السلام عليكم

على حد علمي جميع المشتركين الان في كلية طب الاسنان

هم من السنة الاولى ..

وان شاء الله بتوفقوا بامتحاناتهم للفصل الثاني من السنة الاولى

وبرفعوا كل المواد ..


الموضوع حبيت نفتحه سوا ..

لناقش فيه مواد السنة الثانيه للفصل الاول  .. الطبيه فقط !

والطلاب الي اجتازوا السنوات الاولى بنجاح ..

بستذكروا معنا المعلوماات الطبيه في السنة الثانيه للفصل الاول ..


بنسهل عل بعض المواد .. وبنسال بعض..

ومنجاوب .. بطريئه  تحببللنا المواد ..


هلا وئت ما نبدا .. بكون كل شي واضح وسهل  للكل !

بس تنهتوا من مقرارتكم الحاليه .. منبلش دراسه بالمواد الجايه

انا اخترت منهم ..

1-التعويضات الثابته ( 1 ) .

2-  مواد سنيه .

3- أمراض العين والانف والاذن والحنجره .


ازا حابين نفصل كل مادة بموضوع .. ونحكي عن كل ماده لوحدها ..

كمان حلو ..

هلا هي مجرد فكره .. ومعكن بتكبر .. لتساعدوا بعض وانا اساعدكم ..

لترفعوا كل مواد السنة التانيه .. الفصل الاول ..

وازا لئت الفكره قبول .. منتابع للسنوات الجايي 

ان شاء الله ..


السلام عليكم 

السلام عليكم ..

تحيرت بما أبدؤ الرد .. فقررت البدء بالسلام .. لأني لم أجد الصيغة الملائمة للشكر ..

جهد واضح .. و اهتمام عالي لتطوير المنتدى .. جعله الله في ميزان حسناتك ..

رأيي :

كل مادة اخترتيها .. نفردلها موضوع ...

بس في استفسار هون .. نحن ما منعرف شي عن المادة .. لهيك ما فينا نسأل .. فالظاهر أنك يا دكتورة .. حاطة ببالك تشرحيلنا شوي عن كل مادة ..

و أي سؤال عنها .. بعدين نحن منسألو ... كتيــــر حلو ..

إذا أنا فهمت خطأ .. يا ريت تئليلي ..


بالنهاية :

جزاك الله كل خيـــر .. و أعطاكِ من نعيمه ..


أستودعكم الله

السلام عليكم

شكرا دكتورة على المبادرة الحلوة كتييييير

شكرا إلك

بس انا مع فكرة انو لكل مادة موضوع لحالو في ساحة السنة الثانية

بس دكتورة الحقيقة انا ان شاء الله رح نزل الاشياء الضرورية بالفصل الاول

للسنة التانية على منتدى السنة التانية

و اكيد مبادرتك متل ما حكينا ما رح تسلمي منها ابدا

رح نعبي المواضيع ان شاء الله

اسئلة و استفسارات

و ان شاء الله الله يقدرنا بالصيف لحتى نعوض التقصيرات اللي صارت منا بالمنتدى خلال فترة الشتاء

و نغيرو  تغيير جذري

رح نترك الموضوع للفصل الجاي دكتورة و بعدين رح ارجع نشطو و ساويه اعلان

الله يعطيكي العافية و يجزيكي كل خير

دمتم بحمى الرحمن
أخوكم أحمد الحريري

السلام عليكم

طبعا انا بدي الشي الي يريحكم

وكل كلامكم صحيح وئابل للتطبيئ ..

الموضوع يعني ما بدنا نحكيه عن المواد بشكل ممل

اي سؤال ببالكم متلا بتطرحوه ..

متل ما ئلتلكن .. وئت ما نبدا بتتضح الصوره اكتر ..

وان شاء الله الاعضاء الجدد .. يتفاعلوما معكن بتطوير منتدى كليتنا ..

وكتير من الاعضاء الئدامى .. كمان !


اذا رح نفرد كل ماده بموضوع منفصل .. بالصيف ازا الله راد

وهاد الموضوع .. 

مخصص لمادة التعويضات الثابته 1 ..

والا شو ؟ .. على راحتكن .. 

أم تيــــم .. الزميلة المميزة ..

دكتورة .. شو رأيك نترك هاد الموضوع .. للاقتراحات اللي بتصير على المواضيع المتعلقة بالمواد التلاتة اللي طرحتيهن ..

و هيك منضمن الترتيب .. والسهولة بالفهم .. لكل المواضيع ..

إذاً :

هاد الموضوع إن شاء الله ..

رح يكون للاقتراحات و التنسيق و الترتيب بالنسبة للمواضيع التلاتة القادمين ..

أما الاستفسارات ... فبتضل بموضوع المادة ..


شكراً سلفاً ... وشكراً للاهتمام ..


أستودعكم الله

السلام عليكم ورحمة الله ...

ما رأيكم أن نتابع بالموضوع .. ؟

فلنخصص موضوعاً آخر لمادة : أمراض العين و الأنف و الأذن والحنجرة

و بمعية الدكتور رح نتابع بالموضوعين سوى ...
بانتظار آرائكم .. ما تتأخروا علينا .

دمتم بود