السلام عليكم أخوتي وأخواتي

انشالله يكونوا الكل بصحة وعافية

وتكون دراستكم تمام

موضوعي هو عبارة عن سؤال  

شو هو أصعب سؤال انسألته بحياتك

كلنا مننحط أحيانا بموقف منكون عاجزين عن الاجابة  

شو هو السؤال الي ماحسنتوا تجاوبوا عليه

الي حسيتو حالكم ادامه ملبكين وموعرفانين تحكوا ولا كلمة

رح بلش أنا

بصراحة اليوم انسألت أصعب سؤال بحياتي كلها

ويمكن بسببه حطيت هالموضوع

السؤال هو

شو غيرت فيكي العمرة يامنال

عنجد هاد اصعب سؤال بحياتي كلها

حسيت حالي ملبكة وموعرفانة احكي ولا حرف

بالعادة لما انحط بموقف محرج بعرف راوغ وطلع حالي من هالموقف

بس اليوم جمدت بفرد جمدة

السؤال كان صعب كتير

او يمكن موصعب

بس انا مابدي جاوب

بدي اهرب من الاجابة

ع كل حال جاوبت بالاخر

وانشالله الله بيثبتنا اجمعين ع الحال الأفضل

ظريف  هالموضوع

السؤال الي ما ألو إجابة عندي وعند غيري

لأيمت حنتم نكذب ع حالنــا .. لأيمت .؟؟؟

                                                                                                                                                                                          ولفتة صغيرة .. ازا كان أخر حل  متاح ما غيرنا للأحسن  ..فالله يجيرنا ..والشاطر الي بيفهم ويطبق

انا مابدي جاوب على مشاركات الكل

بس مشاركة السيد عمر هي السؤال التاني الي مابعرف جاوب عليه

ويمكن هاد السؤال أصعب من كلشي قبله

ازا كان اخر حل متاح ماغيرنا للأحسن

كلام قوي جدا

وعنجد بيخلي الواحد يصفن ويفكر بحاله كتييييير

سيد عمر

انا ماعندي جواب

بس بظن لما الواحد يطلب بصدق يتغير للأحسن رح يحسن يتغير

بس بدك مين يطلب بصدق

وكمان في شغلة مافهمتها

من بعد ازنك ازا بتوضحها هون او برسالة

شو يعني اخر حل متاح

ليش نحنا منعرف شوفي بالأيام الجاية

جتى نحكم انو اخر حل متاح

بتمنى عنجد تجاوبني

لأن السؤال مهم كتير عندي

والجواب أهم

بشكل نظري فينا نعرف شو أخر حل متاح بهالحياة

يعني ..أخر حل متاح لطالب البكالوريا المستنفذ هو نجاحه بامتحاناته..

امالطالب ابتدائي فالحلول ئدامو كتيرة ..

وبالنسبة للطلب بصدق ..بيتجلى بالعمل مو بس بالطلب ..

لأنو صفة الطلب الصادق هي العمل على التغيير للاحسن ..

وكمثال أقرب لتوصل الفكرة ..


فينا نعتبر انو الحج من اخر الحلول الاصلاحية الظاهرة المساعدة على التغيير

فاذا ما استفدنا منها ..وقتا منكون ..من جماعة ..يا حسرة عليهم ..

والله يثبت القلوب ..ويسدد الخطا

مشكور لردك السريع

والجواب كان واضح تمام

بس في شغلة

ازا الواحد راح ع الحج وماحس حاله انو تغير

بس بعد فترة صحي

وقوى علاقته مع ربه

يمكن بيكون تجاوز اخر حل متاح

يعني الله سبحانه وتعالى بيقول

{و إذا سألك عبادي عني فإني قريب أجيب دعوة الداع إذا دعان}

الله سبحانه وتعالى لما يعرف انو العبد عم يطلب التغيير بصدق

ومتل ماقلت حضرتك بلش يشتغل على حاله ليطورها للأحسن ويثبتها ع الصراط المستقيم

أكيد رح يتغير

حتى لو كان مضيع على حاله وئت راح ع الحج

على كل حال النقاش بهالموضوع بيطول

وانشالله بعد الامتحانات منكمل هالنقاش

بس قلت بما اني اليوم استراحة بقضيه هون بالمنتدى

وحبيت نزل هالموضوع

وفرحت كتير بمشاركتك سيد عمر

بعتزر من كل الأعصاء ع الخطأ الإملائي بالآية

بس حرف الدال الي فوقه نقطة ماعم ينكبس عندي

مشان هيك عم اكتب بداله الزاي

اسفة من الكل

السؤال الوحيد يلي مابعرف جاوب عليه 


لما حدا يسالني ايمتى عرسك  

السؤال الصعب عندي
كل ما يتعلق بالمستقبل
شو راح تشتغل .....  شو راح تعمل بعد التخرج ...... امته بدك تجوز ..... شو هي نظرتك لحياتك المستقبليه ........ الخ  هو انا  هلأ عم بشتغل وشغلي منيح بس مالي عرفان بكرة ابطل او اسافر او  او  او
كل شخص  مخطط لمستقبله بس انا لهلأ  ما لي  عرفان الله وين حاططني 

وتاركها على الله

فكرة الموضوع كتير حلوة .. بس المشكلة ان مو عارفة شو اكتب ......

تقبلوا مروري .. مسافرة مع الأيام ....

مسافرة مع الأيام مشكورة على مرورك

بس بظن انك حطيتي حالك بموقف محرج

هه

يعني المشاركة عن سؤال محرج مو موقف محرج

ستي اهلا وسهلا فيكي بالموضوع

نورتي