بعدين أنا ما سبيتك ؟؟؟؟؟؟؟؟؟؟؟؟

بعرف بس ما بحب اسمع مسبات على حدا بما انو نحنا بمنتدى طلابي

خلينا نحترم هالشي

تحياتي

ليش خير شو عم يصير كمان بالتل أنا رفيقتي ساكنة هنيك وما في عندهم شي كل يوم بتطلع مظاهرة عادي ما حدا بقرب عليهم ورفيقتي امبارح نزلت على سوق التل واشترت تياب العيد

**************شكراً****************

            للجزيرة والعربية 

ليش خير شو عم يصير كمان بالتل أنا رفيقتي ساكنة هنيك وما في عندهم شي كل يوم بتطلع مظاهرة عادي ما حدا بقرب عليهم ورفيقتي امبارح نزلت على سوق التل واشترت تياب العيد

طيب أنا رح حدد تاريخ كل يوم بحكي مع رفيقتي كل يوم ولو في شي فظيع متل ما عم تحكي كانت ما قدرت تحكي واختنق صوتها متل رفيقتك المهم كل مين رح يضل على رأيه وهي المصيبة بهالبلد مشان هيك الله يختار الخير ويلا باي

المشكلة اني أنا ممكن اقتنع وجاية عبالي افهم وجهة نظركم

وحكيت مع أكتر من حد مؤيد من المنتدى وبرا

ولا حدا قدر يقنعني مو لانو انا ما بدي اقتنع

بس ما لئيت شي اقتنع فيه

ودائماً يلي بشوفو كتير بعيد عن كلامكم

والله يختار الخير لسوريا وشعبها

وما حدا بيتمنى انو بلدو أو حدا من شعبو ينأذى

المظاهرة 5 دقائق وبس لانو الامن ع السريع بيجي رد علي ما بشوفوا مظاهرات بعدين عنا بكلية الهنسة المدنية طالب سكن بشام اسموا محفوظ مقداد ساكن بشام بالمدينة الجامعية  و بيدرس اجت مرة عطلة مع جمعة وسبت  ونزل على بصرى الشام  مشان يشوف اهلوا تاني يوم طلع التلفزيون على اساس انو عضو بخلية ارهابية يلي بمدينة درعا مع ابراهيم مسالمة رئيس الخلية فشلون بدي اصدق

ما جاوبتيني
أنا من وين ممكن جيب الأخبار عن أهلي يلي منطقتنا ما طلبت الجيش ولا فيها عصابات مسلحة  وعن بلدي ؟؟؟

تحياتي

عن طريق الهاتف كونوا بسوريا مومقطوع والدليل هوي شهود العيان يلي عم يتصلوا وقت بيكون الجيش عم يقصف المدن والقرى

سلام.........

المظاهرة 5 دقائق وبس لانو الامن ع السريع بيجي

لا ياحبيب الغاية هوي التصوير فقط مثال المليحة .......................

والله الامن قدماكان سريع بدو ربع ساعة انقللت رجاء احترموا عقولنا شوي

عزيزي( أنا....)

أنت متأكد انك بالكسوة يلي بسوريا ؟؟؟؟

لانو انا كنت رايح عالمزرعة ومرقت من الكسوة وفي قدام الفرن بالساحة دبابتين يعني شفتون بعيني ما حدا نقللي بقا الله يخليك عن اي كسوة عم تحكي
ليكون عن الكسوة يلي بالأردن لانو في منطقة بنفس الاسم هنيك
وتاني شي الكسوة مالها حارة او عشر حارات الكسوة كبيرة كتير وهيه قسمين

قسم منتفض وقسم لأ

وبالنسبة للمسيرات المليارية مافي حدث مهم لينعرض يعني ما عم يصير قتل ولا في قنابل غازية ومسيلة والقتل والاحتقال ومسلسل توم وجيري يلي عم يصير شي كلاسيكي وصرلو سنين عم يصير ....عادي