قال: للقرعة مشطين وللعمشا مكحلتين

متل بشكير الحمام من ايد لايد

قال : فارة وقعت من السقف قالتلها القطة اسم الله قالتلها اتركني بحالي وانا بألف خير من الله

قال: خنفسة شافت بنتها على الحيط قالتلها تقبريني متل اللولية بخيط

قال: صار للدبانة دكانة وصارت تسكّر على بكير

قال:  زبال وشاكل وردة

قال: الجمل لو شاف حردبتو كان وقع وانكسرت رقبتو

قال : لبسو المكنسة بتطلع ست النسا

قال : لابق للشوحة مرجوحة ولابو بريص قبقاب

قال: الله يخليلي ياك يا لساني شلون ما درتك بتندار

قال: عم يتباهى بضفاير بنت خالتو

قال: من زبيبة بيخمر

قال: يا فرعون مين فرعنك؟؟ قلو ما لقيت حدا يردني

قال : حط اصبعتك بعينك متل ما بتوجعك بتوجع غيرك

قال : متل الحرباية بالوش مرايا وبالقفا صرماية

قال : البرغوت قال للبقة يضرب الشرشوح اذا اترقى

قالو لكتّار الغلبة نص الدنيا الكن..... قالو النص التاني لميين؟؟

قال: ست وجاريتين على قلي بيضتين

شو ما طبخت العمشا جوزها بيتعشى

قالو للبغل مين ابوك ؟؟ قال الحصان خالي

قال: من معرفتو بالصحابة بيترضى على عنتر!!

قال: ياللي القلم بايدو ما بيكتب حالو من الاشقيا

قال : عم بيرش على الموت سكر

قال: ان بزقنا لفوق على شواربنا وان بزقنا لتحت على دقنا

قال : عاشقك لا تاخديه ومطلقك لا ترديه

قالو للقرد لسه الله بدو يمسخك .....قال يمكن يساويني غزال

*************        

                             

عنجد كتير حلوين يعني إذا الواحد بقمة عصبيته وبقمة زعله رح يضحك غصب عنه
يعطيك العافية


   

تقبل مروري  

حلووووووين والله

في امتال اول مره بسمع فيهوون

قالو للبغل مين ابوك ؟؟ قال الحصان خالي

ههههههه

هي حلووه

يسلموو اخي على الموضوع الحلو

تقبل مروري

كتيييير حلوين.....يسلم إيديك..........

بس بدك تسمعهن من تم أمي..............تقبر قلبي وهيي عم تمتل شو لذيذة ههههههه

طيب اسمع هدون

العاب بالمقصوص حتى يجيك الطيار

الحجر بمطرحو قنطار

المونة بدا ركونة ما بدا مرا مجنونة(بتضل ماما بتسمعني فيها )

الرجل ما بتدب غير مطرح ما بتحب


الحب مطب والعاشق أعمى(وماأكثر العميان )


السكافي حافي والحايك عريان


ألف قلبة ولا غلبة


ألف عين تبكي وعين أمي ما تبكي

البحر ما بتعكرو ساقية

الرايح بايدو والجاية بايد الناس


الجنازة حامية والميت كلب


الولد ولد ولو صار قاضي بلد



سلام

حلوين كتير على فكرة كلن سامعتن من ستي

يارايحة لبيت اهلك حردانة بتروحي قملة وبترجعي صيبانة
الرجال رحمة ولوكان فحمة
الحكي الك يا جارة اسمعي يا كنة
مركب الضراير سار ومركب السلايف غار

بحب رحب بالجميع   

وبشكركم على مروركم وحسن كلامكم .

وبشكر الاضافة على الموضوع يللي عنجد أعطته رونقا رائعا .

أكرر شكري وأرجوا لكم دوام الصحة والعافية والتوفيق.

أهلا mistro
لو تسمح لي بإضافة القليل من  الأمثل باللهجة الجزائرية
وسأكون ممتنا لك



هذه بعض الأمثال الشعبية الجزائرية التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت


   
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس فيا حطابة ) طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه
العجوز
( يعزيك في راسك ,الضحك يضحك على الضحك و الضحك يضحك عليهم
رحنا لدار المهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
و انا راح أعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) يعني ... ماراح اقول المعنى اخليها فزورة واللي يلقى المعنى ماراح ياخذ و لا فلس





شكرا mistro

يسلمو على الموضوع،،،
قال: عم يتباهى بضفاير بنت خالتو
ههههههههههههههههه..يعني انو اي...بس هي كتير موجودة الواحد بيضربو بسيف غيره...
وشو قال البرغوت ؟؟؟خخخخخخخخخ
تحيتي...
،،،،عازف النهاوند،،،

مشكور أخي أنوس امتال بتفرض لألله من الضحك قال شو:
لابق للشوحة مرجوحة ولابو بريص قبقاب

ههههههه عنجد حلوين

مشكووووور............تقبل مروري

                             أهلا وسهلا بكم أصدقائي الأعزاء

مرة أخرى على إضافتك القيمة للموضوع وبالنسبة للمثل تبعك ( المسلوخة تضحك على المذبوحة و المقطعة شبعت عليهم ضحك ) يعني ............

كنت بدي أقول بس وقت شفت انو الجائزة ولا فلس بطلت .

دمتم بود أخوتي الأعزاء                                        شاكر جهودكم