يا ساحرة العينين .....
يا صوت الحب يدندن في أذني ألحاناً شتّى تحملني كالطفل صغيراً .. فأطيرُ ... أطيرُ بلا خوف بين ذراعيها و أشاهد بسمتها ترتسم على شفتيها الطاهرتين ....
يا ساحرة العينين .....
يا قارئة القرآن لتخرجني من سجن الدنيا , من يأس كاد يحطمني ... ينسيني أني إنسان أكرمني ربي , علمني , آتاني من نعم شتى و هداني خير النجدين ...
يا ساحرة العينين ...
يا ذات الوجه المشرق بالإيمان .... و يا ذات الثغر البسام الناطق بالتوحيد ليهنأ في كلتا الدارين ...
يا ساحرة العينين ......
يا زهرة فلّ بيضاءْ ...... تنبت من بين صخور العتم , تضيء الغابات السوداء و تثبت أن الدنيا قد تملك شمساً واحدة , لكني أملك شمسين ...
يا ساحرة العينين ....
يا رائعة الكلمات , و ملهمتي شعر العشاق ... أيا .... ما اسمك يا ساحرة العينين ؟؟..
أنا لست أبوح به أبداً .........

السلام عليكم ....

أول شي بيسعدني أنو كون أول مين يحط رد بموضوعك ....

تاني شي .....شو هالكلام الحلو هااد ؟؟...بتزكرك من قبل ما اتسافر كنت تكتب شعر ....

و ما شاء الله ...الإبداع لساتو شغال ....و أكيد الإبداع بهيك مجالات بيزيد عالغربة ....مو ؟؟

صحي ..و كيفها فرنسا ؟؟؟؟ والرياضيات ....حلوة عندكون ؟؟؟ و لا عم تتغالظ متل عنا ؟؟؟

بس أكيد أنت ما بينخاف عليك أدها و أدود ....و لو .... بدليل ...أنو حضرتك مشارك بالمنتدى و عم تنزل مشاركات و مواضيع كمان !!!!!!!!!!!!!!

شو مشان ؟؟؟ ما عندك دراسة ؟؟؟؟ . ..باعتينك عفرنسا نحنا مشان تتسلى مو ؟؟؟؟


ههههههههههه ... عم امزح .. . أقل منها الواحد يطمن على أهلو و رفقاتو و ولاد بلدو ؟!؟!؟!

يلا ..موفق كتير ...و انشالله منشوفك السنة الجاية بأعلى المراتب . ... بما أنو صرنا ببداية العام الجديد .... happy new year

   
والسلام على من اتبع الهدى

  يالله  العنوان شو حلو

جد عنوان هالبوح راائع  (ياساحرة العينين ------ ياقارئة القران)


وكلمات حلوة كتير

ومتل ما قرات من رد زميلتي السابقة انك بفرنسا

يلا موفق ان شالله ويارب هيك الغربة تقويك لبلدك ودينك وما تيجي عليك


تقبل مروري

Issatéene
و عليك السلام ..
أهلين بالمعهدية ( ما لاقيت غير هالترجمة لاسمك في المنتدى ,, إي شو هالاسم المفرنس !!) ..
شكراً إلك عالإطراء و بما إنو ما عم نقدر نبدع بالرياضيات خلينا نبدع بشي شغلة تانية ( على اعتبار إنو عم أبدع بالشعر .. هههه ) ..

فرنسا بتسلم عليك .. و الرياضيات فظيعة ( و فظيعة هون بتعني إنو سيئة مو متل ما بستخدمها عادة أنا .. ) و إذا بدك الصراحة أنا عندي عطلة ( عطلة أعياد الميلاد) فيعني عم أتسلى شوي ..
في النهاية إن شاء الله تكوني فظعت ( كتبت كتير كويس ) في الفحص .. و صحي , إنت ما بينخاف عليك ..

موفقة ,,

أميرة كل النجمات
شكراً لك على المرور الطيب ..
و إن شاء الله موفقة إنت كمان , يا رب ...

السلام عليكم

شو متفضي كل يوم قصيدة ماعندك دراسة ؟؟؟  

هلأ نجي للجد...

شي حلو كتيير

يعني مابعرف كيف بدي ئولها ؟؟

خيو قصيدتك دخلت على قلبي (سيوي)

بس شو منشان

اقتباس

من يأس كاد يحطمني

دير بالك ها
شد حالك ونحنا عم ندعيلك


شهيتني اطلع عفرنسا بلكي بيطلع معي هيك حكي   

بانتظار جديدك

سلامااات

ههههههه ...  عراسي يا خيّو ... ( ما عرفتك إنت و عم تحكي حلبي, بيني و بينك أنا نسيت الحكي الحلبي تقريباً .. يعني 3 سنين بالشام الواحد غصب عنه بيتعود عالشامي .. موهيك يابي ؟؟) ..

عراسي عبد و الله و شكراً إلك عالمرور .. 

السلام عليكم

ماشاء الله يا أخي شو هالابداع هاد
 
عنجد شي حلو كتير
 
والله عم تشهوني اعرف اكتب شعر
 
بس يمكن  موخرجي هيك قصص

أصلا يادوب اعرف عبر لما بحكي مع العالم  

فكيف الشعر,,,,,,,,,,,,,,صعبة كتير

بس اذا اتحمست كتير بتصور بيطلع معي 

لأنو أنا بحس يلي بيكتبو شعر بيكونو عم يعبرو عن يلي جواتهم

صح ولا لأ؟

بس لهلأ ماحسيت في شي ممكن يخليني عبر بالشعر

يلا الأيام جاية إلا ما اكتبلي شي شغلة قبل ماموت

 

آسفة ع الإطالة   (شكلي اتحمست )

تقبل مروري

             

أميرة سورية
شكراً إلك عالمرور ..
"بس لهلأ ماحسيت في شي ممكن يخليني عبر بالشعر"
و الله غريبة .. أنا على حد علمي طلاب معهدنا تلات ارباعن شعراء إذا مو الكل ( يعني متل ما بيقولو الضغط بيولد الإبداع .. و معهدنا أكتر شي مشهور بهالشغلة .. ) .. ههههه ... عم أمزح ..
يللا إن شاء الله في السنة التالتة بتبلشي تبدعي شعر ( يعني بما إنها اصعب سنة نسبياً ) ..

موفقة ..

عزيزي *محمد.........
أهنئك على ما في كلامك من سلامة النحو والإملاء ووجود إيقاع موسيقي ينظم الكلام من أوله إلى آخره في رابط صوتي جميل
هذا كله بالإضافة إلى المعاني السامية التي أوردتها جعلني أغير رأيي في ساحة البوح الصادق التي تحوي ما هبّ ودبّ - وأعتذر هنا من الجميع ، إذ أنني لم أطلع على كل المشاركات في هذه الساحة -
وإنني وإن كنت أتحفظ على نعت مشاركتك بالقصيدة ، فأنا أدعو من يود كتابة بوح صادق كهذا إلى التأسي بمشاركتك من حيث سلامة اللغة ونقاء الأفكار ووجود هذا الإيقاع الذي أسلفت ذكره
وأدعوك للاستمرار والتطوير على أمل الوصول إلى قصيدة ينظمها بحر من البحور الشعرية وقافية واحدة، (يعني شعر تقليدي بالعربي الفصيح) فما مستواك عن هذا ببعيد
وشكراً