اقتباس

أين المندسين في المسيرات ,,, أين المندسين في الاعتصام أمام مكتب الجزيرة ,,,

شي بيحزن فعلا احكي هالحكي لواحد صغير بقلك شو السبب
مشان دغري التفكير يتجه لناحية واحدة ومابدها زكا طبعا .

الان مابدنا ندخل بمتاهات الماضي اليوم يوم جديد بالنسبة للمطالبات بعد ما اصدرت الحكومة قانون التظاهر 

هلق بيبين يلي بدو مطالب ويلي بدو تخريب

حاجة بقى تقطعو الطرق بحمص

لك معقول ينادو عالجهاد يا حيف بس يلي عم يتسترو بعباءة الدين
استحو يقولو  عالجهاد وقت حرب غزة
فلسطين الها 60 سنة وماحدا قال عالجهاد
هلق صار بدن جهاد وضد مين ضد اهلنا وناسنا

والله عيب استغربت بيان المسلمين يلي رئيسو شيخ الفتنة ماطالع قرار دان فيه حرق القران الكريم  هاد  مجلس علماء الامة هاد 

اما بالنسبة يلي عم يسالني عن واشنطن بوست بدك المقال بالعربي ولا بالاجنبي يلا رح ترجملك ياها
اشارت واسنطن بوست في عددها الصدر يوم الاثنين 18 ابريل :

وأفادت الصحيفة نقلا عن برقيات دبلوماسية سربها موقع ويكيليكس الإلكتروني أن "قناة بردى" التليفزيونية التي تتخذ من لندن مقرا لها باشرت بث برامجها في ابريل 2009، إلا أنها كثفت تغطيتها لنقل وقائع موجة الاحتجاجات في سوريا.

وبحسب الصحيفة، فان قناة "بردى" قريبة من حركة العدالة والبناء، وهي شبكة من المعارضين السوريين في المنفى قدمت لها وزارة الخارجية الأمريكية 6 ملايين دولار منذ 2006.

بيكفيك هيك ولا لقمك  ياها بالمعلقة 

بسم الله الرحمن الرحيم

نسيت شغلة بدي اسالكن سؤال يلي عم تتابعو القنوات العبرية الناطقة بالعربية

كميات الاسلحة يلي انضبطت عالحدود العراقية وقبلها عاللبنانية والتركية لوين كانت رايحة ؟؟؟

طيب  العميل عبد الحليم خدام  قال في مقابلة مع الجزيرة انو رح يعلن عن قاعدة عسكرية في سوريا وبعدها بلش ضرب رصاص على ابو جنب وكانت قلعة المرقب محشاية اسلحة ثقيلة وخفيفة ومتوسطة

يا ترى عرضت الجزيرة هالاشياء كلها 

بعدين ليش بتقولو في شبيحة وبترفضو كلمة مندسين 
بتحرمو على كيفكن وبتحللو على كيفكن

عيب والله عيب

ان غدا لناظره قريب

شكرا لكل الاصدقاء والمشاركين بهاد الموضوع طبعا نحن هون بهاد المنتدى عم نحاول انقاش المواضيع بعقلانية وبوعي بصفتنا طلاب جامعة

بدي رد عليك اخي حسين بخصوص الاسلحة يلي نمسكت على حدود لبنان والعراق وتركيا
بدي خبرك كمان انه على حدود درعا بما اني انا ابن درعا وقريب جدا من منطقة الحدود هي حتى اضيفها لمعلوماتك ... على كل الله يعطيهن العافية رجال الحدود ماقصروا.... بخصوص الاسلحة تبع المرقب بتمنى ماتحكي حتى تشوف بعينك وتعرف القصة من اولها لأخرها انا بصراحة ماحكيت عنها شي بس بدي قلك بما انه بيتي بعيد عن المسجد العمري 300 متر بس انه يلي صار بالمسجد من قصة المصاري والسلاح استهزاء بالعقل واستخفاف بالناس وفهمكن كفاية عن باقي الشغلات

اما شغلة عبد الحليم خدام برافو عليك وانا معك بهي القصة هاد عميل وخاين والحلو انه مجلس الشعب بعد سفر عبد الحليم بيوم واحد بس ماشاء الله عقد جلسه طويله عريضة وتسابقوا الاعضاء بفضح عبد الحليم وجرائمه وامواله وغيرها وغيرها ...(ماشاء الله طلع الكل بيعرف شو عم يعمل ) بس ليش ماحد استرجى يحكي وهو بسوريا .... السؤال في لسا ناس متل عبد الحليم بالبلد .... وفي حد داخل سوريا قادر يحكي عنهن .... ولا لازم نستنى انهن يهربوا برا سوريا وبعدين الكل يحكي ويفضح قصصه من الاول للأخير.... بترك الأجوبة الكن بصفتنا طلاب جامعات والمستقبل والوطن بين ايدينا

متابعة على النقطة تبع المندسين والشبيحة ...... يوم الثلاثاء اجمع اطباء درعا وكان العدد يتجاوز ال200 طبيب وبتوقع الجزيرة عرضت المسيرة والكلمة يلي وقعوا عليها بالاجماع
بتمنى تكونوا شفتوها ويلي ما حضرها رح قلكن شو صار
بتصريح لنقابة اطباء درعا وباجماع الاطباء الحاضرين يرفضون تدخل قوات الامن السورية وضربها لطواقم الاسعاف مما أدى لاستشهاد طبيبين وثلاث سائقين وعدد من الممرضين والمسعفين واعطاب 8 سيارات اسعاف منها 3 سيارات مجهزة تجهيز كامل وهي مخصصة لمرضى القلب والعمل على خطف الجثث والمرضى من داخل المشفى الوطني بصورة تنتهك كل القوانين والاعراف الانسانية وتعلن انه لا جود لعملاء او مدسوسين في درعا انما تم التعامل مع اهل درعا جميعا انهم هم المدسوسون ونستنكر التعتيم الاعلامي ودور التلفزيون السوري والتشويه المتعمد لأهالي درعا والاحداث التي جرت.......... الخطاب والمسيرة انعرضت على الجزيرة بالكامل مع الكلمة يلي وقع عليها الاطباء ........أترك التعليق عندكم

بالنسبة إلي أي قناة ماعدا السورية حتى لو كانت قناة بهنولولو..

وهذا الرأي له أسباب منطقية ومش مجرد عارض تُعرف,لأنه لما اسمع شو عم يحكوا بتسائل معقول في بلد ثانية اسمها سورية غير يلي أنا ساكنة فيها يمكن بالمريخ .

مثلآ وبدون إسهاب من كم يوم كان في تقرير مع العالم بالأسواق وأكثرهم عند الخضرية  والسؤال كان:هل هناك غلاء بسوريا؟قال والناس كلهم جاوبوا أكيد بحيادية:طبعآ لأ الأسعار مناسبة كثير وما في أبدآ أي غلاء  وكل شي مدروس لخدمة المواطن.....فكرت لكن ليش كل الناس يلي بعرفهم من سنين لما بسألهم  كيف الأوضاع ؟الكل بجاوب:شو هالغلا؟كل شي غالي ,وأنا معهم بقول نفس الشيء.

لذلك  شككت أني عايشة بكوكب  تاني  .لحتى  سمعتهم أيضآ عم يتكلموا عالرواتب وكيف إنه الموظف بسوريا سعيد وصحة على قلبه هالزيادات والموظف السوري صار راتبه شي 38ألف  أو  800 دولار عم يحكوا وكأنه هالمبلغ هلأ عم ناخذه مش عم يقولوا  إنه  مثلآ  موظفة مثلي بدي أكثر من عشرين سنة ليصير راتبي هيك  مع الترفيعات والزيادات  وحتى إذا الله عطاني عمر شو حا تساويلي 800دولار شهريأ بعد20 سنة,مع العلم أني موظفة فئة أولى من حوالي 5 سنين وراتبي قبل الزيادة الأخيرة مع الترفيعات بهاالمدة وزيادة ماضية وصل 11ألف حوالي 200دولار .وعم يتكلموا بكل تأكيد إنه بناخد حوالي 40ألف مش عم يقولوا السقف الأعلى. 

وهكذا إلى جانب أشياء كثيرة جدآ  ,وأكثر ما يخطر بالبال  معقول كل هالناس  يلي  عم  تتصل  طاير عقلها بالأوضاع والبنية التحتية المدهشة والنهضة العمرانية والأقتصادية الفظيعة  الموجودة عنا وما  حدا عنده أي رأي  آخر أو نقض مش حاقول معارضة  معقولللل؟؟؟؟فتأكدت  أني أنا أعيش  بكوكب والتلفزيون السوري بكوكب  آخر...

وهذه  الحقيقة  وما في داعي  نجملها  ونلف  عليها...وبالنسبة  لهم كل القنوات الأخرى والفبديوهات يلي عم نشوفها كاذبة وما لازم نتفرج غير على  تلفزيونهم..

إذآ  لماذا  طَلعوا روحنا  بالجامعة أثناء الدراسة  بموضوع  العولمة  وإنو العالم  قرية صغيرة  .أكيد  هالكلمات  وجعكم  راسكم  أد ما سمعتوها مثلي 

وهلأ  المطلوب منا نسكر كل شي ونتفرج  عالتلفزيون السوري .
شو  هالتناقض؟؟؟؟؟؟؟

دخلك يا
الامير قيس ممكن تعطيني من عندك الوان العلم الجديد يلي مخبينو


وشو رايك يا ابن درعا تحكيلنا مين هاجم ضباط  في درعا باعتبار ما في مدسوسين ولا دخلاء




شو منحكي مين اعطى الاولاد مصاري ليطلعوا بهيك شعارات
ومنحكي عن اسم الشخص يلي كان مقرر يرفع العلم ولا منخبيه سر بيناتنا


ولا احسن شي نحكي عن سهير الاتاسي باعتبار بيتك قريب عالجامع العمري

يا سلام اي دا 
انا كتير فرحانة انتو ينفع تتكلمو ف هالحكي وما تنطردو من المنتدي
ههه علي كدا بأي النظام السوري طيب اوي  صحيح بيقتل المتظاهرين بس تركم تكتبو ع المنتدي
طبعا انا مش بحسد والله بس  ف مصر كنت اخاف اكتب يمكن انا خوافه شوي

وبدي اعرف معني شبيحة

وبدي كمان اطمنكم ان النصر للحق والحق مع الشعب  اهم شي نبعد الفترة دي عن الطائفية لأن النظام هيلعب ع الوتر ده
واحنا ف مصر بندعي لكم ولكل بلادنا
وانتو كمان ادعو لنا وان شا الله ترجع بلادنا لأحضاننا ونرجع دولة واحده ونحرر فلسطين والجولان والعراق  بل وسينا والمدينتين المغربيتين ال محتلاهم اسبانيا_سبته ومليلة_
اهم شي الدعاء والقرب من الله وراح تصير بلادنا جنان ولن يضيع دم شهدائنا
وعاشت سوريا بأمن وامان وسلامة وإسلام
وخلي نفسكو طويل
ربنا معكم

وستبقي سوريا للإسلام والعرب وليست لإيران الصهيونية  فهم جميعا وجهان لعمله واحده

واما عن القصيده ال شغال فيها النظام بأنه عم بيحارب  ف اسرائيل وان الخطر شديد وانه يدعم المقاومة فهذه كذبه كبيرة
وفين الحرب دي؟
بس هوا تارك الجولان لحد امتي
شاطر بس يدبح ف خلق الله وف اي حد يعارضه خصوصا الإسلاميين
والله امريكا واسرائيل خايفين من تغيير النظام السوري لأن راح يأتي رجال بمعني الكلمة ليطردوها من الجولان وفلسطين ان شا الله مش فأران نايمة وشاطرة بس ف الكلام والحكي
جاتهم البلي

البي بي سي الأكثر مصداقية وموضوعية

بارك الله فيكي أختي( مصرية وبعشق سوريا )

بصراحه الكتابه بهذا الشكل هو مخاطره بالنسبة لنا لكن الأمور اللتي تحدث لا يمكن السكوت عنها أبدا