لا والله لم ينته..لكن أخي إذا بتلاحظ مين أكتر مشاركات بهالموضوع؟؟؟

برجع بعيد الدعوة للنهضة..

ياريت باقي الأعضاء يشاركونا

لأنه إيد وحدة ما بتصفق!!
شكرا لمتابعتك أخي الحزين

ولازلنا
بانتظار مشاركات الأخ أبي والأخت moon beam
على أمل

أن يعود الموضوع للحوارات الجادة ويلقى التفاعل
والأهم
التنفيذ
التنفيييذ يا جماعة الخير

السلام عليكم اخت شيما
انا بتشكرك ع هالموضوع الاكثر من رائع
هلأ انا حطيت الي رد بس ردا ع سؤال الاخ سيد الكلمات موضوع الجواب نعم او لأ

بس حبيت ارجع انسخ ردي اللي هنيك وحطو كمان هون

احلى شي انك  اعتمدتي العلم والتعليم  فرع اساسي من فروع النهضة
او يمكن مو فرع
هو التربة الخصبة واللبنة الأساسية اللي بترتكز عليها النهضة

هلأ انا عندي فكرة مابعرف ذا  حدا من االاخوة اتفضل واتكلم عنها بالموضوع
لأن طبعا ما قرأت كل الردود

انا من زمان بدور ببالي انو ليش بمنهج التعليم عنا بسوريا ما بنزلو اللغة العبرية
؟؟؟؟
هاللغة اساسية ولازم نتعلمها
وخصوصي انو الرسول عليه الصلاة والسلام حثنا على تعلم لغة العدو

هلأ انا بعرف حديث بس مو متأكدة منو حرفيا :
بس للعلم رح قوله واذا حدا بيعرفه وكان اللي كاتبتو انا غلط يصححلي ياه
من تعلم لغة قوم أمن شرهم

هلأ انا بسمع انو بمنهاج اليهود اللغة العربية لغة اساسية
ئال اذا الشخص رسب بمادة اللغة العبرية بلبكالوريا ما بيرسب السنة كلها
اما اذا رسب بالعربي فبيرسب السنة كلها

والله انا الطريئة كتير عجبتني
يعني عم يجبرو عليهن جبر يتعلمو لغة العدو واللي هي لغتنا نحنا

طب ليش نحنا مانطبق متلهن؟؟؟

يعني مثلنا عئولنا اقل من عئولهن؟؟
لا بالعكس لغتنا اصعب من لغتهن

لغتهن اسهل بكتير

ليش اسهل؟؟

لان كل اللغات السامية بتنكتب من دون توصيل الا لغتين اللي هنن العربية والسريانية

يعني اذا هنن بدهن يحفظو حرف الباء رح ياخدو وئت اكتر ليششش؟؟
لان الباء عنا في الو اشكال
باء باول الكلمة وبوسطها وباخرها والباء الاساسية
يعني اربع اشكال

ام هنن عندهن باء وحدة
هي ع مستوى الاحرف بس انا عم احكي

ليش ما يعتمد تدريس اللغة العبرية عنا ابتداءا مثلا من الصف السادس؟؟
يعني هي المرحلة بكون الناشئ قدر على رسم احرف اللغة العبرية
او مثلا من الصف التاسع حتى ماكتير تصعب
ويكون كتيب صغير  عالاقل نقدر نقرأ او نفهم لغتهن مع انو في كتير كلمات متشابهة بيننا وبينهن مما رح يسهل هالأمر على طلابنا

مابعرف انا حكيت كتير

اعذروني وبشكرك اخت شيماء عالموضوع

أهلا بلونا ..

والله فكرتك حلوة..
والحق معك..بفلسطين عندي رفقات متعلمين عبري وماله صعب نهائي..
بس أختي لو بدهن يدرسو العبري بسوريا مثل ما بدرسو الإنجليزي ما استفدنا شي..
يعني بسوريا بيدرسو إنجليزي وفرنسي..
بس كم نسبة الطلاب يلي بيطلعو متقنين للغة؟؟؟

إذا مو المنهاج هو المعضلة..طريقة إعطاء المنهاج هي المعضلة..


ولا شو رأيك؟  :)

السلام عليكم و رحمة الله و بركاته


أولا أعتذر عن عدم مشاركتي بالموضوع من بدايته رغم أنني قمت بوضع مسودة لرد على الموضوع لكن كثرة المشاغل و فتور الهمة و إن شاء الله عما قريب لنا عودة لهذا الموضوع الذي لم يأخذ حقه بعد .....


والسؤال الذي أود طرحه على الأخت شيماء


هل انتقلت الأمة من مرحلة أزمة الوعي إلى وعي الأزمة و ما الدليل ....؟؟


و ما هو أهم سبب للهجمة الشرسة على الإسلام  ليس من الخارج فقط بل من الداخل أيضا ...؟؟!!!




تحيتي

السلام عليكم ...

سبق اني سمعت انك كاتبة موضوع بخصوص النهضة ..

وقتها ما كنت دريان انه قصدك بالنهضة هي نهضة التعليم و نهضة العلم و الاجيال ...

فكرت موضوعك فلسفي او نوع من الصحوة الدينية ...


الفكرة كتير مهمة و انا فعلا بعد قراءة الموضوع و فتح الرابط ..

اكتشفت انه الموضوع مو بس بيستهويني .. الا بيهمني كمان ...

طبعا رح يكون الي عودة بإذن الله على موضوعك ...

لكن حاب اذكر كم شغلة ...

طبعا بأحدى جامعات الخليج (جامعة الكويت على ما اذكر ) .. تم افتتاح قسم جديد

في كلية الدراسات العليا هو قسم جودة التعليم ...

يعني البحث في تطوير اساليب و طرق التدريس و التعليم ..

يا ريت تكون بجامعاتنا مو فرع متلو .. بس مادة بالسنة الاخيرة ..

خصوصي لطلاب كلية العلوم ...

يلي بيتخرجو من دون دراية كافية بكيفية التعامل مع الطالب و استيعابه او دراسة نفسيته ...

ومشان نحصل على جيل واعي متل ماذكرو الاعضاء لازم نبلش بالتعليم ..

ونحط ببالنا طريق تسهيله و تيسيره و تحبيبه للطلاب ....



ان شالله ما كون طلعت خارج سياق الموضوع ..


وباعتذر اذا كان الرد متاخرا بس ان تصل متأخرا خير من الا تصل ابدا ...


والي عودة قريبا ...






برج ايفل ...

اقتباس

هل انتقلت الأمة من مرحلة أزمة الوعي إلى وعي الأزمة و ما الدليل ....؟؟

أهلا بك سيد الكلمات..

والله مجرد معرفتنا أنه في أزمة..

مجرد سؤلك هاد..
دليل أنه في صحوة للوضع الراهن

والهجمة الشرسة هي نتيجة هالصحوة

بانتظار مشاركتك

ومشاركة برج إيفل

شكر لمرورك أخي برج