هل الصداقة بين الجنسين ممكنة ؟ نعم
هل من الممكن الحفاظ على هذه الصداقة من دون تدخل مشاعر الحنية و مشاعر الحب مع الزمن ؟ على الأغلب لأ
وجهة نظري إنو الشب و البنت بمجتمعنا أو المجتمع الإسلامي حكموا على حالهن بالعذاب إذا عملوا صداقة و هاد العذاب نابع من إنو نحنا مسلمين عايشين بمجتمع إسلامي فما فينا نخالف القواعد الجوهرية بهالدين و إنو يكون عندك صداقات بنات شي حلو بس بنفس الوقت غلط لأنو في احتمال 95% تمشي بطريق الغلط و يلي عنجد بخاف من إنو يمشي بطريق الغلط هدول الناس يلي ما بتلاقي عندهم رفقات بنات أبدا أو على مستوى سطحي جدا
المشاعر دائما بتتغير و بتطور و الصداقة في احتمال كبير تتحول لشي أكبر من هيك و وقتها بكون عند هالأصدقاء احتمالين إما أن يسلكو طريق الحرام و هو السهل مقارنة بطريق الحلال الذي هو سبب أساسي لتأخر سن الزواج عنا
أنا بالنسبة للبنت يلي بتحكي مع شباب بحكم عليها حسب الشباب يلي بتحكي معهم فإذا كانو شباب أنا بعرفهم محترمين فكلامها معهم ما بأثر بنظرتي إلها أما إذا كانو الشباب شغل تطبيق و مياعة فدغري هالبنت بتسقط من عيني و ما بعود بكنلها نفس الاحترام و إذا عمتحكي مع شب ما بعرفو فما بحكم عليها إلا لحتى إتعرف على الشب يلي كانت عمتحكي معو
أنا أملك أصدقاء من الجنس الآخر و لكن أنا بنفس الوقت واثق من نفسي و من قدرتي على كبح جماح رغباتي و نزواتي تجاهن و ذلك هو سبب أساسي في حفاظي على هذه الصداقات
و كجواب بسيط على هذا الموضوع فهل أئمن بالصداقة الشفافة الطاهرة التي لا يتخللها أي ذرة شهوة أو من قبيل ذلك فجواب هو : لا
**آآآدم**هل تآمن بالصداقة بين الشاب والفتاة؟؟!!
