اقتباس
سؤال عام,,,للأعضاء و المشرفين
شايف ولامشرف جاوب .. طيب يلا رح كون كبش الفدا هه
شو هدفك ,,,من الدخول للمنتدى والأشتراك فيه ,,,
هدف بالمعنى الصريح مافي .. يعني تعرفت عالموقع بعد نصيحة صديق .. مشان نتائج الإمتحانات
بس لاحقاً .. وجدت فائدة ومتعـة وجوّ جميل ودافي بين أهل هالمنتدى وصفحاته ..
ولهالشي حبيته أكتر .. وإستمريت بزيارته ومتابعته ..
و لوين حابب توصل,,,
كنت ولازلت .. مالي حاطط .. سقف معين للأهداف من الموقع ..
بس بحاول أوصل من خلاله لأقصى حدّ .. في الإستفادة من إيجابياته
متل اللي ذكرتها بالأعلى ..
طبعا,,,شعار الأخ ياسر
المنتدى للمعرفة مو للتعارف,,,
بس هالأيام ,,, عم أسمع قصص كتيرة ,,,
من الأعضاء ,,عم تشوه هالشعار,,,
يالله يا شباب و يا صبايا ,,
وعلى بساط أحمدي ,,,
لايخلو الأمر من هالشي .. بس ليش لنضل عم نسمع !؟
أي واحد أو وحدة .. بس يصير معهن مشكلة .. فوراً يخبروا ياسر وبرسالة مستعجلة
وإذا بيعملوا كوبي للكلام أوطباعة للصفحة بكون أحسن ..
عموماً ياسر والمسؤولين عن متابعة هالأمر ماعم يقصروا -الله يعطين العافية- ..
وبالنهاية هي شروط الموقع .. وأي شخص بيقرأها وقت التسجيل ومابتعجبوا .. ماله مضطر يسجل
حاكم بفضل من الله .. موقعنا بيتميز بإنو التصفح والتحميل فيه مجاااناً .. وبدون عضوية
شو هدفك من الأشتراك,,,
بالأصل ماكان في هدف ..
سوى إني حابب شوف علاماتي عالنت .. بحكم إنو نزلاتي عالكلية محدودة
فإشتركت لظني بإنو التسجيل إلزامي ..
بس لاحقاً ومتل ماذكرت بأول الرد .. وجدت بهالمنتدى بعض الفائدة وبأكتر من مجال
بدراستي .. بأمور إجتماعية - تقنية - حوارية ....... بالإضافة إلى بعض التسلية والمرح
وفوقها حسيت بإنه أهله ناس مميزين بتعاملن وأخلاقن ..
هالشي كله خلاني أتعلق بالمنتدى أكتر .. وتابعو بإستمرار
هلأ قصة التعارف عبر المنتدى ..
أنا بعتبرها مرحلة .. مستحيل مايمّر فيها أي عضو إستمر بالتواجد فيه -شاء أم أبى-
يعني بعد يوم يومين ..... ومتابعة وإعجاب ببعض الأشخاص بده يصير التعارف تحصيل حاصل
لهيك بقدر قول .. نعـم المنتدى .. حققلي التعارف على شباب صدقاً بقمة الزوء والأكابرية
إبتداءاً باللي صاروا من أعز أصحابي وتواصلنا يومي .. وإنتهاءاً باللي بتواصل معن ببعض الأحيان
وبالأصل كان عندي ظن .. إنو هالمنتدى الطيب .. مارح يكون أهله غير طيبيبن متله ..
وفعلاً صدق ظني .. بكل الشباب اللي عرفتهم لهلأ
يعني عالأقل اللي ماعجبه جوّ هالمنتدى كان ترك من أيامو الأولى .. ما إضطر يستمر فيه لهلأ ..
واللي عنده غايات وحركات تانية .. عالإستمرار رح يبين فوراً لأنو لكل حصان كبوة
بس للعلم .. ماكان تكوين الأصدقاء "هدف"
وحتى كان إلي وجهة نظر مضادة .. لقصة التعارف ع أصدقاء من النت ..
بس سبحان الله .. هالمنتدى نسفلي هالنظرية .. تقريباً عالآخر .. هه
آخر شغلة .. بخصوص إني لاقي مكان لتفريغ طاقتي وإبداعي بالمنتدى وعالنت .. بعيداً عن الواقع
ممكن .. بس بنسبة ضئيلة جداً ..
يعني بحكم إني شخص إجتماعي .. وعندي عمل ومحيط كبير جداً من المعارف والإحتكاك
فعم مرّ يومياً بكل المواقف والأشخاص .. لدرجة كفيلة بإني فرغ كل طاقتي فيهن
بس أوقات إذا لقيت فكرة أو شي شغلة مفيدة .. ممكن قوم بطرحها ضمن المنتدى ..
بتمنى تجاوبوني بصراحة ,,, و دون مثاليات
وهو كذلك .. بإذن الله ..
تحيـــة للطــرح ..
بأمـــااان الله ..
سؤال عام,,,للأعضاء و المشرفين
.. قول لأنو عنا ما في مشرفين ..