الســـلام عليكم ورحمة الله و بركاته ..

بالبداية شكراً للدكتور على الرد الأكتر من رائــع .. جواب جميـل و واضح .

بس في سؤال :

اقتباس

اعاني من تراجع اللثة .. هلأ طبيب اسناني عم يقول بسبب نوعية معجون الاسنان .. و انا بستعمل معجون طبي من ماركة كتير مشهورة .. هل ممكن يكون السبب كثرة استعماله (3 - 4 مرات يوميا)

أولاً بحب قلك إنو طبيب الأســـنان هو الأخبر بحالتك .. لهيك بدي جاوبك على الشطر التاني من السؤال بدون ما وضح إذا كان جواب طبيب أسنانك لحالتك صحيح أم لا ...

معجون الأسنان لا علاقة له بالماركة , إن كانت مشهورة أم لا .. ليش .؟؟ لأنه المادة الفعالة هي عبارة عن صوديوم فلورايد .. هي يلي بتســاعد على حماية الأسنان من التســوس ..!!

و ينصح باستعماله (3 مرات يومياً ) مرة كل 8 ساعات .. و أنا بقلك .. إذا كان معجون أسنانك من نفس الشركة المصنعة لكرست أو لكلوس أب .. معناتا احتمال كبير يكون سبب بتراجع اللثة .

لأنه هالشركتين عم يزيدو من كمية المادة الفعالة (صوديوم فلورايد) و بالتالي في كثير من الأحيان عم تتخطى الكمية الآمنة .

لهيك بنصحك بأنك تراجعي قرارك .. و عندك هالحل المؤقت قبل ما تعرفي شو بقلك طبيب الأسنان :
استخدمي السواك خلال الأوقات العادية في اليوم .. و الســواك آمن حتى ولو تم استخدامه طول اليوم .. و استخدمي معجون الأسنان قبل النوم فقط .! !
استخدمي فرشاة أسنان ناعمة جداً ... و لا تضغطي أبداً على أسنانك .. لأن الضغط لا يزيد من بياض الأسنان و إنما يضر باللثة و (أحياناً) يضر بطبقة الميناء .

أرجو كل الفائدة لكِ .. و إن شاء الله ما على أسنانك شر .

بالنسبة لموضوع تبييض الأسنان .. يرجى الاهتمام بأن يكون لون (بياض) الأسنان موافق للون البشرة .. حتى لا يكون هناك فرق كبيـــر ...!

بالنسبة لليزر .. لا أعلم عنه الكثيــــر ... نورت FiFi خانم .. خلينا نشوفك مرة تانية ..

...............................
إنسانة فضولية : شايف بدك شهادة طب الأسنان بسرعة ...
خلص ولا يهمك .. أول خريجة أنت رح تكوني من تحت إيديي 

د.أبو محمد : أهلاً بك .. و بانتظار معلوماتك ... 
السلام عليكم

يتدرج لون الأسنان الطبيعية بين الأبيض الرمادي و الأصفر وذلك تبعاً للون كل من الميناء و العاج .

لكن الأسنان تتعرض للكثير من العوامل التي يمكن أن تغير لونها وتجعله أكثر دكونة أو تعطيها تصبغات وتلونات مختلفة مما يسبب مشكلة كبيرة لدى المريض تدفعه للبحث عن طرق مختلفة لحلها .

ولكي نتمكن نحن كأطباء أسنان من مساعدته وتقديم أفضل الحلول له لابدّ لنا من معرفة سبب هذه المشكلة ثم المواد و الطرق التي يمكن الاستعانة بها للحصول على أفضل النتائج .

لتحميل البحث كاملاً هو بالمرفق ..

مخطط البحث :
1- مقدمة
2- أسباب تصبّغ الأسنان
3- مواد التبييض
4- تأثير مواد التبييض على الأسنان/على المواد الترميمية
5- التبييض الداخلي
6- التبييض الخارجي :1-في العيادة
2-في المنزل
7- طرق أخرى لتبييض الأسنان
8- المشاركة بين عدة طرق في التبييض
9- خاتمة