شكراً  كتير sweetlife
حقيقة العقاقير من أكتر المواد يلي بحبها و بستمتع فيها..
موفقة بهالاختصاص..
   

شو رايكن نحكي عن أهم الأبحاث التي تجرى بكل اختصاص من اختصاصات الصيدلة

قصدك المواضع المدروسة. وحلقات البحث اللي يقوم بها كل قسم.؟؟؟؟؟؟؟؟؟؟؟؟؟؟

لأ ................قصدي شو هي مواضيع  أبحاث  رسالة الماجستير التي يطرحها عادة كل اختصاص من اختصاصاتنا وشو هي الأبحاث المستقبلية اللي ممكن يفكر فيها كل واحد منا ...........

بالنسبة لاختصاص المراقبة الدوائية

أغلب مواضيع بحث الماجستير تندرج ضمن الأتي

تطوير طريقة تحليل دواء معين أو تطوير طريقة فصل لمجموعة من الأدوية أو مجموعة من الأدوية مع سواغاتها

اختبار ثبات دواء معين وتطوير طريقة تحليل مشعرة للثبات (أي قادرة على  معايرة المادة بمعزل عن الشوائب )

اجراء مرتسم شوائب لدواء ما (يعني تحديد كمي ونوعي لكافة الشوائب التي تتواجد مع دواء معين )

دراسة وتطوير اختبارالامتصاص لدواء معين 

دراسة وتطوير اختبار التكافؤ الحيوي لدواء معين

تطوير طريقة لاختبار  المنتج أثناء التصنيع

وهناك بقية في لقاء أخر ان شاء الله .................

أبحاث ماجستير مراقبة الأدوية تشمل أيضا مايلي :

فصل الا يزوميرات الدوائية متل ايزوميرات الايبوبروفين 

فحص الفيروسات  في المستحضرات الصيدلانية 

دراسة سمية السواغات الصيدلانية

دراسة سمية الشوائب الصيدلانية

دراسة الأدوية المزورة والمغشوشة وكشف الغش والتزوير 

مقارنة الأدوية الوطنية مع الأدوية الأجنبية من حيث الجودة

مرحبا كيفكن يا طلاب الماجستير .............خبرونا عن أخباركن وهمومكن بالشغل وبالكلية وعن طموحاتكن ............بتمنالكن أطيب الأوقات وانشالله بتصيرو باحثين وعلماء قد الدنيا ترفعوا راس بلدنا الحبيبة فيكن ..........ليش لأ انتو الأمل الواعد ....................تحياتي

والله الماجيستير عنا مسخرة بكل معنى الكلمة

عنجد شي بموت

يعني الواحد يا بدو يدرس لحالو ويبحث بالمراجع.........أو يترك الماجيستير أحسن
لأنو عنجد متل قلتو



المشكلة مو بس من الدكاترة كمان من الطلاب

بعض المقتطفات:
الدكتور بيجي بعد ساعة ونص من موعد المحاضرة

الدكتور بس يجي ببهدل الحاضرين لأنو في 2 غايبين وبتمضى  كل المحاضرة هيك

الطلاب بيتفقوا كلهم ما يجوا (عندهم مشاغل ومو فاضيين ) وهي مو بس مرة صرلها صايرة أكتر من 10 مرات
واسترجي تقول لأ بتطلع إنت العميل  

البرنامج لهلأ وصرنا بــ 10/4 لسا ما ثبت وما في غير اتصالات بالدكاترة لتزبيطو بحيث يناسب جميع الأذواق
وقت يلي بناخد محاضرة بعد جهد جهيد نادراً ما تطلع من المحاضرة متعلم شي شغلة مفيدة (إلا ما رحم ربي)

حاجة بقى عنجد مهزلة
والله عيب ناخد ماجيستير ونحنا ما بنفهم شي بالفرع تبعنا  
لسا عندي حكي كتيييييييييييييييييييير..............بس خليهم بقلبي أحسن  
والله أنا كنت بزمناتي شاطرة بس على هالوضع كلمالي لورا  

أنا معاك ...........فعلا انو الماجستير عم يعاني  من مشاكل كبيرة  

الله يكون بالعون ............

الماجستير ليس سوى ورقة تكسبها بعد جهد 3-4 سنوات ، بتعلقها على الحيط وبتتفرج عليها.

والسبب الأول هم الدكاترة اللي بلا ضمير.
وتانياً الطلاب المستهترين.

ومتل ما يقال:
اللي ما بيخاف من الله خاف منه.