مرحبا.....

متل ما الكل بيعرف...أول شهر بالجامعة بيكون أصعب شهر بسبب التغير الكبير يللي بيصير مو بس من الناحية الدراسية...من كل نواحي الحياة....

طيب انت كطالب سنة أولى و ما صرلك شهرين بالجامعة شو اكتر شي لهلأ صعب واجهتو أو واجهتيه...؟؟؟

و انت هلأ متأقلم مع الجو ولا لسا ؟؟؟؟؟

و من طلاب السنوات الباقية  من كل الكليات.......اذا حدا بيحب يفوت يحكيلنا عن كل شي صار معو أول سنة بالجامعة و هل هو مرتاح ولا لأ.........

بانتظار مشاركاتكن.....

السلام عليكم

كيفك سلفر ؟؟؟ :)

مممممممم

حالياً الحمد لله فتت بالجو ... بس حإرجع سنة كاملة لورا

وقتا كان الفصل الأول كلو كأنو = الشهر الأول

كنت كتير بعيدة عن الجو وما عارفة شي ... ما كان عندي فكرة عن المعدل أو الدورات أو .......

وإجا بعدا أصعب موقف ... بأول يوم إمتحان بالفصل الأول

يومها صار عندي خربطة بتوقيت يوم الامتحان :$ ... وراح علي ... ببساطة !!!

بعدا أخدت درس .. وبلشت اهتم .. ومازلت أحاول العمل جاهدةً :D

والحمد لله .. الله كريم ...

إن شاء الله ما يمر علي أو عليكن موقف صعب بالسنين الجاية

وإن شاء الله ما حدا بيجرب المواقف المزعجة

ويسلمو عالموضوع ^_^

هلأ انا بصراحة أول اسبوع كنت كتير مكتئبة...لأنو ما كنت بعرف حدا...

يعني البنات يللي كنت بعرفن من رفقاتي تبع المدرسة ما بينطاؤو....

هاد غير اني كنت فايتة بالحيط...

بعدين شغلة الدراسة و من أول محاضرة 30 صفحة ....هي لحالها شغلة محبطة...

بس من ناحية الدراسة الحمد لله تمسحت...    

و من ناحية الرفئات كمان الحمد لله تقريبا انحلت المشكلة ....

بس يعني لسا في كم ناحية انا عم حاول اتأقلم معهن.....

الله بيعين...    

انا كمان نفس المشكلة
مشكلة الرفقة انا اتعرفت على رفقة كتير بس ولا وحدة فيهن عقلي على عقلا طبق
هههههه

و المشكلة التانية هي مشكلة الدراسة و الفحص و المعدلاااااااااات
انا كتير خايفة من الفحص
مدري ليش ؟؟؟

بس بكل الاحوال الجامعة حلوة
عل الاقل الواحد على كيفو بدو بيحضر بدو لا
مو متل المدرسة

sh.sh6755

لاء انا الحمد لله من ناحية الفحص مالي خايفة....

بس يعني التغيير بكل شي وصل لدرجة لبسي....يعني انا يللي هلأ بلبسو  ما فكرت انو رح البسو بحياتي....

انتي صاير معك هيك كمان؟؟؟

لااااااااااااااء مو لهالدرجة
لبسي هوي هوي ما اتغير
ههههه
ما شاء الله
قديش عم تدرسي حتى مو خايفة من الفحص !!!
الله يهينيكي

مين الك انو انا عم ادرس؟؟؟  

بس انا عندي قناعة انو يللي الله كاتبو بدو يصير.....  

السلام عليكم

بالنسبة إلي

أخي الأكبر مني وقت دخل جامعة كان يدرس معي بالغرفة

وهو بطبيعتو بحب يشرحلي كل شي بيدرسو

فيعني كنت أدرس بكالوريا + جامعة

وهو كتبو كلها مراجع

فكنت متعود ومتأقلم أنو وقت فوت عالجامعة بدي صير ادرس بهيك كتب

بالنسبة إلي
                                                   
أصعب شي عندي كان مادة العربي وهي يلي ضربتلي معدلي بالسنة الأولى
                                                             
وكمان ما كنت متعود أني روح عدرس ومو كون محضرو قبل هيك بالبيت
                                                         
كمان الأعداد الكبيرة بالمدرج
                                                                         

مرحبا جميعا ....والله بصراحة أول شهر بالجامعة كان لا ينسى لأنو خلال هالشهر تعرفت على ناس جداد قد يلي عرفتن بحياتي كلها ...بعدين قصة الفحص كنت مووووو قايمها من أرضا وما كنت فكر فيها أبدا من كتر ما كان طاقق قلبي من البكالوريا ......باختصار ...أنا هلأسنة رابعة ..بس بتمنى أنو ارجع عيش الأيام يلي عشتها بالسنة الأولى...بجد أحلى أيام حياتي ............................تقبلو مروري وشكرا كتير لصاحبة الموضوع