بعدك ياوطني بعدك

لا قبلك ولا بعدك

كيف ماكنت الأحلى إنت

وكل الدنيي من بعدك

ياااااااااااااااااا وطني

مؤيد أم معارض:أنا مع الوطن !!!

مع النظام أو ضده: أنا مع الدولة!!!

بصراحة من المجاعة التي في الصومال عرفت مدى شفافية تلك الوصلات :

1- الشفافية : لم افهم الشفافية بشو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

2-جامعة دمشق : تم تصنيف جامعة هارفراد على أنها الاولى عالمياً ولكن هل كل  أمريكي

يذهب ليسجل بجامعة هارفراد دافعا فقط مبلغا 5أو 6 دولارات أم يدفع نفس المبلغ مضاف إليه  كم صفر

جامعات مهزلة الخليج العربي : لايسمح لأي فلسيطني بالانتساب ولي أحد المعارف حسب معدلوا السعودي "حقق حلمه بدخول كلية طب الانسان" ولكن النهج السعودي دفعه للالتحقاق بكلية الاقتصاد جامعة دمشق

للامانة : قبول الطلاب الأجانب يتم وفق منح "مكرمات"من الحكومة أو من خلال الواسطة

وبشكل أخر: 

أي لو استضافوا الاشقاء العرب الاخوة في فلسطين لوجدت وضع الجامعة افضل 

تتيح جامعة الملك عبدالعزيز للطلاب والطالبات فرصة الالتحاق بالجامعة للحصول على درجة البكالوريوس بنظام الإنتساب بتكاليف رمزية مقدارها ٣٠٠٠ ريال سعودي عن كل فصل دراسي وفقاً لنظام المستويات الدراسية، تهدف من ذلك إلى تخريج كوادر وطنية مؤهلة تسهم بشكل أساسي في دفع عجلة التقدم والتنمية،ويتم القبول للانتساب دائماً للفصل الأول فقط.

وتتوفر الدراسة بنظام الانتساب للكليات التالية (طلاب/طالبات):

١- كلية الآداب والعلوم الإنسانية ( وبها الأقسام التالية ):
أ- قسم اللغة العربية.
ب- قسم الدراسات الإسلامية.
ج- قسم الاجتماع.
د- قسم علم النفس.
هـ- قسم اللغة الإنجليزية.

٢- كلية الاقتصاد والإدارة ( وبها الأقسام التالية ):
أ- قسم الإدارة العامة.
ب- قسم إدارة الأعمال.

3- حرية الصحافة : في الصومال رغم المجاعة بدال ما يعملوا صحف يشتروا شي ياكلوا أحسن من تبرعات وحسنات الامم المتحدة؟؟؟!!!!!!!

حرية الاعلام الخليجي خير دليل العربية/السعودية/  :

 حافظ الميرازي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 http://www.syria-news.com/readnews.php?sy_seq=128678

ونقلا عن أحد المنتديات السعودية "لاحظوا الردود رقم 2+3"

http://lb5dl.com/vb/showthread.php?t=7443

4- حرية الاقتصاد : موريتانيا ؟؟؟؟؟!!!! أخر انقلاب كان 2009مدري  2008

ومدى الرفاهية  يلي فيها واضح الموقع شو شفاف

5-استخدام النت :

له عوامل كثيرة : الجهل , والأهم : غلاء الاسعار ولاحدا يقلي الحجب ما شاء الله برامج فك الحجب أوكسره شغالة على أبو موزة.....

6- الأمان : هلأ فهمت ليش ربيع الثورات العربية ما وصل للخليج العربي ولما وصل بالبحرين دغري برد من دون لا احم ولا دستور

7- أسعار العقارات : البيت حلم لأي انسان ولاسيما الامريكي وإن أزمة 2009 التي ابتدأت بأزمة الرهن العقاري مروراً بأزمة مالية نهاية بأزمة اقتصادية عالمية بالرغم من شدتها  ليست كتلك التي عصفت بالعالم عام 1933أزمة الكساد الكبير لخير دليل على ذلك

1- الشفافية : !!!!!!


2- التصنيف ما كان على اساس القسط المادي كان على اساس انو البني ادم يلي بيتخرج شو بكون تصنيفو بالعالم (( التصنيف واضح مين جاب سيرة الماديات )) مافي مجال للنقض الدليل موجود وبالنسبة لمليون ولا عشر مليين بهارفورد فهاد موضوع تاني.

وبالنسبة لجامعات الخليج وانو ما بينسمح يسجل فيها فلسطيني فهاد كمان موضوع تاني وكل دولة حرة بالسياسة يلي بتتبعها جامعاتها .
ومافي شي اسمو مهزلة جامعات الخليج لانو مستوى المتخرج من هنيك افضل من عنا والرابط موجود وبحدد المستوى بين الجامعتين .

3- البند بس عن حرية الصحافة ليش بتطلعي من الموضوع لتتهربي من حقيقة واضحة وباينة !!!!  يا جماعة البنود واضحة ومو انا يلي كاتبا هاد تقرير وكل بند واضح لا حدا يفوت شغلات براتها .


وحرية الاعلام الخليجي
انتي بتعرفي ليش شو يلي كان صاير بالبحرين ......خلينا ساكتين
4 - حرية الاقتصاد: يا عزيزتي والله انا عم احكي عن الاقتصاد مين جاب سيرة الانقلابات ههه والله شي بضحك  الحرية الاقتصادية هيه انو لما تحب تساوي مشروع كبير ببلدك ما يجي واحد ويدحش حالو ويقللك انا بدي شاركك النص بالنص وازا ما عجبك بلاد الله  كتيرة

5- بالنسبة للانترنت مافي داعي ينحجب شي نحنا فينا عقول بنحكمها ما حدا من حقوا يحجب شي عن حدا والاسعار الصاروخية يلي متبعينها يعني بالاخير نص الشعب يا دوب عالديل اب يلي هاد الواحد بيتصفح 5 دقايق وبيقرف حياتو من البطئ وطبعا البطئ من مصلحتون حتا ما حدا يلحق يعرف شي
ماشي ما حدا بحقلو يحجب شي لمصلحتوا هوه

7 - البند كان موضوع عن اسعار العقارات في بلدنا وشو ترتيبها بالعالم

موضوع الازمات الاقتصادية شي تاني بدو موضوع تاني


واعتذر للاطالة

اخت ميت في جسد حي بغض النظر عن كل الاحصائيات سواء صحيحة او لا مع اني ما بشك بمصداقيتها وبغض النظر عن كل شي هلق صاير بسوريا.. بالله عليكي هي عيشة اللي عايشينها ؟ معقول بلد مهاجر منه تقريبا قد نص السكان اللي جواه ! يعني من كل تلاتة يطفش واحد ؟ ولا معقول يتخرج الواحد وما يعرف بعد كم عشر سنين رح يقدر يشتري بيت ؟ ولا معقول الواحد يكون قاعد بامان الله لا اله ولا عليه يجي واحد ابن حرام لأسباب كيدية شخصية يطرقو تقرير ينيمه اكتر من شهر تحت الذل والضرب بدون شي اسمه عدل او قضاء أو محاكم ولا حتى لو كانت المحاكم موجودة معقول الحق يتحول لباطل ب25000 ليرة للقاضي ؟ ولا معقول يجي واحد عالكلية أبوه شقفة مساعد بالأمن ما يسأل عالطلاب ولا عالدكاترة وياخد العلامات اللي بده اياها وغصبن عن الكل ؟ معقول نكون عايشين ببلد ثرواتها عمتنسرق قدام عيننا وما حدا بيسترجي يقول ليش؟ معقول تكون السيارة حلم ! معقول بعد ما اتخرج يتجمد مستقبلي سنتين كاملات مشان شي اسمه خدمة الزامية كون فيها شوفير وصل بنتو للضابط عالجامعة ومرتو عالحلاق ولا معقول كل الناس اللي استقلوا بعدنا بكتيير هلق عايشين عيشة فوق الريح ونحن لساتنا تحت الأرض وحتى لو حكينا بالمجال السياسي معقول نكون 23 مليون غنمة ممنوع علينا أي فعل غير الاكل والشرب والنوم وممنوع نشارك بالحياة السياسية ببلدنا وممنوع ينتمي الواحد للحزب اللي بده اياه وممنوع يفكر ولو تفكير يقترح شي لخدمة هالوطن...ليش رامي مخلوف عنده مليارات الدولارات وانا عندي عشرات الليرات ! مع انه الفرق بيناتنا بسيط جداً  انو هو زوج عمته حافظ الاسد وانا زوج عمتي شوفير بسيط...وفوق كل هاد ممنوع نسأل ليش هيك عمتساوو لان رح يكون هاد آخر كلام منقوله ونحن فوق الارض..


التقرير حكا عن الشفافية وما بدي دقق عالمصداقية لكن برأيك سورية فيها شفافية ؟ قناة الدنيا شفافية ؟ ولا البعث وتشرين والثورة اللي ما عاد الن لزوم لان صار في منظفات خاصة للبلور هود شفافية ؟ ولا في شفافية بحركة الميزانية وخصوصا ميزانية الجيش ولا نظام عمل الأجهزة الأمنية فيه شفافية ولا مجلس الوزراء كان يطرح التقارير والتقييم كل شهر بكل شفافية  ؟ نحن ولاد البلد وعايشين هالبلد ومنعرف أكتر من كل المنظمات شو في ببلدنا
الجامعات بكل بلدان العالم صارت " فرجة " ونحن عنا فكرة انو تعليمنا احسن من تعليم الخليج...اي لازم نكبس F5 ونعمل مليون رفريش لمعلوماتنا لان الجامعات الخليجية من حيث الكفاءات صارت منافس قوي للجامعات السورية بسبب الخطط المدروسة واستقدام العلماء والخبراء والدكاترة الاجانب حتى يدرسو بجامعاتن عدا عن الشكل الخارجي لمبنى الجامعة والاهتمام والنضافة اللي بتكون " فرجة " .... ويكون بعلمك انو المخابر وجمود المناهج بمكانها بينما العالم بتسارع جنوني والفساد الاداري رح يطلعو جامعات سوريا من التصنيف أصلا....صح في ايجابيات بالتعليم بس للأسف اعتبرها كافية ووافية بدون اي تطوير او اهتمام وكانت النتيجة هي انو تكون جامعاتنا بالمؤخرة..أما اشيا من قبيل حرية الصحافة أو الديمقراطية فما بتوقع انو حدا بسوريا ممكن يفتخر بانو هالشي موجود عنا لان بيكون عميضحك عحاله...


طبعاً اللي قلتو ولا شي...غيض من فيض....معلومات بسيطة وسطحية كل الناس بتعرفا عن سوريا...والخافي اعظم بمليار مرة.


سوريا بحاجة لنظام يهتم بسوريا مو بمصالحه..والنظام الحالي ما قادر على القيام بمسؤوليات هالدولة..أو بالاصح الشعب اكتشف " متأخراً " انو النظام اصلا مو نظام تطوير او اهتمام بالبلد انما نظام مصالح بحتة 10000 % لذلك قرر انو ما عاد مناسب يحكم هالبلد...

كلامك لا شك فيه اخي الرسم بالكلمات وانا بأيدك 1000000%

دائما ما يردد السوريين حكومة وشعباً مقولتهم أن سوريا من أكثر بلاد العالم أمناً، ولكن هذا ليس صحيح فقد احتلت سوريا المرتبة 115 عالمياً في الدول الآمنة حسب تقرير جلوبال فايننس حيث سبقتها من الدول العربية كل من السعودية والبحرين والأردن وليبيا ومصر والإمارات والكويت وتونس وعمان أما المركز الأول بين الدول العربية كان لقطر بترتيب عالمي 15. للتأكد اذهب للوصلة المرفقة

له له ولا هي موجودة عنا كمان

صدمتني والله !!!!!!

يلا انشالله يارب بيتحسن كل شي طالما عنا الارادة لهالشي

والحمدلله مو ناقصنا شي

ندى الشام

مافي شي بيصدم ...فنحن في سوريا

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

السلام عليكم...

بالنسبة الي هادا التصنيف ما بهمني لانو بعرف كتير منيح شو ظروف بلدنا بالاضافة انو في كتير شغلات السبب فيا هوي نحنا كأفراد....يعني متل يلي بقضي كل السنة لعب ولما يرسب بسب ع الدكتور...انا ما عم دافع عن الدولة لانو اكيد في مشاكل....بس انا بشوف انو بلدي احلى بلد يالدنيا وكلشي فيه بجنن.....

اما بالنسبة للامان....فشو ما كان الترتيب بكفيني من الامان انو كنت اطلع انا واخواتي البنات الساعة تنتين او تلاتة بالليل نتمشى بدون ما خاف من شي....

سلااام...

الامان يلي كنت عايش فيه هوه من الناس يلي حوليك صديقي امير حمص الشعب السوري مسالم بطبيعتو وبحب الخير للكل وما بفكر يأذي حدا

على عكس هلأ يلي ما عم نسترجي نطلع بعد العشرة مو خوف من الناس بس خوف من القناص يلي معتلي مأذنة الجامع عنا بالحارة ومن عناصر الامن المنتشرة كل كم متر مو من الناس يلي حولينا بالمشرمحي مو نظامك هوه يلي خلا بلدا أمن نسبيا على كل حال الاحصائية كانت على مستوى عالمي وانا ما ذكرتا لنوصل بالحديث لهون

الشعب السوري مسالم بس ما في مجتمع الا وفيه جرامية ومجرمين بقا اكيد نظامي هوي سبب الامان....الله يحميه...