هل الموضوع -للتصويت- أم -للحوار والإقناع- ؟

بالنسبة لي وفي الحالتين

الجواب

الرجل والمرأة معاً

ولن يفهم كل طرف مقدار الصعوبة لدى الآخر قبل أن يضع نفسه في مكانه

فمثلاً
عمل الرجل في نظر المرأة -واجب وأمر بسيط عليه يتحمله بقوته البدنية والعقلية و و و-
وأمور المنزل في نظر الرجل -واجب وأمور سهلة على المرأة تملئ وقتها بها و و و-

وليت كل طرف -يأخذ دور الآخر ليوم واحد فقط- ثم ليحكم بنفسه !


ولكن
في مجتمعنا العربي "أميل بنسبة معينة لترجيح كفة الرجل"  ;)

في مجتمعنا العربي "أميل بنسبة معينة لترجيح كفة الرجل"  ;)


بس أنا بالعكس

نحنا لو نطلع برا المجتمع العربي منعرف أدي المرأة بالمجتمع العربي بتتعب
برا الأم غير مسؤولة عن التربية وعن الاهتمام بالأطفال و بأعمال المنزل و التنظيف و لا أي شي
كل واحد مسؤول عن حالو بالبيت و الأهل متل الغربا الأم
شغلتا بس الطلعة و الفوتة
وشايفة حالا أم مثالية
مع أنو ما بتطلع نقطة ببحر الأم العربية
بس بالنسبة للرجل واجباتو نفسا بالمجتمع  العربي و الشرقي

بس بالنسبة للرجل واجباتو نفسا بالمجتمع  العربي و الشرقي

ولو !
لا أخالف بعض مما ذكرتي
ولعلنا اليوم بتنا نرى -رجال ونساء- يقومون بكل أنواع الأعمال !
وهذا خطأ وخطر بليغ يتهدد مجتمعنا

أما ماقصدت
فالرجل في مجتمعنا العربي -ملزم- بكامل أسرته
أكان فيها دخل آخر أم لا
وأكان دخله هو يكفي  أم لا
أأتيحت له فرصة للعمل أم لا
ملزم -بعائلته بأبيه بأمه بأخته ....- بما إستطاع وتيسر له
ملزم ببعض أوجه الإنفاق أو الأعمال التي يستلزمها -الواجب الديني والقيم العربية و رجولته ....

وبعض الأمور الأخرى التي تميز الرجل في -المجتمع العربي عن الغربي-

أنا برأيي كل واحد سواء كان رجل أو امرأة حياتو صعبة متل ما هية
يعني حياة الرجل صعبة لأنه رجل وحياة المراة صعبة لانها امراة
بس ما لازم ننسى أنو المراة فيا تشتغل و تربي ولاد و بدون ما ننسى شغل البيت طبعا
أما ابلنسبة للرجل فبيشتغل برات البيت و بس و بيرجع ليرتاح بدون ما يمد ايدو على غرض
يعني المرأة بتحسن تشتغل ضعفين مما بيشتغل الجل
صح و لا لأ؟؟

وعلى إعتبار أن الموضوع لم يقصد -الحياة الزوجية- فقط أو قيد الصعوبة بالأعمال

ففي خارج هذا الإطار
في المجتمع العربي أيضاً

(حياة المرأة أصعب من حياة الرجل في نواحي أخرى)
كنمط الحياة -بمظهرها-بخروجها-بحديثها .....
أمور كثيرة تجعلها تحت عدسة مجهر المجتمع
بعكس الرجل
أيضاً -ضعف بنيتها الجسدية بشكل عام- لايعطيها الحماية الكافية دون رجل بجانبها

تلك مجرد أمثلة لقائمة طويلة
لأن التفاوت كبير وتصعب المقارنة بين الجنسين
(أظن مقارنة الرجل مع الرجل -والمراة مع المرأة أصح!)

وأعيدها (الطرفين) لديهما من الصعوبة في الحياة مايكفي
فلينظر كل إلى جنسه وليشكر الله على نعمه

لو بتعرفو ياشباب قديش حياة البنت صعبة لحتى تضلوا ليل مع نهار عم تحمدوا ربكم يلي خلقكم ذكور البنت إذا بتشعل أصابعا العشرين شموع بتضلا مو عاجبة حدا لا أهلها ولا زوجها وعيلتو أما الرجل كل شي منو مقبول ماعدا إنو المجتمع ممكن يغفرلو كل أخطاؤه حتى لو كان الدين مافرّق فيا بين بنت وشب بس البنت عطول الكل ناطرها على غلطة صغيرة

سلام للجميع

مسؤوليات الشب أكتر

الشب مطلوب منو يدرس ما عندو خيار تاني

إزا ما درس مطلوب منو يشتغل ما عندو خيار تاني

يا أما رحضل عاطل عن العمل ومافي بنت رحتقبل في


البنت مو مطلوب منا تدرس

مو مطلوب منا تشتغل

بجيها العريس وهية مرتاحة




سلام

انا بس بدي أعرف كيف البنات متحملين حالون  الله يعينون
يعني أصعب شي بحياة البنت وقت بيجي خطابين لعندا أول مرة
وبيقلبوا المرأة كأنهاة بضاعة للشراء
أنا بعتقادي هاد أصعب شي  

ليش انتي شايف انو المرة بضاعة للشراء

يعني شو الطريقة التانية هلي بتقترحا للخطبة

يعني شي طبيعي رحيجو أهل الخطيب ويطلبو ايد البنت شو متوقع شي تاني يعني

سلام