة- بالمتصلين فقط , وهي لاتبعد عن مبنى التلفزيون أكثر من 5 دقائق
!؟
وينسحب سؤالي على بقية المناطق التي تشهد حراكاً الآن

وأرجو ممن لايعرف -الشيخ النابلسي- حق المعرفة
ألا يخوض في أحاديث غايتها شدُّ البساط إلى جهته !!

أرجو من الأخ مايسترو.. وباعتباره شاهد على ما حدث ليلة الأمس أن يصف لنا ما حصل بدقة وأمانة....

أنتظر ردك أخي الكريم بفارغ الصبر

السلام عليكم....

بالتأكيد هيك اعتداء مرفوض مين ما كان يلي عاملو...

التأخير بالمشاركة ليش لعدم الرغبة وانما للتحقق من بعض الامور في هذه القضية وغيرها....

بعلق بالتفصيل وقت تتوضح الصورة بشكل كامل...

الحكي مظبوط و للأسف

انا كنت هنيك

حاول الإعلام السوري أخذ كلمة من الشيخ أسامة في المشفى و لكنه رفض و قاموا بمفاوضته على ابنه فقال لهم له رب يحميه !!

هؤلاء هم علماؤك ياشام
هؤلاء هم رجالك يا سوريا
هكذا يفهم الشيخ أسامة دينه أن لا يخاف في الله لومة لائم ولا يتحدث إلا ضميره ..

بوركتم يا آل الرفاعي ودمتم لتعلّموا العلماء كيف هي الرجولة وكيف هي المشيخة

أهلا وسهلا فيك أخي أمير حمص .. بتشرف بأي وقت...

بس أنا ما علقت عالتأخير بالرد.. أنا بس حبيت شوف ردك قبل ما نام...

يا أخ مايسترو .. الله يخليك نحنا ما بدنا تأكيد للخبر لأنو متأكدين...

بس بدنا التفاصيل.. التفاصيل... لأنك حالياً بالنسبة إلي (ويمكن لمعظم الأعضاء) أكثر ثقة من غيرك... لذلك أرجو ألا تتأخر علي.. بالتفصيل الممل...

السلام عليكم جميعا
سأروي ماحدث بالتفصيل

قبل الصلاة الأخيرة وهي ختام الليلة قال لنا الشيخ  ( شباب هلأ نحنا مارح نكمل الليلة ومارح نساوي ختمة القرآن فيها ف خلوها بكرا  وهلأ انشالله ما يصير شي بين الطرفين وماحدا يساوي شي بهي الليلة )

لكن كانت الليلة غير كل الليالي فقد قرأنا ورد النصر وياله من ورد يشحن القلوب

وفي الدعاء الأخير أخذه الشيخ للشهداء و المعتقلين و يلي كان هنيك أو بجوار المسجد رح يرتعب من صوت (    يا اللللللله  )

وعندما يأتي دعاء على الظالمين يرتفع الصوت أكثر بحيث ما نسمع نص الدعاء الأخير بسبب الصدا

عند النهاية بدا الأمر طبيعي وخرجت انا والي معي  وشفت شي 3000 عنصر امن وشبيحة

ولما طلعوا ربع الجامع الي مغطى بقي النص البراني( للي بيعرفو )
وقالوا الله أكبر

ورأسا اجا االأمن وسكر الباب عليهون وحبسون جوا
والي جوا بلشوا يرمو القناني العصير على الأمن منشان يفتحوا البواب
أما باقي المصلين رجعوا ع الجامع وطالوا الأمن بفتح الأبواب لكنهم أبو  ف بلشت الناس الي برا بالتكبير وترديد الشعارات
يعني من فوق ال15 الف متظاهر
الأمن ماعاد يعرف شو بدو يساوي ف بلش بالقنابل الصوتية والمسيلة للدموع
بس ردينا رجعنا من ه اللحظة بلشت الاعتقالات والضرب واجا الأمن من الخلف والي هرب نفد وأنا بصراحة ماعرفت شلون وصلت ع البيت