أكيد انو في كتير مشاكل تعيق الماجستير والبحث العلمي  لكن التفاؤل  والأمل بالله يصنع المعجزات 

يمكن تفكروني انو عم احلم وعم قول مثاليات لكن الثقة بالله هي تقريبا كل شيء

وحتى اذا كان هالشي اللي عم احكيه حلم .....  اي خلينا  نحلم شوي

رح اذكرلكن في المرات القادمة  بعض بحوث الماجستير التي تمت في كلية الصيدلة في قسم المراقبة الدوائية وبعض الأقسام الأخرى وبعضها نال براءة اختراع

أخواني لازم ننظر الى الجزء المليان من الكأس  مو الجزء الفارغ .............موهيك

بدي أحكي شغلة و بتمنى ما حدا يزعل من كلامي

عن جد الغالبية العظمى من طلاب الماجستير عم يكرهونا بالماجستير قبل ما نفوت عليه

طيب إذا الواحد مو عاجبو الماجستير ينسحب منو و يعطي فرصتو لغيرو....

و مدام ما عم يطلع من الماجستير فأكيد في شي منيح فيه عم يخليه متعلق فيه...

فليش عم يتم تسليط الأضواء عالجانب السيئ دائماً و ما عم ينشاف الجانب المنيح!!!!

يا زملاء وين ما رحنا رح يكون في أخطاء و نحنا واجبنا نصلح هالأخطاء

والواحد لازم يحمد ربه إنو اختارو ليكون من طلاب الدراسات العليا لحتى يصلح بهالمجال اللي كل الناس بتتمنى تكون فيه

فياريت كل واحد يفكر بطريقة إيجابية و يصلح الخلل اللي هو شايفو أو يعطي الفرصة لغيرو لحتى يصلح بدالو..........

بتمنى تتقبلوا رأيي

اقتباس

مدام ما عم يطلع من الماجستير فأكيد في شي منيح فيه عم يخليه متعلق فيه...

يمكن الشي الوحيد المنيح هو أنو عم تمشي خدمة الريف
وفي شي تاني ما بعرف إذا منيح بس الواحد لما يفوت ماجيستير كل شي بيكون عم يعملو أنو عم يأجل مستقبلو مشان ما يفوت بدوامة ما بعد التخرج وشو لازم يعمل
أما عن باقي الكلام بقلك
     

والله بالنسبة للشب ، بعتقد عائق العسكرية هو العائق الأول.

وتانياً في حال ترك الماجيستر وما كان عنده عسكرية وحابب يكمل ماجستير فعليه بالسفر لبرا وهي مكلفة يعني بده يشتغل كم سنة لحتى يقدر يطلع هادا غإذا كان صحاب طموح لأنو على الأغلب لما يبلش شغل بيتخلى عن فكرة ماجستير برا.

أما انو ليش ما منترك الماجستير على القليلة اسمها شهادة، ولو شو ما كانت.

بس في حال صحلته بعثة لبرا أنا متأكد انو بيترك الماجستير.

عموما بيضل الماجستير منيح بعد التخرج أحسن من شهادة خريج وبس.

نور الهداية أنا معك تماما في ما قلتيه

وأوافق الزملاء pharma87 و sweetlife أن الماجستير دون الطموح  بكثير ورغم ذلك هو أفضل من الاجازة  على الأقل من خلال القدرة على اصلاح ما نقدر عليه  مثلا من خلال التماس مع طلاب السنوات  في العملي وتوصيل المعلومة بطريقة مختلفة وأكثر وضوحا لأننا نعرف جيدا ماذا يريد الطالب من استاذه ونشعر بشعوره لأننا طلاب كذلك  

وأيضا من خلال ايقاظ الضمير للسعي في اختيار موضوع جديد للرسالة ضمن الامكانات المتاحة يضيف جديدا على العلم والبدء بتنفيذه بلا كلل ولاملل

اليكم عناوين بعض رسالات الماجستيرالتي انجزت أوقيد الانجاز في كافة اختصاصات  الصيدلة وسنخوض بتفاصيل بعضها لاحقا :

قسم مراقبة الأدوية:

تطوير طريقة معايرة جديدة للنيستاتين في المعلقات والمضغوطات

تحري المبيدات الحشرية في المستحضرات الصيدلانية النباتية

تحري الأحياء الدقيقة في المستحضرات التجميلية المصنعة وطنيا

قسم المناعيات والأحياء الدقيقة والتقانة الحيوية : 

دراسة الصمم الخلقي على المستوى الجزيئي ودراسة أهم الطفرات المسببة للصمم

دراسة أهمية التعبير عن الوحيدة الفردية للبروتين كيناز في النطاف  للإستقصاء السريع عن العقم عند الرجال المبكر

دراسة انتشار داء المقوسات في الساحل السوري

قسم التشخيص المخبري :

دراسة تأثير التاموكسيفين على اللايشمانيا

دراسة تأثير بعض مضادات الالتصاق  الجرثومي لدى مرضى القثاطر البولية

قسم الكيمياء الحيوية :

دراسة العلاقة بين مستويات الكوبيبتين وفشل القلب

دراسة مستويات الفاسبين المصلية لدى البدينين

قسم السموم :

دراسة تعرض الانسان بدمشق للمركبات الهيدروكربونية العطرية ومدى خطرها

تحري الرصاص في ألعاب الأطفال المستوردة والمصنعة محليا

قسم تأثير الأدوية :

دراسة تأثير الزنجبيل الأخضر كمضاد للبدانة وخافض للشحوم

مقارنة تأثير مثبطات محولة الأنجيوتنسين وحاجبات الأنجيوتنسين في الحد من التليف الكبدي

قسم الصيدلة الصناعية :

دراسة تحسين امتصاص وتوافر الاريبروزارتان في الأشكال الفموية

دراسة تحرر الأوكسي بوتينين من هلامات تستخدم عبر الأدمة

قسم الصيدلة السريرية :

المقارنة (سريريا) بين تأثير النيفيديبين والايزوكسوبرين في تثبيط المخاض المبكر

دراسة تأثير الميتفورمين والفيتامين اي (سريريا) عند مرضى االتهاب الكبد التشحمي

قسم العقاقير :

دراسة تأثير الزيت العطري لقشور النارنج السوري  القاتل للخلايا السرطانية

دراسة الزيت العطري لقشور الليمون السوري القاتل للخلايا السرطانية

قسم مراقبة الأغذية :

دراسة تحليلية للفينولات الكلية في مشروبات المتة واكليل الجبل

دراسة تحليلية لانتقال معدن القصدير الى الفواكه المعلبة به

 

اقتباس

أن الماجستير دون الطموح  بكثير ورغم ذلك هو أفضل من الاجازة  على الأقل من خلال القدرة على اصلاح ما نقدر عليه  مثلا من خلال التماس مع طلاب السنوات  في العملي وتوصيل المعلومة بطريقة مختلفة وأكثر وضوحا لأننا نعرف جيدا ماذا يريد الطالب من استاذه ونشعر بشعوره لأننا طلاب كذلك 

وأيضا من خلال ايقاظ الضمير للسعي في اختيار موضوع جديد للرسالة ضمن الامكانات المتاحة يضيف جديدا على العلم والبدء بتنفيذه بلا كلل ولاملل

   

وإن شاء الله من هون ورايح رح نحاول تسليط الضوء على الجانب المشرق من الماجيستير 
لكن هذا لا يمنع شوية فش خلق لما الواحد يطق

بالنسبة لرسائل الماجيستير يلي حضرتها بمجال العقاقير لهذه السنة:

دراسة فعالية الزيت العطري لنبات المردقوش المضادة للفطور بالمقارنة مع الأدوية المضادة للفطور  (الصيدلاني محمد غنام)

دراسة فعالية السعتر السوري المضادة للجراثيم (الصيدلانية جمانة العاقل)

والله بعد حضور محاضرات مبارح بالصيدلة الصناعية ، اقتنعت انو الماجستير جزء كبير منه تحصيل ذاتي وبده شغل وتعب كتير، بس عنا بما انو الجامعة عاطية الرياحة للطلاب فهنن مطنشين.
اللي ما حضر أول محاضرتين مبارح راح نص عمره، صحيح باللغة الانكليزية بس ما حسيت حالي عم آخد بغير لغة اطلقاً بالعكس فهمت كل شي وكنت مركز درجة أولى من أسلوب الإلقاء اللي بيشد ، بتمنى لو الجامعة تستمر على هادا النهج مستعد الغي كل مشاريعي لاحضر هيك محاضرات.
بس والله بيطلع بايدنا إذا حبينا نعمل شي.
كمان بحب بشر الكية بقدوم الدكتور محمد عثمان من فرنسا اختصاص صيدلة فيزيائية وشعاعية ، هيك عم ناخد بس أنا حسيته متل أسلوب الدكتور محمد أمين بيحاول يفسر كل شي بأسوب علمي، والدكتور فهمان كتير. الحمد لله الجامعة بلش يرتفع مستواها.

شفتو شلون إنو في جانب مضيء بالماجستير

اقتباس

بس والله بيطلع بايدنا إذا حبينا نعمل شي

هي الفكرة اللي بتمنى توصل لكل طالب ماجستير....

موفقين

و شكراً لأنكم تحملتونا

اقتباس

نور الهداية

15-04-2011 03:42 PM 

آخر مشاركة بهالساحة كانت لنور الهداية

الله يفرج عنك يا نور ويعافيكي وترجعي متل قبل

اشتقنالك كتير

وإن شاء الله بنرجع بنشوفك بهالساحة من طلاب الماجيستير

السلام عليكم:

اقتباس

وإن شاء الله بنرجع بنشوفك بهالساحة من طلاب الماجيستير

آمين يا رب


أكيد رح ترجع قريباً إن شاء الله وبتنور المنتدى



ادعولها