شو كني طفولتكن معذبة رفقاتنا بالمنتدى

شو كلو كان عالبلاي ستيشن عمي ؟؟؟؟؟؟

حكيلنا عن لعبة جارة وجارة ولما تجيبو عدة المطبخ وتتخيلوا حالكم انكم ستتات بيوت يابعدي  !!!!!!!

في عندك العاب كهربائية ئبل لعبة الماريو .. الوالد جبلي لعبة من لبنان قبضة وايديها عليها كبسات حمر وبتييجي الألعاب منها وفيها .

بعدين اتطورنا لألعاب الماريو كنت اول واحد بالحارة بختمها ودليتهم عالطريئ السري تبع المرحلة الثامنة .

بعدين انتقلنا للسيغا .. وبعدها للبلاي ستيشن ون وحاليا 2 وثري وبيس عالكمبيوتر .

هلأ هي كنت بلعبها مع بنات خالتي وبنات خالي

بس كنا كتير ننبسط فيها والله

بتذكرة مرة اجت بنت خالتي قال شو جايبة بنتها لعبة مسميتها فلة

 ولونها زهري

مدري اذا تذكروها هي اللعبة الصوف الي مو مبين منها غير وشها وايديها

وتعا شوف كل يوم نلبسها تياب شكل ونحطلها فرشة ونغطيها

اسقا الله ع ايام الخوت ههههههههههه

ياصبايا وينكن بدي سكر الموضوع اذا ما حدا شارك فيكن 

مين بده يرد بهالوئت مانك شايفة كيف الجو شوب .

والعصريات ماحدى اله مراء . انا الأهل مسافررين وئاعد لحالي ومعزوم عبيت عمي عالغدى فعم مرء وئت وانتي يمكن ماللة وضايجة فلهيك داخلة .

مرحبا

   

عن جد موضوع كتير حلو زكرني بأيام حلوة كتيييييييير ياريت ترجع      


أنا أكتر لعبة كنت العبها هنن تلاتة:

الأولى والأهم ضيفة وضيوف كنت العبها أنا وبنات خوالي وخالتي

التانية لعبة اسمها ((دئة عيش)): هي اللعبة كنت العبها أنا وكل ولاد العيلة البنات والصبيان لأنو بدها كترة 
اللعبة أكيد بتعرفوها هي انو في واحد بدو يركض ورا الباقي ويمسكون يلي بيمسكو بموت بقوم بيجي واحد من رفئاتو بيدئو وبيقلو عيش بيقوم بيتركو وبيرجع بيركض مع رفئاتو

وفي لعبة ((دئة حديد))

 

هي كنا نلعبها برات البيت هي انو منكون شي خمسة ستة لازم نمسك الايدين الحديد تبع باب صئاء((((يعني باب البيت وبواب الجيران طبعا منكون آخدين إذن منهون والا ستي بتبهدلنا لأنو كنا نلعب هاللعبة وقت نكون مجموعين عند ستي))) وفي واحد بالنص بدو يمسكنا ونحنا عم نبدل بين بعض بمكان الوقفة

وفي الطميمة وفي مونوبولي وفي لعبة تلفون مقطوع وفي كتيييير العاب كنا نلعبها نحنا وصغار
يالله شو كانت حلوة هديك الأيام
عن جد شكرا زكرتيني بأيام حلوة كتيييييييييير بس لو يرجع يوم واحد منها

 

كنا نلعب لعبة "يا فاطمة يا عائشة" مجموعة بنات بيوقفو على شكل دائرة مفتوحة والبنتين يلي من الطرفين وحدة بتحكي والتانية بترد عليها: يا فاطمة - يا عائشة - ما تأكلي - حب الذرة - ما تشربي - ماء الهنا - من أين الطريق - من هنا

أكيد بتتزكروها .. كتير كنا نلعبها

ولعبة 8 بيوت .. ولعبة 6 بيوت.. هي كنا نرسم بالطبشور عالأرض 3 بيوت وبلزقن 3 تانيات.. وعلى كل مربع نكتب عنوان رئيسي متل بنات - صبيان - حيوان - ألوان - جماد - بلاد ، ولازم كل واحد ينط على كل بيت منن ويقول 6 أسماء بنات وآخر شي ستوب.. وبعدين 6 أسماء صبيان وستوب.. وهكذا ومع مراحل..

ودئة عيش وطميمة .... وشدة متل كنت وطرنيب (بلعبها من صغري..)

إيييه .. هلأ صرنا منلعب بالمحاضرات وبالشغل وكل لعبة معتة أكتر من التانية

ابتتذكروا لعبة الصور
كنا ناخد ال 10 ليرات ونروح نشتري علكة الكابتن ماجد مشان الصور عشان نحسن ندخل اللعبة مع ولاد الجيران